რომელი რეგიონი და ქალაქი იქნება 8 ოქტომბერს ყველაზე მშვიდი და რომელი ყველაზე კონფრონტაციული - მოლოდინი უკვე არსებობს და მეტ-ნაკლები პროგნოზებიც უკვე კეთდება.

მმართველი გუნდი ტელეკომპანია "რუსთავი 2"-ის გენერალურ დირექტორ ნიკა გვარამიას სისხლის სამართლის დანაშაულში სდებს ბრალს და ამბობს, რომ იგი საქალაქო სასამართლოს ყოფილ თავმჯდომარე, მამუკა ახვლედიანს ქრთამს სთავაზობდა. თავად გვარამია კი აცხადებს, რომ მამუკა ახვლედიანს ქრთამს ვერ შესთავაზებდა, რადგან ეს უკანასკნელი "რუსთავი 2"-ის საქმეს არ განიხილავდა. იურისტების ნაწილს კი ამ საკითხზე ცალსახა შეფასება აქვს, ამბობენ, რომ დასაწყისისთვის გამოძიებამ ჩანაწერის ავთენტიკურობა უნდა დაადგინოს.

პედაგოგების შანტაჟი, დაშინება, სხვადასხვა შეხვედრაზე იძულებით სიარული და ხელისუფლებისთვის სასურველი არჩევანის გაკეთება - ეს იმ ბრალდებათა ნაწილია, რომელსაც ზესტაფონში რესპუბლიკური პარტიის მაჟორიტარი დეპუტატობის კანდიდატი თინა ხიდაშელი მმართველ ძალას უყენებს. თუმცა, ბრალდების ადრესატები - განათლების სამინისტრო და უსაფრთხოების სამსახური - ბრალდებებს უარყოფენ.

გორის მაჟორიტარ კანდიდატთან, თავდაცვის ექსმინისტრ ირაკლი ოქრუაშვილსა და მის დაცვასთან მოჩხუბარი ორი პირის შესახებ გორში ჰყვებიან, რომ ისინი სააკაშვილის მმართველობის დროს ირაკლი ოქრუაშვილის მიერ იყვნენ დაკავებულნი და სასჯელს წლების განმავლობაში იხდიდნენ.

წინასაარჩევნოდ სამეგრელო ერთ-ერთ ყველაზე ცხელ რეგიონად იქცა. 1-ელ ოქტომბერს, ზუგდიდის მუნიციპალიტეტის სოფელ დიდნეძში "ნაციონალური მოძრაობის" მხარდამჭერებმა "ქართული ოცნების" ახალგაზრდული ფრთის წევრებს სასტიკად სცემეს. სამი ახალგაზრდა, ზუგდიდის რესპუბლიკურ საავადმყოფოში ტვინის შერყევის დიაგნოზით იქნა მოთავსებული.

მწირი ფინანსების, დაპირისპირებისა და ნაკლები ადამიანური რესურსების მიუხედავად, პაატა ბურჭულაძის მოძრაობა "სახელმწიფო ხალხისთვის" გამარჯვებაში დარწმუნებულია. კოალიციის საარჩევნო სიის მესამე ნომერი დავით ჯანდიერი ამბობს, რომ ხელისუფლების გაშმაგებული ბრძოლის მიუხედავად, მათ შესწვეთ უნარი, ხალხის წინაშე არსებული პრობლემები მოაგვარონ.

2 ოქტომბერს, საქართველოს მწერალთა სახლში, ლიტერატორმა და პოლიტიკოსმა ლევან ბერძენიშვილმა 10-საათიანი, უწყვეტი ლექცია-მარათონი გამართა. ლექცია 11 საათზე დაიწყო და 21 საათს გადაცდა.

ამომრჩეველთა აბსოლუტური უმრავლესობა საარჩევნო პროგრამებს არ იცნობს. მათ მხოლოდ ზოგადად იციან იმ დაპირებების შესახებ, რომლებსაც პარტიები გასცემენ. "რეზონანსის" მიერ გამოკითხული ადამიანები ამბობენ, რომ პოლიტიკური პარტიების მიერ გაწერილი სოციალურ-ეკონომიკური გეგმა ფუჭი სიტყვების კრებულია. თუმცა, არიან ისეთებიც, რომლებიც არჩევანს მხოლოდ პროგრამის გაცნობის შემდეგ აკეთებენ. რესპონდენტების დიდი ნაწილისთვის მნიშვნელოვანია ისეთი დაპირებები, რომლებიც მათი ოჯახის ბიუჯეტზე აისახება. ეს არის პენსიების, სამუშაო ადგილებისა და ხელფასის ზრდა.

ბიუჯეტის 3 კვარტლის მონაცემების მიხედვით, შემოსულობების ნაწილში გარღვევაა. ასევე მნიშვნელოვანი პრობლემებია გადასახდელების კუთხით. ხარჯების გეგმის შესრულებას 298 მილიონი ლარი აკლია, ხოლო შემოსულობების გეგმას - 142 მილიონი ლარი. ფინანსთა სამინისტროში თავს იწონებენ, რომ ბიუჯეტის გეგმა გადაჭარბებით შეასრულეს, მაგრამ ეს მხოლოდ შემოსავლების ნაწილს ეხება, სრულ ბიუჯეტს კი პრობლემა აქვს.

მსოფლიო მასშტაბით მცირე და საშუალო ბიზნესის წილი ადამიანთა დასაქმებაში 80-85%-ია, საქართველოში ეს მაჩვენებელი 10-15%-ს ვერ ასცდა. ვითარების გამოსწორება წლიდან წლამდე ვერაფრით ხერხდება. მიუხედავად იმისა, რომ არჩევნებში მონაწილე პოლიტიკურ პარტიებს წარდგენილი აქვთ წინასაარჩევნო პროგრამა მცირე და საშუალო ბიზნესის ხელშესაწყობად, რეალურად ქვეყანაში სულ სხვა ვითარებაა და მცირე ბიზნესის სასიკეთოდ არაფერი იცვლება.

"ყველამ იცის, რომ ჩემი მართვა ძალიან რთულია. არ მგონია, ვინმეს იმედი ჰქონდეს, რომ ამას მომავალში მაინც შეძლებს," - ამბობს "რეზონანსთან" საუბრისას მთაწმინდის ოლქში მაჟორიტარი დეპუტატობის დამოუკიდებელი კანდიდატი სალომე ზურაბიშვილი და უმატებს, რომ მმართველი პარტიის მხრიდან მისთვის ასპარეზის დათმობა აბსოლუტურად გამართლებულია.

ვინ დაიკავებს საპარლამენტო არჩევნებზე პირველ ხუთ ადგილს? - "რეზონანსის" ამ კითხვას სოციოლოგებმა და პოლიტოლოგებმა "ყველაზე რთული კითხვა" უწოდეს.