საგანგებო მდგომარეობის გაუქმებიდან ერთ კვირაში ქვეყანაში ყოველდღიურად კორონავირუსით ინფიცირების ახალი შემთხვევების ზრდა დაიწყო და 31 მაისს პიკს მიაღწია - 26 ახალი შემთხვევა ერთ დღეში. ასეთი მაჩვენებელი მხოლოდ ეპიდემიის პიკურ დღეებში ფიქსირდებოდა. მოსახლეობა შეშფოთებულია და სპეციალისტთა ნაწილი კი უკვე გაუქმებული შეზღუდვების ნაწილობრივ ან სრულად შესაძლო აღდგენის პერსპექტივაზე ალაპარაკდა. რა შემთხვევაში შეიძლება აღდგეს საგანგებო მდგომარეობა საქართველოში?

გავრცელებული ინფორმაციით კახეთში კორონავირუსის პირველი შემთხვევა დაფიქსირდა, რომელიც რუსეთიდან ჩამოსულ საერთაშორისო გადამზიდების მძღოლს დაუდასტურდა. იგი თვითიზოლაციაში იმყოფებოდა. „რეზონანსს" დაავადებათა კონტროლის ეროვნულ ცენტრში დაუდასტურეს, რომ საერთაშორისო გადაზიდვების მძღოლს, რომელიც რუსეთიდან ჩამოვიდა კორონავირუსი ნამდვილად დაუდასტურდა, თუმცა, მათივე შეფასებით, ეს არ ნიშნავს, რომ ინფიცირების შემთხვევა კახეთში დადასტურდა და რეგიონმა „მწვანე ზონის" სტატუსი დაკარგა.

„ბოკერია და მისი პარტია ვერასდროს გახდება დომინანტი ოპოზიციურ სპექტრში, ამის არანაირი შანსი არ არსებობს. თუ ეს მოხდა, ჩათვალეთ, რომ ივანიშვილი თავისი „პოლიტბანდით" ისევ რჩება ხელისუფლებაში" - ასე ეხმაურება პარტია „კანონი და სამართალის" თავმჯდომარე თაკო ჩარკვიანი გავრცელებულ მოსაზრებას იმის თაობაზე, რომ „ევროპულ საქართველოს" და მის ლიდერს წამყვანი პოზიცია აქვს ოპოზიციაში, რაც კარგად გამოჩნდა მაჟორიტარ კანდიდატთა შერჩევის პროცესში.

„ადრეც მითქვამს და ახლაც ვიტყვი ძალიან მკაფიოდ, რომ ის ხალხი ვინც გამოდის ანტიაზერბაიჯანული, ანტიირანული, ანტითურქული და ანტიისლამური ლოზუნგებით, ისინი პირდაპირ რუსეთის ინტერესებს ემსახურებიან", - ასე აფასებს „რეზონანსთან" საუბრისას კონფლიქტოლოგი და შერიგების საკითხებში საქართველოს ყოფილი სახელმწიფო მინისტრი პაატა ზაქარეიშვილი, სუს-ის განცხადებას ქვემო ქართლსა და კახეთში ეთნიკურ ქართველებსა და აზერბაიჯანელებს შორის შუღლის გაღვივების მცდელობასთან დაკავშირებით.

ქართულ ეკლესიებში დაცული იყო უძველესი საგანძური, რომლის უდიდესი ნაწილი სხვადასხვა დროს საქართველოდან გაიტანეს და დღეს მსოფლიოს უდიდეს მუზეუმებს ამშვენებს. ასეთ ეკლესიებს შორის არის ჯუმათის მიქაელ და გაბრიელ მთავარანგელოზების სახელობის მონასტერი, რომელიც გურიაში, ოზურგეთის რაიონში, მდებარეობს. ტაძარი ოდითგანვე ცნობილი იყო თავისი სიძველეებითა და უძვირფასესი ხატებით, რომლებიც არა მხოლოდ ხელოვნების ნიმუშებით იყო მნიშვნელოვანი, არამედ ისტორიულ პირთა გამოსახულებებითა და კონკრეტული თარიღების შემცველი წარწერებით.

