დღეს, როდესაც ქართული საზოგადოება ყურაღებით ადევნებს თვალს საქართველოსა და გერმანიის სამომავლო ურთიერთობებს, ალაბთ დააინტერესებს, როგორი იყო ამ ორი ქვეყნის ურთიერთობა მეოცე საუკუნის დასაწყისში. ამის შესახებ კი ფასდაუდებელ ცნობებს გვაწვდის ცნობილი ქართველი იურისტი და ისტორიკოსი ზურაბ ავალიშვილი თავის წერილში "კურსი გერმანიაზე".

პოლიტოლოგი და ფსიქოლოგი რამაზ საყვარელიძე პრემიერ კვირიკაშვილისა და გერმანიის კანცლერის ანგელა მერკელის შეხვედრას პოზიტიურად აფასებს და ამბობს, რომ ეს ვიზიტი დროული და მიზანშეწონილი იყო. მისი თქმით, შესაძლოა, შეხვედრაზე გაჟღერებულმა გზავნილებმა ვიზალიბერალიზაციის პროცესზე გავლენა სულაც არ იქონიოს, თუმცა საქართველოს ევროპული კურსისკენ სვლას კიდევ ერთხელ დაადასტურებს.

კუნძულ კრეტაზე მართლმადიდებელი ეკლესიების დიდი და წმინდა კრება უკვე გაიხსნა და კრების გახსნის პირველსავე დღეს კრების ინტერნეტ-საიტზე გამოქვეყნდა ოკუპირებული აფხაზეთის სასულიერო პირების ერთი დაჯგუფების, ე.წ. აფხაზეთის წმინდა მიტროპოლიის მიმართვა კრებისადმი, სადაც აფხაზები საქართველოს ეკლესიის საზღვრების გადახედვასა და აფხაზეთისათვის სტატუსის მინიჭებაზე საკითხის განხილვას ითხოვენ.

უკრაინის სამხრეთ-აღმოსავლეთ რეგიონებში მებრძოლმა ქართველებმა პრორუსი სეპარატისტების პიზიციების სიღრმეში დივერსიული სპეცოპერაცია ჩაატარეს და მოწინაარმდეგეს დიდი ზიანი მიაყენეს. ეს ოპერაცია ქართველმა ლეგიონერმა სოფელ ხურჩასთან "აფხაზი მესაზღვრის" მიერ მოკლული გიგა ოთხოზორიას ხსოვნას მიუძღვნეს.

საქართველოს პრეზიდენტი გიორგი მარგველაშვილი "ნაციონალური მოძრაობის" ერთ-ერთ ლიდერ გიგა ბოკერიას დახურულ კარს მიღმა შეხვდა. პრეზიდენტის საზოგადოებასთან ურთიერთობის სამსახურის უფროსის ეკა მიშველაძის ინფორმაციით, შეხვედრა დახურული იყო და მას სხვა არავინ ესწრებოდა.

"ზოგადად ბევრ რამეზე ვმსჯელობთ" - ასე პასუხობს საპარლამენტო უმრავლესობის წევრი, თავდაცვის კომიტეტის თავმჯდომარე ირაკლი სესიაშვილი კითხვას იმის შესახებ, დაიკავებს თუ არა თავდაცვის მინისტრის პოსტს ხიდაშელის წასვლის შემდგომ. აქვე დასძენს, რომ ამაზე ახლა საუბარი, როცა ქვეყანას თავდაცვის მინისტრი ჯერ კიდევ ჰყავს, არაეთიკურია.

"როიტერის" ინფორმაციით, უკრაინამ ევროკავშირს თხოვნით მიმართა, რომ საქართველომ ვიზალიბერალიზაცია უკრაინაზე ადრე არ მიიღოს. მათი თქმით, იმ შემთხვევაში, თუ საქართველო უვიზო მიმოსვლას უკრაინაზე ადრე მიიღებს, ეს ქვეყანაში პრეზიდენტის პეტრო პოროშენკოს პოზიციების დასუსტებას გამოიწვევს.

მეტეოროლოგები კვირის ბოლომდე საქართველოს მთელ ტერიტორიაზე არამდგარდ ამინდებს ელოდებიან, დროგამოშვებით კი წვიმას ელ-ჭექით. სპეციალისტები კი "რეზონანსთან" საუბრისას აცხადებენ, რომ თუ დიდი რაოდენობით ნალექი მცირე დროში მოვიდა, შესაძლებელია შარშანდელი 13 ივნისის ტრაგედია ისევ განმეორდეს.

უკვე რამდენიმე კვირაა, 20-მდე ქართული ტელეარხის დაფარვის ზონა გაფართოვდა და მათი ყურება ოკუპირებული ტერიტორიების პრაქტიკულად ყველა ნაწილში შეიძლება. ამ სიახლეს აფხაზეთის მცხოვრებთა შორის უკვე მოჰყვა პირველი გამოხმაურება.

აზერბაიჯანში "ევრო 4"-ის სტანდარტთან დაკავშირებით დაწესებული აკრძალვის შემდეგ ავტომობილების რეექსპორტი, შესაძლოა, პაკისტანისა და ირანის მიმართულებით განხორციელდეს. ამ მხრივ გაცილებით მეტი პოტენციალი გვაქვს პაკისტანში, სადაც რეექსპორტის რამდენიმე შემთხვევა უკვე აღინუსხა. ქართველმა იმპორტიორებმა ამ ბაზარზე შეღწევა დამოუკიდებლად მოახერხეს. თუკი სახელმწიფოს მხრიდანაც იქნება მხარდაჭერა და აღნიშნულ ქვეყნებთან სავაჭრო ურთიერთობა გამარტივდება, საავტომობილო ბაზარს, შესაძლოა, ეშველოს კიდეც.

წალენჯიხის მუნიციპალიტეტის სოფელ ნაკიფუში ახალი გზის მშენებლობა 2017 წლიდან დაიწყება. ამის შესახებ სამეგრელო-ზემო სვანეთის სამხარეო ადმინისტრაციის წარმომადგენლებმა ადგილობრივი მოსახლეობის მიერ გამართულ აქციაზე განაცხადეს. გზის დაგება, ფაქტობრივად, მეორედ გახდა აუცილებელი. წინა ხელისუფლების დროს სოფელში უხარისხოდ გაკეთებულმა გზამ ერთი წელიც ვერ იარსება.

მსოფლიოში 2-წლიანი ძვირი დოლარის ეპოქა დამთავრდა, ყოველ შემთხვევაში, ჯერჯერობით. წლის დასაწყისიდან დღემდე ამერიკული ფული სხვა ვალუტების მიმართ პოზიციებს სისტემატურად თმობს, თუმცა უმნიშვნელოდ. 6 თვის განმავლობაში დოლარი ყველა ძირითად ვალუტასთან მიმართებით გაუფასურდა, ერთადერთი ბრიტანული სტერლინგია, რომელმაც ამ პერიოდში პოზიციები 2 პუნქტით დათმო, იენი და ევრო კი გამყარდა. დოლარის შესუსტების ერთ-ერთი მიზეზი ფედერალური სისტემის გადაწყვეტილება გახდა, რომლის მიხედვითაც საბაზისო საპროცენტო განაკვეთი უკვე რამდენიმე თვეა 0,25-0,5%-ს შეადგენს.