პარლამენტის ქუთაისიდან თბილისში გადმოტანაზე, რაც უკვე მრავალი წლის მანძილზე ბევრი დეპუტატის აუხდენელი ოცნებაა, სახელისუფლებო გუნდშიც აზრთა სხვადასხვაობაა.

იმისათვის, რომ არჩევნების გზით ლეგიტიმაციამიღებულმა პოლიტიკოსებმა პარლამენტის მანდატები მიიღონ, საჭირო არა მხოლოდ ამომრჩევლის ხმების სათანადო რაოდენობა, არამედ ნარკოლოგიურ ტესტზე უარყოფითი პასუხიც.

საქართველოში კვლავ პრობლემაა შეზღუდული შესაძლებლობების მქონე (შშმ) პირთა დისკრიმინაცია, რომელიც მრავალი ღონისძიებისა თუ კამპანიის მიუხედავად, ამ დრომდე მოუგვარებელია. ამის შესახებ გუშინ სახალხო დამცველის მიერ წარმოდგენილ ანგარიშშია საუბარი, რომელიც მან მედიას და არასამთავრობო ორგანიზაციების წარმომადგენლებს გააცნო.

სულ რამდენიმე დღის წინათ რუსეთისა და თურქეთის პრეზიდენტებმა ხელი მოეწერეს გადაწყვეტილებას, რომ შავი ზღვის ფსკერზე აუცილებლად გაივლის გაზსადენის ორი ახალი მილი, რომლის მშენებლობაც 2019 წლის დეკემბერში უნდა დასრულდეს. აზერბაიჯანის პრეზიდენტი ილჰამ ალიევი კი აცხადებს, რომ გაზსადენ "ტანაპს" ალტერნატივა არ აქვს.

დაკარგული ანაბრების თემა დღემდე აქტუალურია. მოსახლეობა ვალის დაბრუნებას სახელმწიფოსგან მუდმივად ითხოვს. მიუხედავად იმისა, რომ საქართველომ საბჭოთა კავშირის დროინდელი ანაბრები შიდა ვალად აღიარა, დღემდე არ მომხდარა მისი ინდექსაცია. სპეციალისტები ვალის დაბრუნების სხვადასხვა გეგმაზე ახლაც საუბრობენ, თუმცა პრობლემის გადაჭრისა და დაზარალებულთა დაკმაყოფილების იმედი არ აქვთ.

უახლოეს პერიოდში საქართველო საწვავის შემოტანას ირანიდანაც დაიწყებს. აქამდე იმპორტიორი კომპანიებისთვის ერთადერთი ბარიერი პროდუქტის ხარისხი იყო. ნავთობპროდუქტების იმპორტიორთა კავშირის ინფორმაციით, ირანი უკვე იწყებს ევროსტანდარტთან შესაბამისი საწვავის წარმოებას, რის შემდეგაც იგი ქართული კომპანიებისთვის ერთ-ერთი პერსპექტიული მიმართულება გახდება. მოსალოდნელია, რომ საწვავის იმპორტში რუსული, თურქმენული და უკრაინული საწვავის წილიც თვალშისაცემად მოიმატებს.

სამოქალაქო საზოგადოების სახელით ორი დღის წინ გავრცელებული მიმართვა, რომ არჩევნების მეორე ტურში პროდასავლურმა პარტიებმა მხარი ოპოზიციის კანდიდატს დაუჭირონ, რადგან "ქართული ოცნების" მიერ საკონსტიტუციო უმრავლესობის მოპოვება საფრთხეს შეიცავს, უშედეგოდ დასრულდა. პარტიები "ნაციონალების" მხარდაჭერისკენ საჯაროდ მოწოდებებს არ გეგმავენ. უფრო მეტიც, ლიდერების აბსოლუტური უმეტესობა თავადაც არ აპირებს, ხმა "ნაციონალებს" მისცეს.

პოლიტოლოგი სოსო ცინცაძე პარლამენტსგარეთ დარჩენილი ოპოზიციური პარტიების გაერთიანების აუცილებლობაზე საუბრობს და აცხადებს, რომ ამის გარეშე მათ წარმატების მიღწევის შანსი არც მომდევნო არჩევნებში ექნებათ.

საქართველოს კონსტიტუციაში ცვლილებების შეტანის მიზნით ჯგუფის შექმნა გიორგი კვირიკაშვილის უბრალოდ იდეაა და არა ინიციატივა, რომელშიც პრეზინდენტსაც შეუძლია, ჩერთოს - ამის შესახებ "რეზონასს" პრემიერის აპარატში განუცხადეს.

"ნაციონალური მოძრაობის" გარშემო კვლავ ვნებათაღელვაა - პარლამენტში შესვლა-არშესვლის მსჯელობის შემდეგ პარტიამ ცესკოს საკრებულოს 2014 წლის არჩევნებისთვის წარდგენილი პარტიული სიიდან 6 პირის ამოღების თხოვნით მიმართა. ერთ-ერთმა მათგანმა "ნაცმოძრაობის" თბილისის რაიონული ორგანიზაციის თავმჯდომარის მოადგილე ნიკა მელია გადაწყვეტილების ერთპიროვნულ მიღებასა და მასზე ზეწოლაში დადანაშაულა. თავად ნიკა მელია კი ამას უსუსურ ტყუილს უწოდებს და ამბობს, რომ პარტიიდან არავინ გაურიცხავთ, უბრალოდ საბჭომ იმსჯელა და გადაწყდა, რომ საკრებულოში ირაკლი აბესაძეს დავით ავალიანი ჩაანაცვლებს.

ისტორიულ ტაო-კლარჯეთში მდებარე ქართული ხუროთმოძღვრების ძეგლ იშხანში თურქმა სპეციალისტებმა უნიკალურ იატაკს მიაკვლიეს. სარესტავრაციო სამუშაოებისას გამოვლენილი იატაკი სავარაუდოდ ტაძრის თანადროულია, ანუ მე-11 საუკუნისაა, თუმცა გარდა ამისა, იშხანში სხვა მნიშვნელოვანი სიახლეებიც აღმოჩნდა. ძეგლთა დაცვის სააგენტოს დირექტორის თქმით, სპეციალური ჯგუფი თურქეთში ვიზიტს უკვე გეგმავს, რისთვისაც ახლა თურქული მხარის დასტურს ელოდებიან. ამბობენ, რომ მეტ დეტალებს საზოგადოებასა და მედიას სწორედ ამ ვიზიტის შემდეგ მიაწვდიან.

ტრანსგენდერი ქალის განზრახ მკველელობის მცდელობაში ბრალდებულს სასამართლომ წინასწარი პატიმრობა შეუფარდა. 34 წლის ზიზი შეყილაძე, რომლიც 14 ოქტომბერს ორთაჭალაში დაჭრეს, საავადმყოფოში ამჟამადაც მძიმე მდგომარეობაშია და სიცოცხლისთვის იბრძვის.