არჩევნების შემდეგ საქართველოს ეკონომიკაში, შესაძლოა, გაჯანსაღების ნიშნები გაჩნდეს. ექსპერტები ვარაუდობენ, რომ ქვეყანაში მასშტაბური პროექტების განხორციელება დაიწყება, რაც პოზიტიურ შედეგს მოიტანს. პოლიტიკური გაურკვევლობის პერიოდმა უკვე გაიარა და ახლა საზოგადოების მთელი გულისყური ეკონომიკური პროცესებისკენ იქნება მიმართული - რამდენად სწორად მოახდენს ქვეყნის ეკონომიკა არჩევნების შედეგზე რეაგირებას და როგორი იქნება ცვლილება ამ მიმართულებით.

საქართველო საშუალო ხელფასის მაჩვენებლით სამეზობლოში მხოლოდ რუსეთს ჩამორჩება. თუ ჩრდილოეთში დასაქმებულების საშუალო ხელფასი 542 დოლარს შეადგენს, ჩვენთან ეს მაჩვენებელი 418 დოლარია, სომხეთში - 390 დოლარი, აზერბაიჯანში კი - 305 დოლარი. კიდევ უფრო დაბალი მაჩვენებელი აქვს უკრაინას. ყველა ზემოთ ჩამოთვლილ ქვეყანაში დასაქმებულების საშუალო ანაზღაურება ყოველწლიურად იზრდება, თუმცა ადგილობრივი ვალუტების დევალვაციის შედეგად, უცხოურ ვალუტაში გადაანგარიშებით მათი მოცულობა მნიშვნელოვნად მცირდება. საქართველოში, 2013 წელთან შედარებით, საშუალო ხელფასი ლარში 25,8%-თაა გაზრდილი, მაგრამ დოლართან გადაანგარიშებით 6,2%-თაა შემცირებული.

შარშანდელთან შედარებით, წელს ციტრუსის ნაკლები მოსავალია. სეზონზე აჭარაში 55-60 ათას ტონამდე მოსავალს ელიან, რაც წინა წლის მაჩვენებელს ჩამორჩება. საექსპორტო მანდარინს სეზონზე დაამზადებს 40-მდე ციტრუსის მიმღები დამხარისხებელი საწარმო, რომელთა ჯამური სიმძლავრე 30 000 ტონას აღმატება.

"ქართული ოცნება" - 48%, "ნაციონალური მოძრაობა" - 27%, "პატრიოტთა ალიანსი" ბარიერის ზღვართანაა - 4.99%-ით. ამ შედეგებით პარლამენტი ორპარტიულია და პროპორციული 77 მანდატიდან პარლამენტში "ოცნება" მიიღებს - 48 ადგილს, "ნაციონალები" - 29-ს. მაჟორიტარული 73 მანდატიდან კი ჯერჯერობით 22 მანდატი "ოცნებამ" პირველივე ტურში გაინაღდა, "ნაციონალებმა" - ვერც ერთი. ჯამში - 150-კაციან პარლამენტში პირველივე ტურიდან შედის ხელისუფლების 70 დეპუტატი და "ნაციონალების" - 29.

არჩევნების შედეგებმა, პოლიტოლოგ გია ხუხაშვილის აზრით, "ქართულ ოცნებას" დელეგიტიმაციის საფრთხე შეუქმნა. ფიქრობს, რომ შედგება თუ არა პარლამენტი, ეს სათუო საკითხია და შეიქმნა კრიზისი, რომლის განჭვრეტაც წინასწარვე შეიძლებოდა.

