საქართველოს საგარეო ვალი მკეთრად იზრდება. ეროვნული ბანკის მონაცემებით, ქვეყნის მთლიანი საგარეო ვალი 15,5 მილიარდი დოლარია, რაც თითქმის მთელი ჩვენი ეკონომიკის ტოლია. საგარეო და შიგა ვალის მატების მიუხედავად, თანაზომიერად არ იზრდება ქვეყნის ეკონომიკა, რაც მდგომარეობას ართულებს. სპეციალისტები მიიჩნევენ, რომ საგარეო ვალის ოდენობა საგანგაშოა და ქმედითი ნაბიჯების გადადგმა აუცილებელია. მათი ვარაუდით, ვალის რაოდენობა არჩევნების პერიოდში კიდევ გაიზრდება.

საზაფხულო შვებულებების პერიოდი გააქტიურდა. ხალხი მძიმე და გადაღლილი პერიოდის შემდეგ დასვენებას გეგმავს, მაგრამ, როგორც ყოველთვის, ფინანსური პრობლემების წინაშეა. ბოლო პერიოდში ადგილობრივი დამსვენებლების დიდი ნაწილი მთას ირჩევს. ამბობენ, რომ ზღვაზე დასვენება უფრო ძვირი ჯდება, ვიდრე მთის კურორტებზე.

გუდაუთის რაიონში მომხდარმა მკვლელობამ რუსულ და აფხაზურ საზოგადოებაში დიდი რეზონანსი გამოიწვია - 11 ივლისს ბოროტმოქმედთა ჯგუფი თავს დაესხა რუსი ტურისტების ოჯახს. გამოსასყიდის მიღების მიზნით, ყაჩაღები შეეცადნენ ორი მცირეწლოვანი ბავშვის მოტაცებას.

საქართველოს ისტორიას უამრავი გმირობისა და თავგანწირვის მაგალითები ახსოვს და დღევანელ სტატიაში მათი გახსენებით მკითხველს თავს არ შევაწყენთ, მხოლოდ რამლენიმე საინტერესო ამბავი გვინდა გავიხსენოთ მე-18 საუკუნის სამი გმირი ქალისა: თინა წავკისელის, თამარ ვაშლოვანელისა და მაია წყნეთელის თავდადებაზე.

"2008 წელს ბრძოლით დაკარგული ტერიტორია უფრო ნაკლებია, ვიდრე 2012 წლის შემდეგ მცოცავი ოკუპაციით. ეს არის დათმობისა და ე.წ. შერბილებული პოლიტიკის შედეგი", - აცხადებს "საქართველოს ევროპელი დემოკრატების" თავმჯდომარე პაატა დავითაია "რეზონანსთან" საუბრისას.

საერთაშორისო ბაზრებზე ხორბლის ფასი ბოლო 2 წლის მაქსიმუმზეა. გაძვირების ტენდენცია 25 ივნისიდან დაიწყო და დღემდე ნარჩუნდება. ამ ეტაპზე 1 ბუშელი ხორბალი 5,40 დოლარი ღირს, რაც ყველაზე მაღალი ფასია 2015 წლის ივნისის შემდეგ. საფასო ცვლილება უკავშირდება უამინდობას, რის გამოც უცხოურ ბირჟებზე მოთხოვნა-მიწოდების ბალანსი დაირღვა.

ე.წ. ციანიდის საქმის სასამართლო განხილვა გუშინ განახლდა. პროცესზე პროკურატურამ დეკანოზ გიორგი მამალაძის ბრალდების საქმეზე რამდენიმე მოწმე დაკითხა, მათ შორის, ერთ-ერთი ანალიტიკოსი არჩილ გამზარდია იყო, რომლის მოსაზრებითაც, საქმე არა შორენა თეთრუაშვილის ლიკვიდაციის კუთხით უნდა მიდიოდეს, არამედ პატრიარქის სიცოცხლის ხელყოფის მცდელობის მხრივ უნდა წავიდეს.

"ტერიტორიების ოკუპაციის მხრივ სიტუაცია კიდევ უფრო დაიძაბება," - ასეთია კონფლიქტოლოგების პროგნოზი მცოცავ ოკუპაციასთან დაკავშირებით. მათი შეფასებით, იმ ფაქტს, რომ ქართველი სამართალდამცავი ორგანოები შესაბამის რეაგირებას არ ან ვერ ახდენენ, რუსი ოკუპანტები კარგად იყენებენ და მათი მხრიდან მომავალში კიდევ უფრო რადიკალურ ქმედებებს უნდა ველოდოთ.

ბოლო ერთი კვირაა, ლარი მყარდება და უკვე 2.39-ის ნიშნულს ჩამოსცდა. მიუხედავად იმისა, რომ საქართველოს ეროვნული ბანკი გამყარების პროცესს ხელოვნურად უშლის ხელს და მიმოქცევიდან დოლარს იღებს, ლარი პოზიციებს შეუმჩნევლად მაინც იუმჯობესებს. ფინანსისტების აზრით, გამყარების ტენდენცია ოქტომბრამდე შენარჩუნდება და ეროვნული ვალუტა 2.38-ის ფარგლებში იტრიალებს.

"საქართველოს იმიჯი ჩვენმა ხელისუფლებამ უკვე შელახა იმით, რომ ვენეციის კომისიას ექსპერტიზა კონსტიტუციის სხვა პროექტზე ჩაატარებინა და მიიღო სხვა გადაწყვეტილება," - აცხადებს პოლიტოლოგი გია ხუხაშვილი და აღნიშნავს, რომ ვენეციის კომისიის სამდივნო საქართველოს ხელისუფლებისა და ოპოზიციის შეხვედრას დიდი ოპტიმიზმით არ უყურებს.

წლის ბოლოს შეიძლება თბილისში დენის გაძვირების საშიშროება შეიქმნას. ჯერ ერთი, რომ სემეკს 1 კვირაში უწევს გაზის ტარიფის გადახედვა და მისი გაძვირება თბოსადგურების მიერ გამომუშავებული ელექტროენერგიის ღირებულებას შეცვლის. ამას გარდა, მარეგულირებელ კომისიას რუსულმა "ინტერ რაომ" ტარიფის გადახედვის მოთხოვნით მიმართა. საფრთხე არსებობს, თუმცა ენერგეტიკოსები მიიჩნევენ, რომ სემეკი ტარიფებს არ გაზრდის და დენის გაძვირების საშიშროება ამ ეტაპზე არ იკვეთება.

"განგაშის ზარი უნდა შემოვკრათ და მარშებს უცხოელების წინააღმდეგ კი არ უნდა ვაწყობდეთ, რაც რუსეთის ინტერესებს შეესაბამება, არამედ იმ ფორმიანი უცხოელების მიმართ, რომლებიც საქართველოს ისტორიულ რეგიონში საერთაშორისო სამართლის ნორმების სრული დარღვევით არიან განთავსებულნი," - აცხადებს პოლიტოლოგი ნიკა ჩიტაძე "რეზონანსთან" საუბრისას.