მიგრანტების დიდი ნაკადის გამო ევროკავშირი სამეზობლო პოლიტიკას ცვლის. თუმცა, როგორც საქართველოში ირწმუნებიან, ეს ცვლილება საქართველოს არ შეეხება და ზაფხულს ევროპასთან უვიზო მიმოსვლა დაბრკოლების გარეშე ამოქმედდება.

საპარლამენტო უმრავლესობის წევრმა თამაზ მეჭიაურმა ტელეკომპანია "კავკასიის" ეთერში განაცხადა, რომ მზად არის ნატოზე უარი თქვას, თუკი ის საქართველოს ინტერესებს დაუპირისპირდება.

"რესპუბლიკელებისა" და "ოცნების" გარდა კოალიციაში შემავალი პარტიებიდან დამოუკიდებლად ბარიერს ვერავინ გადალახავს," - ამბობს პოლიტოლოგი სოსო ცინცაძე და დასძენს, რომ დანარჩენი პარტიები, თუკი ივანიშვილმა ისევ არ მიიკედლა, უბრალოდ, გაქრებიან.

კომერციულ ბანკებში ფიზიკური პირების 1,4 მილიარდი ლარი ინახება. ამ დროს საქართველოში დეპოზიტების დაზღვევა არ არსებობს. რომელიმე ბანკის გაკოტრების შემთხვევაში შეიძლება მეანაბრეების თანხა დაიკარგოს.

გარდაბანში მზის, ხოლო გორთან ქარის ელექტროსადგურები აშენდება. ალტერნატიული ენერგეტიკა ნელ-ნელა მკვდარი წერტილიდან დაიძრა. ენერგეტიკოსები აღნიშნავენ, რომ საქართველოში არის პოტენციალი, რომ ქარის გამოყენებით 4 მლრდ კვტ/სთ-ით ელექტროენერგია მივიღოთ, ხოლო მზის გამოყენებით - 1,5-2 მლრდ კვტ/სთ ენერგია.

სამსახურის მაძიებელი სტუდენტები და არა მარტო სტუდენტები, დამსაქმებელი კომპანიების მიმართ უკმაყოფილებას გამოხატავენ. ამის მთავარი მიზეზი მათ მიერ გამოცხადებული ვაკანსიებია, სადაც სამუშაო გამოცდილება ასაკთან შეუსაბამოა. ამგვარი მოთხოვნები კი მიზეზია იმისა, რომ ქვეყანაში უმუშევრთა რაოდენობა არ იცვლება.

ლარის გამყარება სამომხმარებლო ბაზარზე რატომღაც არ აისახება. იმპორტიორები და სავაჭრო სფეროს წარმომადგენლები ცვლილებებს არ გეგმავენ. წელიწად-ნახევრის წინ, როგორც კი ლარის გაუფასურება დაიწყო და პროდუქტი გაძვირდა, ითქვა, რომ გაიაფება გაჭირდებოდა. ასეც მოხდა, მიუხედავად იმისა, რომ ლარი მყარდება, ზემოგებაზე ორიენტირებულ ბიზნესში ფასის შემცირებაზე არავინ ფიქრობს. ზოგიც რეალობას იმდენად მოსწყდა, რომ გაიაფების ნაცვლად, პროდუქტს თვითნებურად აძვირებს.

მეცნიერთა აზრით, ყოველდღიურად საშუალოდ 11 საათის განმავლობაში მჯდომარე პოზიციაში ყოფნა ადრეული სიკვდილის რისკს 40%-ით ზრდის იმ ადამიანებთან შედარებით, რომლებიც ასეთ მდგომარეობაში დღეში მხოლოდ 6 ან ნაკლებ საათს ატარებენ.

20-წლამდელი "ბორჯღალოსნები" წინასამუნდიალო მზადების დასკვნითი ეტაპისთვის ორიოდე დღის წინ "შევარდენზე" შეიკრიბნენ. შეკრება ორ ნაწილად გაიმართება. გუნდი ჯერ ორ კვირას ივარჯიშებს და შემდეგ ერთ კვირას დაისვენებს. შემდეგი, სამ კვირიანი ეტაპი 1 მაისს დაიწყება, რომელიც 29 მაისამდე გასტანს.

ირაკლი ალასანია, დავით ბაქრაძე, ნინო ბურჯანაძე, გიორგი ახვლედიანი, პაატა ბურჭულაძე - პოლიტოლოგები და პიარსპეციალისტები ამ პოლიტიკოსებს ყველაზე რეიტინგულ ოპოზიციონერებად ასახელებენ და ამბობენ, რომ არჩევნებში წარმატების მიღწევას, სავარაუდოდ, სწორედ ისინი შეძლებენ.

საქართველოსა და უკრაინის მონაწილეობით, შესაძლოა, ნატოს შავი ზღვის ფლოტი შეიქმნას - "ალიანსის ფლოტის" შექნის ინიციატორი რუმინეთია. გეგმაზე მუშაობა თებერვლიდან მიმდინარეობს და ბუქარესტი იმედოვნებს, რომ ივლისში ნატოს ვარშავის სამიტზე ეს გეგმა დამტკიცდება. ოფიციალურმა კიევმა და თბილისმა ინტერესი უკვე გამოხატეს.

"ქართული ოცნება" რჩება მემარცხენე ცენტრისტულ პარტიად და სწორედ ამ იდეოლოგიიდან გამომდინარე, მომავალი 4 წლის განვითარების გეგმას შევთავაზებთ საზოგადოებას საპარალმენტო არჩევნებისათვის", - ამბობს "რეზონანსთან" საუბრისას საპარლამენტო უმრავლესობის წევრი ელისო ჩაფიძე, რომელსაც პარტიის მომავალ გეგმებზე ვესაუბრეთ.