არჩევნების მოახლოებასთან ერთად პარტიებმა ჩვეულებას არ უღალატეს და კოორდინატორთა სქემა აამოქმედეს. წინა ხელისუფლების ტრადიციას "ქართული ოცნება" უცვლელად აგრძელებს. თუმცა, კოორდინატორებზე უარი არც "ნაციონალურ მოძრაობას" უთქვამს.

პოლიტოლოგი და ფსიქოლოგი რამაზ საყვარელიძე ფიქრობს, რომ გერმანულ-ამერიკული ორგანიზაცია პალ-ის მიერ ჩატარებული სოციოლოგიური კვლევის შედეგები არ შეიძლება, სანდოდ მივიჩნიოთ, რადგან მასში მოყვანილი მონაცემები, არსებული რეალობის გათვალისწინებით, ლოგიკასთან არანაირ კავშირში არაა.

საქართველოს პრეზიდენტი ეუთო-ს საპარლამენტო ანსამბლეის პრეზიდენტად გიგი წერეთლის წარდგენას მხარს უჭერს და იმავე ქმედებისკენ საქართველოს დელეგაციის წევრებს მოუწოდებს. მისი თქმით, ამ პოზიციაზე ქართველი დეპუტატის არჩევით, საქართველოს ქვეყნისთვის მნიშვნელოვანი თემების წინ წამოწევის უნიკალური შანსი მიეცემა.

ბოლო რამდენიმე დღეში იმპორტირებული სურსათის ფასმა - 5-10%-ით, ხოლო ნავთობპროდუქტების ღირებულებამ 6-7%-ით მოიმატა. ლარის მკვეთრი გაუფასურების გამო, იმპორტიორებმა მოსალოდნელი გაძვირება დაახლოებით 1 კვირის წინ დააანონსეს და მალევე აასრულეს. მათი მტკიცებით, ლარი უკვე იმ ნიშნულზეა, როცა ფასის შენარჩუნება შეუძლებელია. გაძვირდა თითქმის ყველა დასახელების პროდუქტი, მათ შორის ისეთიც, რომელიც ბოლო პერიოდამდე საგრძნობლად იყო გაიაფებული.

2017 წლიდან ავტომობილების ბაზარზე მნიშვნელოვანი ცვლილება განხორციელდება. პირველ ეტაპზე მარჯვენასაჭიანი მანქანების იმპორტი აიკრძალება. 2017 წელს იგეგმება ტექდათვალიერების დაწყებაც, რომლის განხორციელებასაც საქართველოს მთავრობა "საუკეთესო ევროპული პრაქტიკით" აპირებს.

მძიმე სოციალური ფონი, დროის სიმცირე, გადატვირთული სამუშაო რეჟიმი - ამ და სხვა მიზეზების გამო, წელს საზაფხულო ბაღებზე მოთხოვნა გაიზარდა. თბილისის ბაგა-ბაღების მართვის სააგენტოსთან ერთად, დარეგისტრირების მსურველთა გააქტიურებაზე საუბრობენ მშობლებიც. ისინი "რეზონანსთან" იმ გაზრდილ მოთხოვნაზე ამახვილებდნენ ყურადღებას, რომელმაც ზოგიერთი ბავშვი ლამის ბაღის გარეშე დატოვა.

დევდორაკის ხეობაში მოვარდნილმა ღვარცოფმა და ზემო ლარსის საბაჟო-გამშვები პუნქტის ჩაკეტვამ რუსეთში, ქართულთან ერთად, პრობლემები სომხური პროდუქტის ექსპორტსაც შეუქმნა. სომეხმა ექსპორტიორებმა ალტერნატიული გზა უკვე ნახეს და საკუთარი ნაწარმი ბათუმიდან ნოვოროსიისკის პორტში ბორნით გადააქვთ. სხვადასხვა შემოვლითი გზით სარგებლობენ ქართველი მეწარმეებიც. რაც შეეხება თავად გზას, საქართველოს საავტომობილო გზების დეპარტამენტში ამბობენ, რომ ის დაახლოებით 2 კვირაში გაიხსნება.

"რესპუბლიკური" პარტიის ერთ-ერთი ლიდერი ლევან ბერძენიშვილი, პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებებს თინა ხიდაშელის მისამართით პირად დაინტერესებას უწოდებს. მისი თქმით, სესიაშვილს თავდაცვის მინისტრობა ისე ძალიან უნდა, რომ საკუთარი სურვილების გაკონტროლებას ვეღარ ახერხებს და მას ახმოვანებს.

ბოლო წლებში საქართველოში ყოველწლიურად 46-49 ათასი ადამიანის გარდაცვალება ფიქსირდება. ოფიციალური მონაცემების თანახმად კი, სიკვდილიანობის მთავარი მიზეზი სისხლის მიმოქცევის სისტემასთან დაკავშირებული დაავადებებია.

ბრიტანეთში გამართული რეფერენდუმის შედეგებმა ცივი წყალი გადაავლო მანამდე ჩატარებულ არაერთ კვლევას, რომლებიც ირწმუნებოდნენ, რომ მოსახლეობის უმეტესობა ევროკავშირში დარჩენის მომხრე იყო.

10 ივლისამდე "რესპუბლიკელი" მინისტრები თანამდებობებზე რჩებიან, მათი გაშვება დიდი ალბათობით, ივლისის ბოლომდე მოხდება. მართალია, პრემიერ კვირიკაშვილს არ დაუკონკრეტებია ცვლილების ზუსტი დრო, თუმცა მას გაცხადებული აქვს, რომ შემცვლელები უკვე შერჩეულიც ჰყავს, გუშინ კი განაცხადა, რომ ცვლილების შესახებ "მოგვიანებით გახდება ცნობილი".

ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე თავდაცვის მინისტრად მის დანიშვნას კატეგორიულად უარყოფს. მისი თქმით, მას ამ საკითხზე შეთავაზებაც არ ჰქონია.