სომხეთის პრემიერ - მინისტრმა, ნიკოლ ფაშინიანმა გადაწყვიტა, რომ ქვეყანაში შექმნილ რთულ ეპიდვითარებასთან გასამკლავებლად საქართველოს სამედიცინო დახმარებას არ სთხოვს.

აშშ-ის რამდენიმე ქალაქში, მასობრივი არეულობის ფონზე, კომენდანტის საათი წესდება. 17 შტატში მიმდინარე დემონტრაციები ადგილობრივ პოლიციასთან შეტაკებაში გადაიზარდა - საპროტესტო აქციაზე გამართულ სროლას ერთი ადამიანის სიცოცხლე შეეწინა, ხოლო სამი დაიჭრა.

„ზოგიერთი ტესტის აღებას ემალებოდა, ზოგიერთი არ მოვიდა და ახლა ძალიან ბევრს ავუღეთ. ახლა ერთმანეთში ჩხუბი აქვთ - რატომ არ მიდიხარ, შენი გულისთვის ჩაკეტილები ვართ და ვერსად ვერ გავდივართო. ახლა იძულებული არიან, რომ ყველა მოვიდნენ", - ასე აღწერს „რეზონანსთან" საუბრისას ბოლნისის რაიონის სოფელ მუშევანში შექმნილ ვითარებას სოფლის რწმუნებული რობიზონ სელიმაშვილი.

ჯერ ჯიდევ ჰიპოკრატე ამბობდა - ფეხით სიარული საუკეთესო წამალიაო... ალბათ ამიტომაც ექიმების აბსოლუტური უმრავლესობა რეკომენდაციებისას პაციენტებს ფეხით სიარულს ურჩევს.

სეირნობის სიკეეთეებზე ლეგენდები დადის, თუმცა, საზოგადოების უმრავლესობამ ჯერ კიდევ არ იცის იმ დადებითი მრავალმხრივი სპექტრის შესახებ, რაც ამ აქტიურობას ახლავს. ამასთან მიმართებაში, ბუნებრივია, ჩნდება არაერთი კითხვა.

ჩვენი გაზეთის მკითხველებს პასუხობს კლინიკა ენმედიცის ექიმი-ენდოკრინოლოგი თამარ ჩადუნელი.

უმრავლესობის წევრის ირაკლი კობახიძის თქმით, 29 ივნისს საკონსტიტუციო ცვლილებების მიღება უნდა დასრულდეს. პროექტის პირველი მოსმენით განხილვა კი პარლამენტში 21 ივნისსაა დაგეგმილი. ეს გრაფიკი ფრაქცია „ნაციონალური მოძრაობის" თავმჯდომარე რომან გოცირიძისთვის სრულიად მისაღებია, თუმცა, როგორც მან „რეზონანსს" უთხრა, მათი პარტია ამ განხილვაში მონაწილეობას არ მიიღებს, თუკი 21 ივნისამდე გიორგი რურუას არ გაათავისუფლებენ.

ოკუპანტები კიდევ რამდენიმე ათეული ჰექტარის მისათვისაბლად ემზადებიან - მათ ახალი ნიშნულები ამჯერად ჩორჩანა-პერევის მონაკვეთზე გაავლეს. ჩორჩანას ტყეში სპეციალური ხაფანგები აქვთ დაგებული. ადგილობრივი მოსახლეობა გატაცების შიშით იქაურობას აღარ ეკარება

რუსეთში კორონავირუსით გარდაცვლილთა დათვლის წესი შეცვალეს, რის შედეგადაც ყოველდღიურად კორონავირუსით გარდაცვლილთა რაოდენობა დაახლოებით მესამედით გაიზარდა. ამას გარდა გაირკვა, რომ ქვეყანაში გარდაცვალების 1 138 ისეთი შემთხვევაა აღრიცხული, როდესაც პაციენტებს კორონავირუსი ჰქონდათ, თუმცა ისინი კორონავირუსით გარდაცვლილთა საერთო სტატისტიკაში არ შეიყვანეს. ამის შესახებ რუსეთის მთავრობის ვიცე-პრემიერმა ტატიანა გოლიკოვამ განაცხადა.