"თვეების განმავლობაში არაერთი გაზეთიდან ვიღებდით ინფორმაციას იმის შესახებ, თუ ვისი "მიჭირხვნა" იყო შეკვეთილი. სია იწყებოდა ალასანიათი, მას მიჰყვა უსუფაშვილი, პრეზიდენტი და ამ კვარტეტში, თავისი მაღალი პროფესიონალიზმითა და პრინციპულობით, ახლა უკვე ჩვენი ომბუდსმენიც მოხვდა, რომელიც, კარგად გვახსოვს, ჩვენი "კადრებთუხუცესის" პირადი არჩევანი არ გახლათ", - ამის შესახებ დამოუკიდებელ ექსპერტთა კლუბის პრეზიდენტმა სოსო ცისკარიშვილმა "რეზონანსთან" საუბრისას განაცხადა.

საქართველოს თავდაცვის მინისტრი სამუშაო ვიზიტით საფრანგეთში იმყოფება, სადაც ფრანგ კოლეგა ჟან-ივ ლე დრაინს შეხვდა. განხილვის ერთ-ერთი მთავარი საკითხი საქართველოს საჰაერო თავდაცვის სისტემის გაძლიერება იყო. აღინიშნა, რომ ქართული მხარე კონტრაქტით გათვალისწინებულ პირობებს კარგად ასრულებს. მინისტრებმა კონტრაქტის მომდევნო ეტაპის შესახებ იმსჯელეს, რაც ფრანგული თავდაცვითი სისტემის გამოყენებისთვის ქართველი სპეციალისტების გადამზადებას ისახავს.

წელს საქართველოდან თხილის ექსპორტი მკვეთრად შემცირდა, ბაზარზეც ფასი შესამჩნევად დაკლებულია. მიუხედავად იმისა, რომ მოსახლეობაში თხილის მარაგი არის, რეალიზაციისგან უმეტესობა თავს იკავებს, რადგან ფასის ზრდას ელოდებიან. საქართველოს ბაზარზე თხილის ფასი 4-5 ლარის, ხოლო მსოფლიო ბაზარზე 6 დოლარის ფარგლებში მერყეობს. სპეციალისტები თხილის ხარისხის სტანდარტის შემოღებაზე ამახვილებენ ყურადღებას.

მთავრობას ხუდონჰესის აშენება სურს, თუმცა - კერძო ინვესტორის გარეშე. კონკრეტულ გეგმაზე ჯერჯერობით არ საუბრობენ, თუმცა აშკარაა, რომ ინდოელ ინსვესტორებთან შეთანხმება ვერ მოხერხდა. ენერგეტიკოსები ამბობენ, რომ ამგვარი ცვლილებების დროს აუცილებელია ალტერნატიულ პროექტზე მუშაობა. მისი განხორციელების შემთხვევაში შენარჩუნდება ის ტერიტორია, რომლის გამოც ხალხი უკმაყოფილებას გამოთქვამს.

ეროვნული ბანკის მიერ ბოლო პერიოდში განხორციელებულმა ინტერვენციებმა ლარზე ცუდად იმოქმედა. აპრილში სებ-მა უკვე ზედიზედ ორჯერ სავალუტო აუქციონის მეშვეობით თითქმის 20 მლნ დოლარი ამოიღო. ფინანსისტების აზრით, ეროვნული ბანკი უხეშად ერევა სავალუტო ბაზარზე და ლარის გამყარებას ხელს უშლის. ეს მაშინ, როცა ლარის გაუფასურების დროს, ფაქტობრივად, არაფერს აკეთებს.

თბილისის ქვეშ მიწისქვეშა გვირაბების ქსელი და თავშესაფრებია მოწყობილი, რომელთა უმრავლესობაც გასული საუკუნის 60-იან წლებში ომის შემთხვევისთვის გააკეთეს. სავენტილაციო შახტები და გვირაბები, რომლებიც თავშესაფრებს ერთმანეთთან აკავშირებდა და ასევე თავად თავშესაფრების უმეტესობა დღეს გაპარტახებულია და დანგრევის პირასაა, თუმცა არის დაცული თავშესაფრებიც, რომლებშიც შესვლა აკრძალულია.

