საგარეო ვაჭრობაში ქვეყნის მთავარი სავაჭრო პარტნიორის - თურქეთის წილი მთლიან ბრუნვაში 16%-მდე შემცირდა. ასეთია ოფიციალური სტატისტიკა, რომელიც საქართველოს საგარეო ვაჭრობის 2017 წლის პირველი კვარტალის მონაცემს ასახავს. ეს მონაცემი ყველაზე დაბალი მაჩვენებელია საქართველოს დამოუკიდებლობის მოპოვების შემდეგ იმ ქვეყანასთან, რომელიც სავაჭრო ბრუნვაში ყოველთვის პირველ ადგილს იკავებდა.

ჯერჯერობით როგორც თბილისში, ასევე რეგიონებში არც ერთი სილამაზის სალონი არ დაუჯარიმებიათ. არადა, მარტო დედაქალაქში ყოველთვიურად 48 სალონი მოწმდება. თბილისის სხვადასხვა უბანში მდებარე სილამაზის ცენტრების მეპატრონეები მსგავს შემოწმებას მიესალმებიან. ისინი ამბობენ, რომ შემოწმება სალონის მომსახურებაზე უარყოფით გავლენას არ მოახდენს და კვლავ ძველი ფასით გააგრძელებენ კლიენტების მიღებას.

როდის დაიწყება ტვირთის ბრუნვის მონიტორინგი ფსოუსა და როკის გვირაბთან, ჯერ კიდევ გაურკვეველია. რუსეთმა 2011 წლის ხელშეკრულების იმპლემენტაციას მწვანე შუქი აუნთო, მაგრამ ამ დრომდე უცნობია, როდის მოხდება ტექნიკური დეტალების მოგვარება და შვეიცარიულ მხარესთან შეთანხმების დოკუმენტურად გაფორმება. ქართული მხარე ამას დიდი ხანია, ელოდება, შვეიცარიელები კი დროს ითხოვენ.

პირველი ლედის, მაკა ჩიჩუას ნახევარძმა მიხეილ მგალობლიშვილს საქალაქო სასამართლომ 4 წლით თავისუფლების აღკვეთა მიუსაჯა, რასაც კატეგორიულად არ ეთანხმება მაკა ჩიჩუა და ამბობს, რომ ის იარაღი, რომელიც მას ჩხრეკვისას აღმოაჩნდა, მემკვიდრეობით ერგო და, ფაქტობრივად, სამუზეუმო ექსპონატია.

"საკმარისია, ევროკავშირმა თურქეთის მიმართ ტონი ოდნავ შეცვალოს, საუბარი დაიწყოს მის ევროპულ პერსპექტივაზე და თურქეთის ხელისუფლების მხრიდანაც შეიცვლება დამოკიდებულება," - ამბობს პოლიტოლოგი, თსუ-ს პროფესორი კორნელი კაკაჩია "რეზონანსთან" საუბრისას.

"საგზაო მოძრაობის შესახებ კანონი" არასწორი პარკირების გამო ქულების მოკლებას არ გულისხმობს. შეგახსენებთ, რომ 1-ლი ივლისიდან 100-ქულიანი სისტემა ამოქმედდება, რომლის მიხედვითაც ყველა დარღვევაზე მძღოლს შესაბამისი ქულები ჩამოაკლდება. ქულების განულების შემთხვევაში მართვის მოწმობის ასაღებად გამოცდების ახლიდან ჩაბარება იქნება საჭირო.

"თოვდა და თბილისს ეხურა თალხი, დუმდა სიონი და დუმდა ხალხი... თეთრ ცხენზე მჯდომი ნაბიჯი ნელით შემოდიოდა სიკვდილი ცულით!" - კოლაუ ნადირაძის ეს სტრიქონები მეხივით გავარდა გასული საუკუნის 80-იან წლებში, როდესაც პირველად დაიბეჭდა ჟურნალ "მერანში". 1985 წლის სექტემბერში საუკუნეს მიღწეული პოეტი ლამის მწერალთა კავშირიდან გარიცხეს, ლექსი "25 თებერვალი, 1921 წელი" კი "დიდი ოქტომბრის რევოლუციის შეურაცხყოფად" მონათლეს.

სადაზღვევო კომპანია ალდაგმა მოსავლის დაზღვევა უკვე დაიწყო. აგროდაზღვევის სახელმწიფო პროგრამის მეოთხე ეტაპი ფერმერებს გაუმჯობესებულ სადაზღვევო პირობებს სთავაზობს. ყველა ფერმერს, ვინც მაქსიმუმ 5 ჰექტარი ფართობის და მარცვლეული კულტურების შემთხვევაში, 30 ჰექტარი ფართობის მიწის ნაკვეთს ფლობს, შესაძლებლობა ეძლევა დააზღვიოს მოსავალი ბუნებრივი მოვლენებით გამოწვეული რისკებისგან: სეტყვა, წყალდიდობა, ქარიშხალი და საშემოდგომო ყინვა (მხოლოდ ცტრუსის შემთხვევაში)

"ერთადერთი საქართველოს სავალუტო საგანი ამ უკანასკნელ წელთა განმავლობაში, ეს იყო ჭიათურის შავი ქვა, ეს იყო საქართველოს სახელმწიფოებრიობის უძლიერესი ეკონომიკური ძარღვი და ეს ძარღვი მოსკოვმა დღეს გამოაცალა საქართველოს სხეულს"- ასე გამოეხმაურნენ საუკუნის წინ ემიგრაციაში მყოფი დამოუკიდებელი საქართველოს მთავრობის წევრები ჩიჩერინისა და ძერჟინსკის მიერ მოსკოვში ჭიათურის მარგანეცზე დადებულ ხელშეკრულებას.

ისტორიის ჟამთასვლამ არაერთი გამორჩეული კულტურა და სახელმწიფო შეიწირა, არაერთხელ შეიცვალა მსოფლიო პოლიტიკური რუკა, ისტორიის ქარტეხილებს ბევრმა ქვეყანამ ვერ გაუძლო, ბევრიც აღიგავა პირისაგან მიწისა.

ცნობილი ფაქტია, რომ ახალგაზრდას უკეთესი მეხსიერება აქვს, ვიდრე ხანდაზმულს. აღმოჩნდა, რომ ეს ახალგაზრდის სისხლითაა განპირობებული. ამის შესახებ ჟურნალი "ნეიჩა" წერს. განცხადება სტენფორდის უნივერსიტეტის მეცნიერთა მიერ ჩატარებულ კვლევას ეხება, რომლის მიხედვითაც, ბავშვის სისხლს მეხსიერების გაუმჯობესების პოტენციალი აქვს.

გასულ კვირას საქართველომ 2 საყვედური მიიღო - 18 აპრილს ირანის საგარეო საქმეთა მინისტრმა გამოთქვა უკმაყოფილება იმის გამო, რომ თბილისის აეროპორტში ირანის მოქალაქე ქალებს სასაზღვრო კონტროლის გავლისას ჰიჯაბის მოხსნას აიძულებენ და ეს მათი რელიგიური შეურაცხყოფაა. ცოტა ადრე კი თურქეთის საელჩომ "მეგობრულად თხოვა" თუ მოსთხოვა "ოცნების" პარლამენტარებს, რომ 12 აგვისტოს დიდგორობის დღესასწაული უქმე დღედ არ გამოცხადდეს, რადგან დიდგორის ბრძოლა მათი დამარცხების დღეა.