მთავრობა 2017 წლის ბიუჯეტის ზრდას ვალების ხარჯზე გეგმავს. დიდი ალბათობით, გაისად სახელმწიფო ვალის რაოდენობა ისტორიულ მაქსიმუმს მიაღწევს, რაზეც სახელმწიფო აუდიტის სამსახურის დასკვნაშიც არის მითითებული. ბიუჯეტის თავდაპირველი ვარიანტის მიხედვით, 2017 წელს 1,660 მლრდ დოლარის ვალის აღებაა გადაწყვეტილი. წლევანდლეთან შედარებით, საგარეო ვალდებულებები 300 მლნ ლარით იზრდება, ხოლო საშინაო ვალის მოცულობა - 100 მლნ ლარით. მატულობს სახელმწიფო ბიუჯეტის დეფიციტიც, რომელიც დაგეგმილ მაჩვენებელს გადააჭარბებს.

ჩრდილოეთისკენ ქართული პროდუქტის ექსპორტი შესაძლოა, შემცირდეს. რამდენიმე დღის წინ ცნობილი გახდა, რომ რუსეთი საქართველოს საზღვრის გადაკვეთაზე ახალი გადასახადის დაწესებას გეგმავს. ეს ნიშნავს, რომ საავტომობილო და სარკინიგზო გამშვები პუნქტები ფასიანი გახდება, რაც ჩვენი ქვეყნის საექსპორტო მაჩვენებლებზეც აისახება.

საქართველოში ყოველდღიური კვების ჩვეულება ნელ-ნელა იცვლება. სპეციალისტების მტკიცებით, ქვეყანაში ადამიანთა მხოლოდ 7% იკვებება ისე, როგორც უნდა იკვებებოდეს და იღებს იმ მინერალებს, რაც საჭიროა მათი ჯანმრთელობისთვის. ბოლო დროს ხშირია დისკუსია სწრაფი კვების მავნებლობის შესახებ და განიხილავენ, თუ რა პრობლემას იწვევს "ფასტ ფუდი".

ბოლო პერიოდში სავალუტო პუნქტების მხრიდან გახშირდა გაცვლითი კურსით მანიპულირება და მოქალაქეთა შეცდომაში შეყვანის ფაქტები, კურსი, რომელიც ბაზარზე არსებულ კურსს ძალიან ჰგავს და სინამდვილეში ბევრად დაბალია. პრობლემაა გადაცვლის ოპერაციის დროს საკომისიოს დაწესებაც. ამიტომ მომხმარებლები სავალუტო ჯიხურების კონტროლს ითხოვენ, რასაც ექსპერტებიც ეთანხმებიან. შექმნილი პრობლემების თავიდან აცილების მიზნით, საქართველოს ეროვნულმა ბანკმა შეიმუშავა რეგულაცია, რომლის საფუძველზეც გარე სავალუტო ბაზრის გაკონტროლება მოხდება.

ლევილის ქართული მამულის ისტორიის შესახებ ბევრი დაწერილა და მომავალშიც ბევრი დაიწერება, მაგრამ დღევანდელ სტატიაში გვინდა მკითხველს შევთავაზოთ ორი საყურადღებო დოკუმენტი, რომლებიც ეხება ლევილის ქართული მამულის შეძენის საქმეს, ეს დოკუმენტები აღმოჩნდა საქართველოში ჩამოტანილი ეროვნული არქივის პარიზულ ნაწილში.

რუსეთი მთელი შავი ზღვისპირეთის და მათ შორის ოკუპირებული აფხაზეთის სამხედრო პოტენციალს უფრო და უფრო აძლიერებს და უკვე დაიწყო საუბრები იმაზე, რომ მოსკოვი ვაშინგტონთან დაპირისპირებისთვის ღიად ემზადება, ხოლო თუკი ამ ორ ქვეყანას შორის ურთიერთობა უკიდურესად დაიძაბება, საქართველოც აღმოჩნდება დაპირისპირების ერთ-ერთი პლაცდარმი.

პარლამენტსგარეთ დარჩენილ პროდასავლურ პარტიებს პოლიტოლოგები კოალიციის ჩამოყალიბებას ურჩევენ და აცხადებენ, რომ ეს ნაბიჯი ლოგიკური იქნება. მათი აზრით, კარგი იქნებოდა, ამაზე პარტიებს ჯერ კიდევ გასულ საპარლამენტო არჩევნებამდე ეფიქრათ და ეზრუნათ.

"თავისუფალი დემოკრატების" ერთ-ერთი ყოფილი ლიდერი გია ცაგარეიშვილი მისი პარტიიდან წასვლის მთავარ მიზეზს არჩევნებში მარცხს უკავშირებს და ამბობს, რომ ახლა მოვლენათა გაანალიზებისა და გადაფასების პროცესშია.

ბრიტანეთმა რუსული ტელეკომპანია "რაშა თუდეის" ანგარიშები დააყადაღა - ამის შესახებ ტელეკომპანიის მათვარი რედაქტორი მარგარიტა სიმონიანი ტვიტერის საკუთარ გვერდზე წერს და განმარტავს, რომ გადაწყვეტილება გადახედვასაც კი არ ექვემდებარება. ბრიტანეთის მხრიდან აღნიშნულ ქმედებას ქართველი ექპერტები რუსული პროპაგანდის შესაჩერებლად გადადგმულ ნაბიჯად აფასებენ. მათი თქმით, ამ წამოწყებას საქართველოც უნდა შეუერთდეს და რუსეთის პროპაგანდა მკაცრად გააკონტროლოს.

"ნაციონალური მოძრაობის" ერთ-ერთი ლიდერის, გივი თარგამაძის მანქანის აფეთქებიდან ორი კვირის შემდეგ შინაგან საქმეთა სამინისტრომ საქმე გახსნილად გამოაცხადა. უწყებამ გუშინ დანაშაულში ეჭვმიტანილი ერთი პირი დააკავა, ხოლო მეორე ეჭვმიტანილს ბრალი დაუსწრებლად წაუყენა, რომლის დაკავების მიზნით, სამძებრო-საგამოძიებო ღონისძიებები მიმდინარეობს.

სოხუმში ე.წ. სახელმწიფო ტელერადიოკომპანიის ტერიტორიაზე უცნობმა მამაკაცმა თავი აიფეთქა, თუმცა ჯერჯერობით უცნობია სუიციდის რეალური მიზეზი. ამასთან დაკავშირებით სხვადასხვა ვერსია ვრცელდება, მათ შორის - ამ ადამიანის კავშირი "ისლამურ სახელმწფოსთან", რასაც ქართველი პოლიტოლოგების ნაწილი არ გამორიცხავს. მეორე ნაწილი კი ამ ვერსიას არ ეთანხმება და თვითმკვლელობის შემთხვევას რეგიონში არსებულ მძიმე სოციალურ ფონს უკავშირებს.

ლარის გამყარების მოლოდინი საშუალოვადიან პერიოდშიც არ იკვეთება. იმაზე, რომ ეროვნულ ვალუტას ახალ წლამდე არაფერი არ ეშველება და გამყარება წარმოუდგენელია, ეკონომიკურ წრეებში არავინ დავობს. ის კი არა, მინიმუმ მომავალი წლის მარტამდე ეროვნული ვალუტის კურსს გაუმჯობესების პერსპექტივა არ აქვს. წინ იმდენად რთული პერიოდია, რომ არანაირი ოპტიმიზმის საფუძველს არ იძლევა.