საქართველოს მართლმადიდებელი ეკლესია ხვალ, 16 აპრილს აღდგომის ბრწყინვალე დღესასწაულს აღნიშნავს. ამასთან დაკავშირებით საქალაქო ტრანსპორტზე შეღავათები იქნება დაწესებული. გარდა ამისა, შსს-მ საცობების თავიდან აცილების მიზნით, სასაფლაოებისაკენ მოძრაობის საგანგებო მარშრუტების განსაზღვრა.

მარტის საარსებო მინიმუმი, შარშანდელ ანალოგიურ პერიოდთან შედარებით, 4-5%-ით გაიზარდა. ეკონომიკურად რთული თვეების შემდეგ, რამდენიმე ლარით მატება, არასაკმარისად მიაჩნიათ სპეციალისტებს. მათი აზრით, საარსებო მინიმუმი რეალური ინფლაციის შესაბამისად არ გაზრდილა. ის უნდა განისაზღვრებოდეს, არა ინფლაციის დონით, არამედ დევალვაციიდან გამომდინარე. სხვა შემთხვევაში მაჩვენებელი რეალობას მოკლებული იქნება.

ბოლო ერთი კვირაა ჩრდილოეთ კორეის ირგვლივ ვითარება უკიდურესად იძაბება. ჩრდილოეთ კორეა და აშშ ერთმანეთს ომით ემუქრებიან. კიმ ჩენ ინმა ფხენიანში მოსახლეობის სასწრაფოდ ევაკუაცია უკვე გამოაცხადა. ჩინეთმა 150 000-იანი ჯარი კორეის საზღვართან განალაგა. იაპონია კი შიშობს, რომ ჩრდილოეთ კორეა ქიმიურ იარაღს გამოიყენებს.

საკონსტიტუციო ცვლილებისთვის შექმნილი კომისია ოპოზიციური პარტიების გარეშე რჩება. კომისიას გასულ ორშაბათს ბოიკოტი გამოუცხადა პარტიამ "სახელმწიფო ხალხისთვის", ხუთშაბათს - "ნაციონალურმა მოძრაობამ", მომავალ კვირას კი კომისიის დასატოვებლად ემზადებიან არასაპარლამენტო ოპოზიცია და "პატრიოტთა ალიანსი". უფრო მეტიც, ირმა ინაშვილის გუნდი ბოიკოტთან ერთად მაისიდან შიმშილობის დაწყებასაც არ გამორიცხავს. 

მმართველი პარტიის წევრები შაბათს "რუსთავი 2"-ის ეთერში გაკეთებული განცხადებების გამო "რესპუბლიკური პარტიის" ერთ-ერთ ლიდერს, ლევან ბერძენიშვილს უპირისპირდებიან. მათი თქმით, ბერძენიშვილმა პარლამენტის თავმჯდომარე ირაკლი კობახიძეს ღიად მიაყენა შეურაცხყოფა.

"რუსთავი 2"-ის წილების გადანაწილებასთან დაკავშირებით არსებული შეთანხმება ქიბარ ხალვაშსა და დავით დვალსა და ჯარჯი აქიმიძეს შორის, შესაძლოა კითხვის ნიშნის ქვეშ დადგეს. ხალვაში აქიმიძისა და დვალის ბოლოდროინდელი განცხადებებით უკმაყოფილოა და მათ ერთგვარ მუქარასაც უგზავნის. 

რამდენიმე დღის წინ "რუსთავი 2" კიდევ ერთმა ტელეწამყვანმა დატოვა. გიორგი ვარდოსანიძე, რომელიც 3 წელი გადაცემა "გააცინე და მოიგეს" წამყვანი იყო, ტელეკომპანიიდან წავიდა. ვარდოსანიძემდე "რუსთავი 2" დატივეს დიამა ობოლაძემ, როსტომ წულუკიძემ და კოტე ბატმანიდმა.

"თავად საკონსტიტუციო ცვლილებების პროცესი დაიწყო არასწორად. ჯერ უნდა გაგვერკვია ჩვენი საზოგადოება მმართველობის რა მოდელს ემხრობა და კონსტიტუციაზე მუშაობა ამის შემდეგ დაწყებულიყო. ახლა ისე გამოვიდა, რომ ხალხის მაგივრად რამდენიმე პოლიტიკურმა პარტიამ და ექსპერტ-კონსტიტუციონალისტებმა გადაწყვიტეს ქვეყანის საპარლამენტო მმართველობის მოდელზე გადასვლა", - აცხადებს პოლიტოლოგი ზაალ ანჯაფარიძე "რეზონანსთან" საუბრისას.

შედგება თუ არა პუტინისა და ტრამპის შეხვედრა? - ანალიტიკოსები ამბობენ, რომ ყველაფერი დამოკიდებულია რუსეთის მზაობაზე, დათანმხდება თუ არა აშშ-ს შეთავაზებებს, რადგან ტრამპის მხრიდან გამორიცხულია ისეთ შეხვედრაზე წასვლა, სადაც "პუტინს უბრალოდ ხელს ჩამოართმევს".

სავალუტო ფონდმა საქართველოს 285-მილიონიანი პროგრამა დაუმტკიცა. მის განხორციელებას ეკონომიკური რეფორმის გარანტად მიიჩნევს ფინანსთა მინისტრი დიმიტრი ქუმსიშვილი. ამ მოსაზრებას იზიარებს ეკონომისტთა ნაწილი, ხოლო მეორე ნაწილს კი მიაჩნია, რომ სავალუტო ფონდი არის ორგანიზაცია, რომელიც სინამდვილეში წარუმატებელ პროგრამებს ახორციელებს.

წლის დასაწყისიდან მოყოლებული ექსპორტი შეუჩერებლად იზრდება. ოფიციალური სტატისტიკა ადასტურებს, რომ საქართველომ საექსპორტო მაჩვენებლები წლის პირველ კვარტალში საგრძნობლად გააუმჯობესა. სპეციალისტების შეფასებით, ნეგატიური ფონი შედარებით შესუსტდა ქვეყანაში, რამაც ვითარება სასიკეთოდ შეცვალა. მიუხედავად დადებითი ტენდენციისა, უარყოფითი სავაჭრო ბალანსი კვლავ მაღალია და ამ მდგომარეობის გამოსასწორებლად ქვეყანას, ხანგძლივი დრო დასჭირდება.

საქართველოში ეკონომიკური ზრდის ტემპი წლის დასაწყისიდან გაიზარდა. პირველი 2 თვის მაჩვენებელი უფრო მაღალია, ვიდრე წლიური პროგნოზი. სწორედ ამ დროს საერთაშორისო სავალუტო ფონდმა 2017 წლის მშპ-ს ზრდის მაჩვენებელი 0,5%-ით შეამცირა და იმაზე დაბალ ნიშნულზე დასწია, ვიდრე საქართველოს მთავრობის მიერ დადგენილი 4%-ია. სსფ-ს მაკროეკონომიკურ მაჩვენებლებს უკვე მეორედ ამცირებს, რასაც სპეციალისტების მხრიდან უარყოფითი შეფასება მოჰყვა.