საპოლიციო გამოსახლებასთან დაკავშირებით მთავრობა პოზიციას ცვლის. სპეციალისტთა ერთი ნაწილის აზრით, საკუთრებასთან დაკავშირებით ერთი ხელის მოსმით მიღებულმა ცვლილებამ არ გაამართლა. ამიტომ ხელისუფლება პოლიციას ე.წ. საპოლიციო გამოსახლების ფუნქციას ნაწილობრივ უბრუნებს.

22 წელი გავიდა მას შემდეგ, რაც საქართველოში საფუძველი ჩაეყარა ბაქო-სუფსის ტერმინალისა და ბაქო-ჯეიჰანის ნავთობსადენის მშენებლობას. ამ ისტორიული ფაქტის შესახებ ბევრი დაწერილა და ამიტომ მის მნიშვნელობაზე ბევრს არ ვისაუბრებთ, თუმცა რამდენიმე საინტერესო ეპიზოდს გავიხსენებთ დღევანდელ სტატიაში.

თურქეთში რეფერენდუმის შედეგებს აპროტესტებს ოპოზიცია, რიც გამოც ქვეყანაში 90-დღიანი საგანგებო მდგომარეობა გამოცხადდა. რეჯეფ ტაიპ ერდოღანი კი ამ რეფერენდუმზე საკუთარი იდეების გატანის შემდეგ, რაც საპრეზიდენტო მართვაზე გადასვლას გულისხმობს, მეორე რეფერენდუმსაც აანონსებს ქვეყანაში სიკვდილით დასჯის აღდგენაზე.

პარლამენტის ყოფილი თავმჯდომარის, დავით უსუფაშილის პოლიტიკური პარტიის პრეზენტაცია დაახლოებით 1 კვირაში გაიმართება. არსებული ინფორმაციით, ყოფილ "რესპუბკილებთან" ერთად პარტიაში ახალი სახეებიც იქნებიან, თუმცა კონკრეტულად ვინ, უცნობია. უსუფაშვილის თქმით, ეს არ იქნება პოლიტიკური პარტია ვიწრო გაგებით - ეს იქნება "პოლიტიკური პროცესი ფართო გაგებით".

თამბაქოს კონტროლის შესახებ კანონპროექტთან დაკავშირებით მთავრობის მიერ წარმოადგენილი შენიშვნები კანონის გადავადების საფუძველი არ გახდება, ამის შესახებ ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძემ განაცხადა. მანვე იმედი გამოთქვა, რომ აღნიშნულ პროექტს, პარლამენტი სამივე მოსმენით 31 მაისამდე მიიღებს, რაც სიმბოლური იქნება, რადგან ეს დღე მსოფლიო ჯანდაცვის ორგანიზაციამ თამბაქოსთან ბრძოლის საერთაშორისო დღედ გამოაცხადა.

სახელმწიფო საკონსტიტუციო კომისიის 3-თვიანი მუშაობა დასასრულს უახლოვდება. შემაჯამებელი სხდომის გამართვა კვირის ბოლოს იგეგმება, სადაც კონსტიტუციის საბოლოო ვარიანტს კენჭს უყრიან. თუმცა, როგორც მოსალოდნელია, შემაჯამებელი სხდომის გამართვა ოპოზიციის გარეშე მოხდება, რადგან უმცირესობა კომისიის ბოიკოტირებასთან დაკავშირებით განცხადებას დღეს გააკეთებს.

"ხელის გადაგრეხით, სხვისი აზრის არგათვალისწინებით, ფეხების ბაკუნითა და გაჯიქებით საკონსტიტუციო ცვლილებების მიღება, რა თქმა უნდა, შესაძლებელია. ეს გვინახავს, სააკაშვილმაც ასე გააკეთა. მიუხედავად წინააღმდეგობისა, კონსტიტუცია მოირგო თავის თავზე. სად არის ახლა სააკაშვილი? ეს არის თუ არა რამის მაჩვენებელი ხელისუფლებისთვის?! შეიძლება, არც არაფრის, მაგრამ ისინი ნელ-ნელა ადგებიან იმ გზას, რასაც სააკაშვილი დაადგა თავის დროზე," - ასე აფასებს პოლიტოლოგი გია ხუხაშვილი ხელისუფლების მიდგომას საკონსტიტიტუციო ცვლილებების მიმართ.

"რამდენად ღრმა იქნება განხეთქილება ქვეყანაში, რამდენად დიდია დესტაბილიზაციის რისკი, შენარჩუნდება თუ არა საბოლოოდ სტაბილურობა, ეს ჯერ გაურკვეველია" - აცხადებს პეტრე მამრაძე, რომელსაც "რეზონანსი" თურქეთში მიმდინარე მოვლენებთან დაკავშირებით გაესაუბრა.

საქართველოში შემოტანილი სამზარეულოს ნივთები, განსაკუთრებით კი ჭურჭლეული, ჯანმრთელობისთვის საფრთხეს წარმოადგენს. არაერთი საერთაშორისო კვლევით დასტურდება ის მავნე ზეგავლენა, რასაც ჭურჭლისა და საკვების შესანახად განკუთვნილი კონტეინერების გამოყენება იწვევს. მათ შორისაა პლასტმასისგან, ალუმინისგან, ტეფლონისა და თუჯისგან დამზადებული ნაკეთობები.

გაძვირებული ცხოვრების, მზარდი ინფლაციისა და ქვეყანაში არსებული მძიმე სოციალური მდგომარეობის გამო, ოჯახების დიდ ნაწილს სააღდგომოდ დიდი ეკონომიის გაკეთება მოუწია. ეკონომიკური კრიზისი და მოსახლეობის გაღარიბება წლევანდელ დღესასწაულს აშკარად ეტყობოდა.

ავტობიზნესს ურთულესი პერიოდი უდგას. გაყიდვის მაჩვენებლის მკვეთრად შემცირების ერთ-ერთი მიზეზი გაძვირებული განბაჟებაა. მცირე კომპანიების უმრავლესობა, რომლებსაც ყოველთვიურად ათობით მანქანა შემოჰყავდა ბაზარზე, დაიხურა. სპეციალისტების თქმით, ავტომობილები 15-20%-ით გაძვირდა. ამ ეტაპზე მხოლოდ ჰიბრიდებსა და მცირელიტრაჟიან მანქანებზეა მოთხოვნა, რამაც მათი ღირებულება გაზარდა.

ბოლო 4-5 წელიწადში თბილისის გარეუბნებსა და ახლომდებარე სოფლებში წვრილი ფერმერული მეურნეობა საგრძნობლად განვითარდა. ვისაც კი მცირე შესაძლებლობა აქვს, საკარმიდამო ნაკვეთების დამუშავებას საკმაოდ წარმატებით ახერხებს. ხშირია შემთხვევა, როცა ოჯახს კარგი შემოსავალი აქვს მებოსტნეობითა და მცირე სათბურებით, სადაც, ძირითადად, საადრეო ბოსტნეული და ყვავილები მოჰყავთ. პარალელურად, ხალხი მეცხოველეობა-მეფრინველეობასაც მისდევს.