"ნაციონალური მოძრაობის" ზუგდიდის ორგანიზაციის კონფერენციაზე პოლიტსაბჭოს 8 წევრი აირჩიეს. კონფერენცია ხმაურით, და გინებით მიმდინარეობდა, რის გამოც სამეგრელოში პარტიის ლიდერების ჩასვლა გახდა საჭირო, თუმცა საბოლოოდ ვითარება დასტაბილურდა და ლიდერებმაც ამას "დემოკრატიული პროცესი" უწოდეს.

საკონსტიტუციო კომისიის სამუშაო ჯგუფმა მეორე ეტაპის შეხვედრები დაიწყო. კომისიის წევრების ნაწილის განცხადებით, საკონსტიტუციო კომისიის შემადგენლობა სხვა თემებთან ერთად, პრეზიდენტის უფლებამოსილების შეკვეცის საკითხზეც მსჯელობს, რაც ერთობლიობაში რამდენიმე უფლებამოსილების შეკვეცას მოიაზრებს. ამჯერად კი საუბარი იყო უზენაესი სასამართლოს მოსამართლეობის კანდიდატურების პარლამენტისთვის წარდგენის უფლებამოსილებაზე, რაზეც შესაძლოა, მომავალში პრეზიდენტს პრემიერის თანხმობა დასჭირდეს.

"თუ თავის საკონსტიტუციო უმრავლესობას ბოროტად გამოიყენებენ, ჩვენ პროტესტის სხვა ფორმებსაც მივმართავთ," - ამის შესახებ "პატრიოტთა ალიანსის" წევრმა ადა მარშანიამ "რეზონანსთან" საუბრისას განაცხადა.

"რადგან აისბერგის თავი გამოჩნდა, ეს უკვე კარგია და მისი უცბად ამოტივტივება სასურველი არც არის. საზოგადოება ვერ მოასწრებს ამასთან ადაპტირებას. არსებული პრობლემების გააზრება, ჩამოყალიბება და გამკლავების სტატეგიის შემუშავება უნდა მოხდეს. თუ საქმე ისევ მიჩუმათდა, ალბათ, ეს დაპირისპირება მომავალშიც კვლავ იფეთქებს," - ასე აფასებს პოლიტოლოგი რამაზ საყვარელიძე საპატრიარქოში მიმდინარე პროცესებს.

სულ მალე ათეულობით მიკროსაფინანსო და ონლაინ სესხების ორგანიზაცია დაიხურება. 2017 წლის იანვრიდან შემოღებული რეგულაციის გამო მათ უკვე შეზღუდეს თავიანთი საქმიანობა. ამას ადასტურებს ის ფაქტი, რომ ბევრმა საფინანსო კომპანიამ უკვე დახურა გარე მომსახურების ცენტრები, ჯერ კიდევ მოქმედი ობიექტები ახლო მომავალში შეწყვეტს ფუნქციობას.

კერძო კომპანიებიდან თანამშრომელთა გათავისუფლება გახშირდა. პროცესი გაგრძელდება და წლის ბოლომდე ათასობით დასაქმებულს სამსახურიდან დაითხოვენ. პრობლემაა აბსოლუტურად ყველა სეგმენტში, მათ შორის ისეთ კომპანიებში, რომლებიც ყველაზე კარგ დამსაქმებლემად მიიჩნევიან. ეს ეხება როგორც სავაჭრო სექტორს, ასევე ბანკებს და ნავთობკომპანიებს, რომლებსაც პრობლემა აქციზის გადასახადის ზრდის გამო შეექმნათ.

"თუ თქვენ გაინტერესებთ, გაჩნდება თუ არა ლარსის ალტერნატივა, გარწმუნებთ, რომ დიახ, გაჩნდება", - სომხეთის პრემიერის ამ განცხადების შემდეგ, რომ თბილისში რამდენიმე დღის წინ ვიზიტისას ლარსის გამშვები პუნქტის ალტერნატივაზე მოლაპარაკება წარმატებით შედგა, უკვე მერამდენედ გაააქტიურდა აფხაზეთის გავლით რუსეთ-სომხეთის რკინიგზის შესაძლო აღდგენის თემა და ეს თბილისში მორიგი ურთიერთბრალდებების თემა გახდა ხელისუფლებასა და ოპოზიციას შორის.

ავტონაწილების ბაზარზე ფალსიფიკაციის საფრთხე საშიშ ზღვარს აღწევს. მომხმარებელი მასობრივად იაფ სათადარიგო ნაწილებს ყიდულობს, რამაც უსაფრთხოების თვალსაზრისით, ქვეყანაში სერიოზული პრობლემა შექმნა. იმპორტიორების ინფორმაციით, ბაზრის 60-70% უხარისხო ავტონაწილებს უჭირავს, რაც მხოლოდ და მხოლოდ პროდუქციის სიიაფითაა გამოწვეული.

2-კვირიანი შუალედის შემდგომ სკანდალური "ციანიდის საქმის" ბრალდებული დეკანოზი გიორგი მამალაძე პროკურატურის წარმომადგენლებმა გუშინ დაკითხეს.

კერძო საგანმანათლებლო დაწესებულებებში სწავლა საკმაოდ ძვირია მაშინ, როცა ფასი ხშირ შემთხვევაში არ არის ხარისხის შესაბამისი. ერთი შვილის სრული განათლება უნივერსიტეტსა და სკოლაში მშობელს, საშუალოდ, 70000-80000 ლარი უჯდება.

მიხედავად იმისა, რომ 2017 წლის 1-ლი თებერვლიდან დღემდე ლარი თითქმის 5%-ით გამყარდა, იმპორტიორები სამომხმარებლო ბაზარზე ფასების გადახედვას ნაადევად მიიჩნევენ. არასტაბილური კურსის გამო, ისინი რისკის გაწევას არ აპირებენ. ბიზნესმენები ამბობენ, რომ საჭიროა სავალუტო ბაზარზე სიტუაცია დასტაბილურდეს და ლარის კურსმა გრძელვადიან პერსპექტივაში შეინარჩუნოს სტაბილურობა. სწორედ ამის შემდეგ მოხდება ფასის კორექტირება.

საზოგადოებრივი კომუნიკაციების კვლევისა და განვითარების ცენტრის დირექტორის, არჩილ გამზარდიას განცხადებით, ხელისუფლებაში სამთავრობო ცვლილებები სასწრაფოდ განსახორცილებელია და ის ამ ცვლილებებს უახლოეს მომავალში ელის. მისი თქმით, არჩევნების შემდეგ მთავრობა და პრემიერი ფაქტობრივად ვერ მუშაობენ.