მორიგე რედაქტორი

გუშინ ასრულდა ბიძინა ივანიშვილის ოცნება და, სავარაუდოდ, მომავალი პარლამენტი შუაში გაკრეფილი გამოვა, თან ისე გაკრეფილი, არჩევნებამდე ერთი დღით ადრე ვერც ერთი პოლიტიკოსი, მიმომხილველი თუ ჟურნალისტი რომ ვერ წარმოიდგენდა. ასე "გაკრეფილი" არც ერთი პარლამენტი მანამდე არ ყოფილა. ახლა "ნაცმოძრაობამ" ბოიკოტი რომ გამოაცხადოს, რისი თეორიული ალბათობა ნამდვილად არსებობს, პრინციპში, ერთპარტიულ პარლამენტს მივიღებთ. რომ არ გამოაცხადოს - მაშინაც არსებითად საკანონმდებლო ორგანო ერთპარტიული იქნება, რადგან "ოცნება" შეძლებს არა მარტო ნებისმიერი ნორმატიული აქტის გატანას, არამედ საკონსტიტუციო უმრავლესობის მოპოვების შემთხვევაში (რაც ასევე ფრიად რეალურია), აბსოლუტურად ნებისმიერი გადაწყვეტილების მიღებას და განხორციელებასაც.

"მივიღებთ ერთპარტიულ მმართველობას, რაც ნიშნავს იმას, რომ ვბრუნდებით უკან, საბჭოთა წარსულში. ცუდია, როდესაც ერთი პოლიტიკური ძალა ღებულობს იმხელა ძალაუფლებას, რისი გამოყენების უნარი მას, უბრალოდ, არ შესწევს. შედეგად, ჩვენ აუცილებლად მივიღებთ სრულიად უკონტროლო ხელისუფლებას,"-აცხადებს "მთელ კვირასთან" არჩევნების შედეგების კომენტირებისას რესპუბლიკური პარტიის ერთ-ერთი ლიდერი ლევან ბერძენიშვილი, რომელიც შიშობს, რომ მომავალი პარლამენტი შეიძლება იყოს "ქართული პარლამენტარიზმის ისტორიაში ყველაზე ცუდი, საშინელი პარლამენტი".

"ყველამ ძალიან კარგად ვიცით, რომელი ტელევიზია რომელ ეგზიტპოლს ატარებს. ისიც ვიცით, რამდენად აცდენილია ერთმანეთს მონაცემები და რატომ. ვფიქრობ, არავის ეპარება იმაში ეჭვი, რომ "ქართულ ოცნების" 50%-იანი მხარდაჭერა აბსოლუტური აბსურდია," - აცხადებს "ნაციონალური მოძრაობის" წევრი გივი თარგამაძე, რომლის თქმითაც, გაუგებარია რას ზეიმობს "ქართული ოცნება".

ისევე, როგორც ბოლო წლებში ჩატარებულ ყველა არჩევნებზე, სახელისუფლებო პარტიის კოორდინატორები და აგიტატორები პარტიის მხარდამჭერების მოგროვებას გუშინწინდელი არჩევნების დღესაც თავგამოდებით ცდილობდნენ - სატელეფონო ზარებით საარჩევნო უბნებზე დაბარება და სიებით "შეიარაღებული" ქალბატონების ხილვა ქართველი ამომრჩევლისათვის ახალი უკვე აღარაა.

საპროტესტო აქციებს არ გამორიცხავს პაატა ბურჭულაძის გაერთიანება "სახელმწიფო ხალხითვის". საარჩევნო ბლოკის ერთ-ერთი ლიდერი გიორგი ვაშაძე აცხადებს, რომ აქციებთან დაკავშირირებით მსჯელობას საბოლოო შედეგების შეჯამების შემდეგ დაიწყებენ და გადაწყვეტილებასაც ამის მერე მიიღებენ. მისივე თქმით, არჩევნებზე არაერთი დარღვევა დაფიქსირდა.

კახეთში არჩევნებმა სხვა რეგიონებთან შედარებით, მშვიდ ვითარებაში ჩაიარა, თუმცა ოპოზიციური პარტიების წარმომადგენლების განცხადებით, რომლებიც ამ რეგიონში მიმდინარე საარჩევნო პროცესს აკვირდებოდნენ, უბნებზე სხვადასხვა სახის დაღვევა და ინციდენტს ადგილი მრავლად ჰქონდა.

შამპანური, ტაში, ფერადი ბუშტების გაშვება და ხმაურიანი შეძახილები, რომლიც "ქართული ოცნების" ოფისის ეზოში, ეგზიტპოლების წინასწარი გამოცხადებას მოჰყვა. ასე აღნიშნა "ოცნებამ" 2016 წლის საპარლამენტო არჩევნებში გამარჯვება.