თორნიკე ამირხანაშვილი

2017 წლის პირველ სამ თვეში საქართველოს შავი ზღვის სანაპიროზე 20-მდე მკვდარი დელფინი გამოირიყა. სპეციალისტები აცხადებენ, რომ ეს მონაცემები საგანგაშო არ არის. დელფინების დაღუპვის ყველაზე გავრცელებულ მიზეზად თევზსაჭერ ბადეებსა და მორბილვირუსულ ინფექციას ასახელებენ. ყველაზე არასასიამოვნო კი ისაა, რომ ხშირად პლაჟზე დახოცილი დელფინების გამორიყვის შემთხევები ტურისტული სეზონისას აღწევს თავის პიკს.

22 წელი გავიდა მას შემდეგ, რაც საქართველოში საფუძველი ჩაეყარა ბაქო-თბილისი-ჯეიჰანის ნავთობსადენის მშენებლობას. ამ ისტორიული ფაქტის მნიშვნელობაზე დღევანდელ სტატიაში არ ვისაუბრებთ, თუმცა მკითხველს შევახსენებთ, რომ ბაქოდან საქართველოში, კერძოდ ბათუმში ნავთობის გატარების პირველი მარშრუტის იდეა თავის ძმებს ლუდვიგ ნობელმა მიაწოდა და ურჩია: "ბაქოდან ნავთობის ტრანსპორტირების ყველაზე შესაძლო მარშრუტს შორის, რეკომენდაციას გაძლევთ, აირჩიოთ მარშრუტი, რომელიც საქართველოზე გადის. ყველა დანარჩენი მარშრუტი უფრო დიდ რისკთან არის დაკავშირებული. არასად არ არის ისეთი ხელსაყრელი პირობები, როგორიც ბაქოსა და თბილისში. ამიტომ ღრმად ვარ დარწმუნებული, რომ ჩვენ სწორედ ეს მარშრუტი უნდა ავირჩიოთ".

ბოლო წლების განმავლობაში საჩუქარმა სახე და ფორმა იცვალა. ახლა ადამიანები ცდილობენ, ერთმანეთს ორიგინალური საჩუქრები მიუძღვნან. ეს ყველაფერი მოდის ტენდენციაა. ამის გამო, ბევრს ერთი და იგივე სუვენირი ან ნივთი ხვდება წილად. უფროსი თაობა ჯერ კიდევ იმ აზრზეა, რომ კარგია ფულის ჩუქება, რადგან მას ყველაზე მიზანმიმართულად გამოიყენებს ადამიანი.

ე.წ. ჩქარი ავტობუსები, რომელთათვისაც სავალდებულო არ იქნება შუქნიშანზე გაჩერება, თბილისში ახლო მომავლიდან გამოჩნდება. როგორც თბილისის მიწათსარგებლობის გენერალურ გეგმაზე მომუშავე ჯგუფის ერთ-ერთმა ხელმძღვანელმა, მერაბ ბოლქვაძემ განაცხადა, დადგენილია სატრანსპორტო დერეფნები, რომლით სარგებლობის უფლებაც მხოლოდ ავტობუსებს ექნება.

თევზის სხვადასხვა სახეობის მოპოვებისთვის ახალი მოსაკრებლის დადგენამ შესაძლოა, პროდუქტი გააძვიროს. საგადასახადო სფეროს სპეციალისტებს მიაჩნიათ, რომ ნებისმიერი სახის გაზრდილი გადასახადი, როგორც მოსაკრებლის, ასევე სხვა სახის, თევზის თვითღირებულებასა და სარეალიზაციო ფასზე აისახება.

კონსულტაციები, რომლებიც კონსტიტუციის 94-ე მუხლთან დაკავშირებით აქტიურდ მიმდინარეობს, შესაძლოა, ახალი გადასახადების შემოღებითა და არსებულის გაზრდით დასრულდეს. ეკონომიკის სფეროს სპეციალიტები მიიჩნევენ, რომ 94-ე მუხლი ბიზნესის ერთგვარი დაცვაა და მას შეცვლა არ სჭირდება. მათი თქმით, საქართველოში იმდენად მძიმე ეკონომიკური ვითარებაა, ქვეყანა ახალი გადასახადების დაწესებას ან მიმდინარე ვალდებულებების გაზრდას ვერ გაუძლებს.