„კანონში წერია, კონსტიტუციით ვალდებული ხარ, ანგარიშვალდებული ხარ პარლამენტთან, მიდი და გაეცი პასუხი და თუ არ შეგიძლია, ნუ ინიშნები მინისტრად, წადი, გახსენი სტომატოლოგიურიუ კაბინეტი და იქ იმუშავე." - ასე აფასებს „რეზონანსთან" საუბრისას ფრაქცია „დამოუკიდებელი დეპუტატების" წევრი გედევან ფოფხაძე, ჯანდაცვის მინისტრის ეკატერინე ტიკარაძის მიერ პარლამენტის ჯანდაცვისა და სოციალურ საკითხთა კომიტეტისადმი საკომიტეტო მოსმენის ივნისის ბოლო კვირაში გადადების თხოვნით მიმართვას.

ვინ არიან თურქეთის მოქალაქეები, რომლებიც სამშაბათს ბათუმში ჩატარებული სპეცოპერაციისას დააკავეს? მათი დაკავება 2 ბინაში მოხდა, მეზობლები აცხადებენ, რომ მათ ეს ბინები დაახლოებით სამი თქვის წინ იქირავეს - ანუ, საქართველოში ისინი სავარაუდოდ კორონავირუსის პანდემიის გამო საზღვრის ჩაკეტვამდე შემოვიდნენ. თუმცა, არცერთ მათგანს საბუთებშჳ საქართველოს საზღვრის კვეთა არ უფიქსირდება.

ოპოზიციური პარტიები საპარლამენტო არჩევნებზე მაჟორიტარობის საერთო კანდიდატების შერჩევას ვერ ახერხებენ და ეს, სავარაუდოდ, საარჩევნო კამპანიისას ოპოზიციის კოორდინირებულ მოქმედებასაც კითხვის ქვეშ დააყენებს. დღეს ოპოზიციაში უკვე იმაზე საუბრობენ, რომ საერთო მაჟორიტარების წარდგენა შესაძლოა მხოლოდ „საკვანძო ოლქებში" მოხდეს, მაგალითად თბილისში. ამის ფონზე კი საერთო მაჟორიტარების შერჩევაში მონაწილე ოპოზიციური პარტიების რაოდენობა სულ უფრო მცირდება.

საქართველოს საგარეო ვალი სახიფათო ნიშნულს უკვე უახლოვდება. კოვიდ-19-ისგან გამოწვეული პრობლემების გამო, ვალი მთლიანი შიდა პროდუქტის 58%-მდე იზრდება. ეს მაშინ, როდესაც ლიმიტი 60%-ია. ვალის გასტუმრებას ასეულობით მილიონი ლარი დასჭირდება, რაც, ბუნებრივია, ისედაც მძიმე მდგომარეობაში მყოფ ეკონომიკას კიდევ უფრო მძიმე სიტუაციაში ჩააგდებს.

„მომავალ პრემიერ-მინისტრის კანდიდატზე საუბარი ნაადრევია და არასერიოზულად მიმაჩნია მაშინ, როდესაც ჯერ ცვლილებებიც არ შესულა საარჩევნო კოდექსში", - ასე ეხმაურება „რესპუბლიკური პარტიის" ერთ-ერთი წევრი თამარ კორძაია მომავალ პრემიერ-მინისტრის კანდიდატურასთან დაკავშირებით ოპოზიციური ლიდერების განცხადებებს.

თვენახევრიანი გაჩერების შემდეგ მუშაობა აღადგინა საზოგადოებრივმა ტრანსპორტმა, თუმცა ჯანდაცვის სამინისტროს მრავალგვარი რეკომენდაციიდან მხოლოდ პირბადის ტარებაა გათვალისწინებული. სოციალური დისტანციის დაცვა მგზავრობისას ვერ ხერხდება, რაც ეპიდემიოლოგიური თვალსაზრისით საფრთხის შემცველია, ამიტომ სპეციალისტები აუცილებლად მიიჩნევენ, ავტობუსების დამატებას და მუნიციპალიტეტს სხვადასხვა გზას სთავაზობენ.

