"ქართული ოცნება" მაჟორიტარული საარჩევნო წესის შენარჩუნებაზე ვაჭრობის გარდა კიდევ ერთი "არაპოპულარული ნაბიჯის" გადადგმას გეგმავს და ინიციატივით გამოდის, კონსტიტუციით პოლიტიკურ პარტიებს ბლოკების სახით არჩევნებში მონაწილეობა აეკრძალოს. ეს კი ისედაც დასუსტებული ოპოზიციური ძალების მთლიანად განეიტრალებას გამოიწვევს, რაც ოპოზიციის აღშფოთებას იწვევს და "ოცნების" მიერ საკუთრ თავზე კონსტიტუციის მორგების გასაპროტესტებლად შესაძლოა საკონსტიტუციო კომისიას ბოიკოტიც გამოუცხადონ და პროცესები ქუჩაში გადავიდეს.

რამდენიმე დღის წინ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროში გაკეთებულმა განცხადებამ, დევნილთათვის სოციალური შემწეობის გაცემის პრინციპის სავარაუდო ცვლილებასა და თანხების ოპტიმიზაციის შესახებ საზოგადოებაში დიდი რეზონანსი გამოიწვია. ამ ინფორმაციამ თავად დევნილებში არაერთგვაროვანი რეაქცია გამოიწვია.

თანამედროვე ადამიანების უმეტესობა ქორწინებისათვის იდეალურ ასაკად 28-30 წელს მიიჩნევს. არიან ისეთებიც, ვინც თვლის, რომ ეს ასაკი 20 ან უფრო ნაკლები ასაკიდან დგება და ოჯახური თანაცხოვრებისათვის მზადება ინდივიდუალურია. სპეციალისტები კი რეპროდუქციული და ფსიქოლოგიური სიმწიფის ქვედა ზღვრად 23 წელს მიიჩნევენ.

სამომხმარებლო პროდუქტების მასშტაბური გაძვირების ფონზე, 3,9%-იანი წლიური ინფლაცია, რასაც ოფიციალური სტატისტიკა გვთავაზობს, ნაკლებად დამაჯერებელია. მიუხედავად იმისა, რომ ძირითად სამომხმარებლო პროდუქტებზე ფასების ზრდა სტატისტიკის ეროვნული სამსახურის მონაცემებშიც შეინიშნება, მეთოდოლოგიური ხარვეზის გამო, კვლევის შედეგი რეალობას არ ასახავს. ყოველ შემთხვევაში, ცდომილება დაფიქსირებულ მონაცემსა და რეალობას შორის საკმაოდ დიდია.

"ბავშვთა სამყაროს" დაზარალებული მოვაჭრეები საბანკო სექტორის იმედად არიან. ჯერ უცნობია, რა დახმარებას შესათავაზებენ მათ და რა შეღავათით ისარგებლებენ. ამ ეტაპზე ბანკები გადაწყვეტილების მიღების პროცესში არიან. მოვაჭრეების თხოვნაა, რომ კრედიტების დაფარვა 1 წლით გადაუვადდეთ.

საქართველოს სხვადასხვა ქალაქებში სამსახურებიდან თანამშრომელთა მასობრივად გათავისუფლების მასშტაბები იზრდება. საჯარო თუ კერძო სექტორებიდან რამდენიმე ათასი მოხელეა გათავისუფლებული. როგორც ჩანს, ეს დასასრული არ არის და ადამიანების სამსახურებიდან გათავისუფლების სერია კვლავ გაგრძელდება. პროფკავშირების წარმომადგენლები, ადამიანის უფლებათა დამცველები და იურისტები მომხდარ ფაქტს აღმაშფოთებელს უწოდებენ და ვალდებულებას სახელმწიფოს აკისრებენ.

რუსთავის აზოტის ქარხნიდან გათავისუფლებული მუშები სამსახურში აღდგენას ითხოვენ, წინააღმდეგ შემთხვევაში კი პერმანენტული აქციებით იმუქრებიან. მათი განმარტებით, ადმინისტრაციამ ისინი კანონის უხეში დარღვევით გაათავისუფლა. აქციების პარალელურად კი პროფკავშირები სარჩელზეც მუშაობს, რომელსაც სასამართლოში უახლოეს დღეებში შეიტანენ.

საზოგადოებრივი მაუწყებელის ახალი გენერალური დირექტორი არხზე რეორგანიზაციას იწყებს, რასაც შესაძლოა რამდენიმე გადაცემის დახურვა მოჰყვეს. კონკრეტულად, თუ რომელ გადაცემებს ემუქრება დახურვა, ორშაბათს გაირკვევა. მანამდე კი ჟურნალისტი ნინო ზაუტაშვილი ეჭვობს, რომ ამ გადაცემებს შორის ერთ-ერთი მისი გადაცემა "რეალური სივრცე" იქნება.

"საქართველოს მოქალაქე კარგად ინფორმირებული უნდა იყოს, სხვა შემთხვევაში შეიძლება საზღვრის კვეთის დროს არ შეუშვან ტერიტორიაზე და საქართველოში უკან დაბრუნება მოუწიოს," - აცხადებს ფონდ "ღია საზოგადოება - საქართველოს" ევროინტეგრაციის პროგრამის მენეჯერი ვანო ჩხიკვაძე და თვლის, რომ უვიზო მიმოსვლის მიღების შემედეგ საქართველოს ხელისუფლებამ გამოსვლებში უნდა დაამკვიდროს სიტყვა "ევროკავშირი" და უკვე გაწევრიანებაზეც უნდა გააკეთოს ოფიციალური განაცხადი.

თბილისის ტერიტორიაზე ხეების ჭრასთან დაკავშირებულ პარლამენტში ერთმანეთისგან რადიკალურად განსხვავებულ საკანონმდებლო პროექტები განიხილეს. პარლამენტის რეგიონული პოლიტიკისა და თვითმმართველობის კომიტეტმა მხარი დავით სონღულაშვილის კანონროექტს დაუჭირა, რომელიც, გარემოსდამცველთა თქმით, თბილისის ტერიტორიაზე ხეების ჭრას ამარტივებს.

თბილისში მიკროავტობუსით მგზავრობა აღარ გაძვირდება. საწვავის ღირებულების მომატების მიუხედავად, "თბილისის მიკროავტობუსი" დღეს მოქმედ სამგზავრო ტარიფს შეინარჩუნებს. ტრანსპორტის სფეროს სპეციალისტები არსებულ სიტუაციას მაინც ეჭვის თვალით უყურებენ და ამბობენ, რომ თუკი ნავთობპროდუქტების გაძვირება მომავალშიც გაგრძელდება, ყვითელ "მარშრუტკებში" მგზავრობის ღირებულების შენარჩუნება ძალიან გაჭირდება.

საქართველოში თხევად საწვავზე ფასი ყოველ კვირა იზრდება. არსებობს საფრთხე, რომ მალე ავტოგაზიც გაძვირდეს. ამას ადასტურებენ ავტოგაზგასამართი სადგურების მფლობელები - თუკი ლარი კიდევ გაუფასურდა, ბუნებრივი აირის ღირებულება აუცილებლად მოიმატებს.