ვიზალიბერალიზაციის მიღების შემდეგ ტურისტული კომპანიები ბილეთების გაძვირებას აანონსებენ. მოთხოვნის გაზრდასთან ერთად, მოიმატებს ღირებულება, თუმცა ეს პირველ ეტაპზე მოხდება, შემდეგ კი სიტუაცია დარეგულირდება. ტურისტული კომპანიების წარმომადგენლები ბილეთებზე ფასის მატებას, ასევე ავიაკომპანიების საფასო პოლიტიკას უკავშირებენ.

საზოგადოებრივი მაუწყებლის ირგვლივ შექმნილმა საზოგადოებრივმა ვნებათაღელვამ პიკს მიაღწია. გუშინ რამდენიმე ჯგუფის მიერ ორგანიზებული აქციის მიწურულს ვითარება უკიდურესად დაიძაბა, როცა აქტივისტების ნაწილი ტელევიზიის შენობაში შეიჭრა.

საზოგადოებრივი მაუწყებლის კიბეებიდან დაწყებული მცირე საპროტესტო აქცია შესაძლებელია სხვა ბევრი პატარა თუ დიდი აქციის ერთგვარ სიმბოლურ დასაწყისად იქცეს და ახალგაზრდების კიდევ უფრო გააქტიურება გამოიწვიოს, რაც, პოლიტოლოგების თქმით, ხელისუფლებისთვის საკმაოდ დიდი გამოწვევა გახდება.

"ყალბი არჩევნები, პრივატიზებული პარლამენტი და კონსტიტუცია, გზაკვალ- აბნეული "რუსთვი 2", ყველაფერი ის, რაც მიუღებელია ევროპისთვის, არის სამიზნე ჩვენი კადრებთუხუცესისთვის", - აცხადებს "დამოუკიდებელ ექსპერტთა კლუბის" პრეზიდენტი სოსო ცისკარიშვილი და აღნიშნავს, რომ, ის რაც დღვანდელ პარლამენტში ხდება, საზოგადოებისთვის ხელმისაწვდომი მხოლოდ მეორე არხის საშუალებით იყო, ეს კი საკმარისი მიზეზია იმისთვის, რომ საზოგადოებრივი მაუწყებელი "დაებნელებინათ".

ტელეკომპანია "რუსთავი 2"-ის წილების საქმეზე სამართლებრივი დავა შესაძლოა კიდევ რამდენიმე თვე გაჭიანურდეს. შესაბამისად, "ნაციონალური მოძრაობის" მიერ გავრცელებულ ინფორმაციას, რომ გადაწყვეტილება 10-დან 15 თებერვლამდე გამოცხადდება, საქმის იურისტები არარეალურს უწოდებენ.

მას შემდეგ, რაც "ერთიანი ნაციონალური მოძრაობა" პარტიის გარკვეულმა ნაწილმა დატოვა, ცვლილებები მოხდა როგორც თბილისის, ისე რეგიონის საკრებულოებში. როგორც "ნაციონალურ მოძრაობაში" აცხადებენ, საკრებულოებში პარტიის წარმომადგენლების დიდმა ნაწილმა "ნაცმოძრაობაში" დარჩენის გადაწყვეტილება მიიღო, თუმცა მათგან გაყოფილ "ევროპულ საქართველოში" განსხვავებულ ინფორმაციაზე საუბრობენ და ამბობენ, რომ რეგიონებში საკრებულოს წარმომადგენლების გადალაგების პროცესი ჯერ კიდევ არ დასრულებულა.

ახალგაზრდები თავისუფალ დროს, ძირითადად, ელექტრონულ ტექნოლოგიებს უთმობენ. სპეციალური კვლევით დადგინდა, რომ უმეტესობა მუსიკის მოსმენას (70%), ფილმებისა (57%) და ტელევიზორის (50%) ყურებას არჩევს. სულ უფრო მცირდება წიგნებისა ჟურნალ-გაზეთების მკითხველთა (23%), სპორტის მიმდევართა (21%) და წერისა თუ ხატვის (13%) მსურველთა რიგები.

გალარების პროგრამაში მონაწილეთა რაოდენობა პროექტით გათვალისწინებულ მსესხებელთა 3%-ს არ აღემატება. ბოლო მონაცემებით, სესხების გალარების პროგრამაში მონაწილეობა 800 ადამიანს აქვს მიღებული. ეს ნიშნავს, რომ მთავრობისა და ეროვნული ბაკნის მცდელობა უშედეგოა.

რძისა და რძის პროდუქტების სავალდებულო ეტიკეტირება აგრარული ბაზრების მოვაჭრეებისთვის ახალი ვალდებულებაა. მათ ელემენტარული წარმოდგენაც არ აქვთ, თუ რა წესების დაცვა მოუწევთ და არც ლაბორატორიებზე მიუწვდებათ ხელი. ცალკე პრობლემაა ფასიც. ფაქტია, რომ დამატებითი ხარჯის გაწევა რძის ნაწარმის ღირებულებაზეც აისახება.

ავტოსატრანსპორტო საშუალებების სავალდებულო ტექდათვალიერება 2018 წლის 1-ლი იანვრიდან დაიწყება, ანუ სულ რაღაც 10 თვეა დარჩენილი, მაგრამ საქმე ადგილიდან არ იძვრის. არასამთავრობო ორგანიზაციების წარმომადგენლები აცხადებენ, რომ პროცესი შეფერხებით მიმდინარეობს და არ არის გამორიცხული, ავტომობილების ინსპექტირების საკითხი ვადაში ვერ ჩაეტიოს.

7 თებერვალს ცხინვალს მოულოდნელი ვიზიტით რუსეთის ფედერაციის პრეზიდენტის ვლადიმერ პუტინის მრჩეველი, ვლადისლავ სურკოვი ეწვია. როგორც გამოცემა "სპუტნიკი" იუწყება, ცხინვალში სტუმრობისას სურკოვმა დე ფაქტო რესპუბლიკის მოქმედ "პრეზიდენტ" ლეონიდ თიბილოვს "საპრეზიდენტო არჩევნებში" ღია მხარდაჭერა გამოუცხადა და რუსეთის პრეზიდენტის მოკითხვაც გადასცა.

საზოგადოებრივ მაუწყებლის ახალი გენერალური დირექტორის ვასილ მაღლაფერიძის რადიკალური გეგმის დამტკიცება, დიდი ალბათობით არ მოხდება. გენერალურ დირექტორსა და ბორდს შორის პირველი შეთანხმება მიღწეულია, ერთ კვირაში ბორდმა საზოგადოებრივ მაუწყებლის შეფასების კრიტერიუმები უნდა წარადგინოს და პარალელურად საჯარო შეხვედრებს გააგრძელებენ. სამუერვეო საბჭოს წევრის ირინა ფუტკარაძის თქმით, ბორდის უმრავლესობის აზრით, მაუწყებლის შეფასების კრიტერიუმი მარტო რეიტინგი არ არის მაღლაფერიძის კონცეფცია კი მხოლოდ ამაზეა აგებული.