ფოთის თავისუფალი ინდუსტრიული ზონა უკვე აღარ არსებობს. "რაკია ჯორჯიამ" თიზ-ის საკონტროლო პაკეტი სახელმწიფოს გადასცა, რითაც პროექტმა, შეიძლება ითქვას, არსებობა შეწყვიტა. სპეციალისტების ვარაუდით, ფოთის ზონის ბედს დანარჩენი თიზ-ებიც გაიზიარებენ, რადგან მათი უმეტესობა დაკისრებულ მოვალეობას თავს ვერ ართმევს და ელემენტარულად, ინვესტორის მოზიდვის შანსიც არ აქვს.

მიუხედავად იმისა, რომ 2016 წლის საპარლამენტო არჩევნების საბოლოო შედეგები ჯერ ცნობილი არ არის და წინ მეორე ტური გველოდება, არჩევნებისა და მისი თანმხლები პროცესების ანალიზი უკვე შესაძლებელია.

არჩევნები 8 ოქტომბერს არ დასრულებულა, რადგან 51 ოლქში მაჟორიტარობის კანდიდატებმა საარჩევნო კოდექსით განსაზღვრული 50%-იანი ბარიერი ვერ გადალახეს, ამიტომაც 2 ნოემბრამდე არჩევნების მეორე ტური უნდა გაიმართოს.

პარლამენტი ქუთაისიდან უნდა გადავიდეს თბილისში; პრეზიდენტის არჩევის წესი უნდა შეიცვალოს და ის მომავალში არა ხალხმა, არამედ პარლამენტმა აირჩიოს; ქვეყანა უნდა გახდეს მთლიანად საპარლამენტო და პრეზიდენტს შეზღუდული უფლებები კიდევ უფრო შეეზღუდოს; უნდა განისაზღვროს ქორწინების დეფინიცია, როგორც ქალისა და მამაკაცის ნებაყოფლობითი კავშირი - ეს ის საკითხებია, რომლის კონსტიტუციაში ცვლილება სურს "ქართულ ოცნებას", მას შემდეგ, რაც მეორე ტურით საკონსტიტუციო უმრავლესობას, 113 მანდატს მოიპოვებენ, რაშიც უკვე სრულად დარწმუნებულებიც არიან.

"ნაციონალური მოძრაობის" ლიდერის, დავით ბაქრაძის განცხადებით, იმ დროს, როდესაც პარლამენტს მიღმა დარჩენილი ოპოზიციური ძალების ლიდერები პოლიტიკიდან წასვლას აანონსებენ, შექმნილი ვითარება ქმნის რეალობას, როცა "ნაციონალური მოძრაობა" აღარ არის მთავარი ძალა, არამედ ყალიბდება ერთადერთ ძალად.

არჩევნების შედეგებმა, სპეციალისტთა ერთი ნაწილის აზრით, პროდასავლური პარტიების მარცხი აჩვენა. კერძოდ, მათი თქმით "რესპუბლიკური პარტიისა" და "თავისუფალი დემოკრატების" პარლამენტში ვერმოხვედრამ ხალხში მკვეთრად პროდასავლური ძალებისადმი არცთუ დადებითი განწყობა გამოავლინა.

"ბევრმა გადაწყვიტა, რომ ისევ ბიძინა ივანიშვილი და "ქართული ოცნება" თუ შეაჩერებს სააკაშვილსო. ეს იყო ერთ-ერთი ყველაზე მნიშვნელოვანი მიზეზი იმისა, რამაც ეს შედეგი განაპირობა", - ასე აფასებს არჩევნების შედეგებს "რესპუბლიკური პარტიის" ერთ-ერთი ლიდერი დავით ზურაბიშვილი.

პარლამენტს მიღმა დარჩენილი პარტიები ბრძოლას წყვეტენ - "თავისუფალი დემოკრატების" ლიდერის, ირაკლი ალასანიას შემდეგ პოლიტიკას, შესაძლოა, "სახელმწიფო ხალხისთვის" ლიდერი პაატა ბურჭულაძეც გამოეთიშოს.

კონსტიტუციონალისტი და პოლიტოლოგი ვახტანგ ძაბირაძე ამბობს, რომ "ქართული ოცნება" დიდი ალბათობით საკონსტიტუციო უმრავლესობას აიღებს. მისი თქმით, მათ შანსი აქვთ, რომ მაჟორიტარულ არჩევნებში მეორე ტურები ყველგან მოიგონ, რის შემდეგაც 100%-იან მანდატებს მიიღებენ, ეს კი საქართველოს ისტორიაში უპრეცედენტო და პირველი შემთხვევა იქნება.

ცესკოს წინასწარი მონაცემებით, საქართველოს მასშტაბით 50 მაჟორიტარული ოლქიდან, სადაც არჩევნების მეორე ტური უნდა გაიმართოს, 44-ში ერთმანეთს "ქართული ოცნებისა" და "ნაციონალური მოძრაობის" მაჟორიტარობის კანდიდატები დაუპირისპირდებიან.

არჩევნების შემდეგ, შესაძლოა, გაძვირების ტალღა დაიწყოს. იმპორტიორების ინფორმაციით, 2-3 კვირაში თითქმის ყველა დასახელების პროდუქტი 10-15%-ის ფარგლებში გაძვირდება. ფასი ადგილობრივ ნაწარმზეც მოიმატებს, რასაც სეზონური ცვლილება გამოიწვევს. ზოგიერთი პროდუქტი უკვე გაძვირდა კიდეც. შაქარი, წიწიბურა და ზეთის ფაის მაღლა მიდის. სულ მალე საწვავის ჯერი დადგება.

საქართველოს ეროვნულმა ბანკმა რეფინანსირების სესხების მოცულობა მაქსიმალურ ზღვარამდე გაზარდა. თუ ზაფხულში სებ-ი მუდმივმოქმედ და ერთდღიან სესხს, პრაქტიკულად, არ გასცემდა, აგვისტოს ბოლოდან ჯერ ერთდღიანის, შემდეგ კი დამატებით მუდმივმოქმედი რეფინანსირების სესხების გაცემა დაიწყო. წინა კვირას კომერციული ბანკების მიერ სებ-იდან აღებული სესხის მოცულობამ 1,210 მლრდ ლარს მიაღწია. ბაზარზე ჭარბი რაოდენობით ლარის მიწოდებამ კი პრობლემა შეუქმნა გაცვლით კურსს და მისი სტაბილურობისთვის სებ-ი იძულებული გახდა სავალუტო ინტერვენცია განეხორციელებინა.