„წვრილ პარტიებს კი ჰგონიათ, რომ თანაბრად იქნებიან, მაგრამ ვერ იქნებიან თანაბრად და ეს შეზღუდვა არც არაფერს არ მოუტანს. ეს ინიციატივა საარჩევნო კამპანიაში დიდი ცვლილების მომტანი რა თქმა უნდა არ იქნება" - ასე აფასებს „რეზონანსთან" საუბრისას ანალიტიკოსი ვახტანგ ძაბირაძე, პარტია „სოციალ-დემოკრატების" თავმჯდომარის გია ჟორჟოლიანის საკანონმდებლო ინიციატივას, რომელიც ფასიანი პოლიტიკურ რეკლამის აკრძალვას ითვალისწინებს.

„აშურიანის ზევით არს უფლისციხე, კუერნაქის გადმოკიდებულის კლდის გორასა ზედა. მტკუარის კიდესა - შენობა უცხო, კლდისაგან გამოკუეთილი, პალატნი დიდ-დიდნი, ქანდაკებულნი კლდისაგანვე. დასავლეთით აქუს ქარაფი მაღალი. მას შინა გამოკუეთილნი ქუაბნი მრავალნი აწ შეუვალი“ - ასე აღწერს ვახუშტი ბატონიშვილი კლდეში ნაკვეთ ქალაქს - უფლისციხეს, რომელიც წერილობით წყაროებში პირველად მე-6 საუკუნეში იხსენიება.

საქართველოში წელს ეკლესიების ძარცვის უკვე მე-5 შემთხვევადაფიქსირდა. ბოლო მსგავსი ფაქტი ორშაბათს ბათუმში მოხდა. ყველა შემთხვევის დროს მძარცველების  მთავარი სამიზნე შესაწირის თანხისთვის განკუთვნილი ყუთები იყო. 

სომხეთში თაღლითობის უჩვეულო ფაქტი დაფიქსირდა - შუახნის მამაკაცი ინტერნეტის საშუალებით უკავშირდებოდა კრიმინალური სამყაროთი დაინტერესებულ მოქალაქეებს, „კრიმინალურ ავტორიტეტად" ეცნობოდა და თავის „მომსახურებას" სთავაზობდა. გარკვეული გასამრჯელოს ფასად იგი მსურველებს „კანონიერ ქურდადაც" კი „აკურთხებდა". მისი კლიენტების უმრავლესობას ტაქსის მძღოლები და კრიმინალური მიდრეკილებების მქონე მოზარდები შეადგენდნენ.

მაჟორიტარების ერთიანი კანდიდატების შერჩევაში მონაწილეობაზე კიდევ ერთმა ოპოზიციურმა პარტიამ თქვა უარი - ოპოზიციურ სპექტრს ამჯერად ირაკლი ოქრუაშვილის „გამარჯვებული საქართველო" გამოეყო და საპარლამენტო არჩევნებზე თავისი მაჟორიტარობის კანდიდატების დამოუკიდებლად წარდგენას აპირებს. შედეგად, ერთიანი მაჟორიტარობის კანდიდატების შერჩევაში მონაწილეობას მხოლოდ 3 ოპოზიციური გაერთიანება აგრძელებს.

„ხელისუფლება რურუას გათავისუფლებასთან დაკავშირებით ჩიხშია შესული, რაშიც თავად მიუძღვის წვლილი. ალბათ იფიქრეს, რომ ის ბრალდება, რომელიც ახლა აქვს წაყენებული სასამართლოში, აბდა-უბდა გამოუვიდოდათ. ამიტომ შეიძლება სხვა ბრალდება წაუყენონ და პატიმრობაში დატოვონ“, - ასე ეხმაურება იურისტი და უფლებადამცველი ლია მუხაშავრია ძმები თორაძეების მკვლელობის საქმეზე პროკურატურაში გამოძიების დაწყებას.