იქნება თუ არა უახლოეს მომავალში სამთავრობო ცვლილებები და გადადგებიან თუ არა "რესპუბლიკელი" მინისტრები - პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილის თქმით, ამის აუცილებლობა შესაძლოა, ბუნებრივად დადგეს. თუმცა, ამ ეტაპზე ამ თემის განხილვას იგი არაეთიკურად მიიჩნევს.

ანალიტიკოსი ზაალ ანჯაფარიძე ყარაბაღში მიმდინარე პროცესებს აფასებს და ამბობს, რომ თუკი კონფლიქტი კიდევ უფრო გამწვავდა, ეს საქართველოს მრავალმხრივ დააზარალებს.

პოლიტიკური მარკეტინგის კუთხით რა სიახლეებია ქართულ პოლიტიკურ ბაზარზე და როგორ ემზადებიან არჩევნებისთვის პოლიტიკური ძალები? - ამ საკითხებზე "რეზონანსი" პოლიტტექნოლოგიების სპეციალისტს, პროფესორ კახაბერ ჯაყელს გაესაუბრა.

თელავის საკრებულოში რეგისტრაციაში გატარდა ახალი ფრაქცია "ძლიერი თელავი", რომელიც "ახალი მემარჯვენეებისა" და "ნაციონალური მოძრაობის" წევრებისგან შედგება. ახალ ფრაქციას დეპუტატი ნიკოლოზ ვარდოშვილი უხელმძღვანელებს.

რამდენიმე დღის წინ გლდანში, ერთ-ერთი საცხოვრებელი კორპუსის მე-8 სართულიდან 25 წლის გოგონა გადმოხტა და ადგილზევე დაიღუპა. გარდაცვლილის მეზობლებიც და ნათესავებიც მიიჩნევენ, რომ ეს თვითმკვლელობა იყო. რაც შეეხება მიზეზს, მათი თქმით, ეს გარდაცვლილის პირად ცხოვრებას ან მასზე გავრცელებულ ჭორს უნდა უკავშირდებოდეს.

წინასაარჩევნოდ "ქართული ოცნება" დაპირებებს რამდენიმეთვიანი ინტერვალით შეასრულებს. პირველ აპრილს პედაგოგების ხელფასები გაიზარდა, ივლისში პენსია მოიმატებს, სექტემბერში "მთის კანონში" გაწერილი რამდენიმე შეღავათი ამოქმედდება. ერთ-ერთი მთავარი პოლიტიკური კოზირი კი ლარის კურსი იქნება.

სამშენებლო კომპანიები 12 და 14-სართულიან შენობებს აღარ სჯერდებიან და მრავალფუნქციური, 35-40-სართულიანი ცათამბჯენების მშენებლობაზე უჭირავთ თვალი. მათი აგება, ძირითადად, ცენტრალურ უბნებში იგეგმება. უზარმაზარი შენობებით გამწვანებული ადგილების ჩანაცვლებას, თბილისელებთან ერთად, პარტიზანული მებაღეობაც აპროტესტებს. ისინი სკვერების დაბრუნებას და უკეთესი ეკოლოგიური გარემოს შექმნას ითხოვენ.

ბოლო რამდენიმე თვეა, თბილისში მიწებზე მოთხოვნა გაიზარდა. დეველოპერების ინფორმაციით, რეალიზაცია იმდენად აქტიური გახდა, რომ დიდი მშენებლობებისთვის ფართი, პრაქტიკულად, არ დარჩა. რაც შეეხება მყიდველს, აშკარა უპირატესობა უცხოელებს აქვთ, უფრო კი, ერაყელი, ეგვიპტელი და არაბი ინვესტორები აქტიურობენ. ინტერესი უკრაინელი ბიზნესმენების მხრიდანაც შეიმჩნევა.

"ეროვნული ფორუმის" წევრი და პარლამენტის დეპუტატი ანი მიროტაძე ამბობს, რომ მათ პარტიას კოალიციიდან შესაძლო გამოსვლის შესახებ გადაწყვეტილება რამოდენიმე თვით ადრე უკვე მიღებული ჰქონდა. მისი თქმით, პარტიამ უმრავლესობა იმიტომ დატოვა, რომ არჩევნებისთვის მოსამზადებელი დრო და რესურსი სჭირდება.

ქართული ჟურნალისტიკის ისტორიასა და მის განვლილ გზაზე ბევრი დაწერილა და მომავალშიც ბევრი დაიწერება, მაგრამ დღევანდელ სტატიაში გვინდა მკითხველს რამდენიმე საინტერისო მასალა შევთავაზოთ, თუ როგორ ხდებოდა უცხოეთში გამოცემული ქართული ჟურნალ-გაზეთების გავრცელება საქართველოში. ამ მასალების მოძიებაში კი დაგვეხმარნენ პარლამენტის ეროვნული ბიბლიოთეკის თანამშრომლები.

გაიმართა ჩემპიონთა ლიგის მეოთხედფინალური ეტაპის პირველი შეხვედრები. საკმაოდ გაუჭირდა კატალონიურ "ბარსელონას", რომელმაც საკუთარ მოედანზე, "ნოუ კამპზე", მიუხედავად ერთსაათიანი რიცხობრივი უპირატესობისა, ძლივს მოუგო მადრიდის "ატლეტიკოს" 2:1.

მთავრობის შემადგენლობაში ცვლილებები ზაფხულამდე მოსალოდნელი არ არის. პრემიერი კვირიკაშვილი სამთავრობო ცვლილების პირველ ეტაპს ივლისში გეგმავს, საგაზაფხულო სესიის დასრულების შემდეგ, მეორე ეტაპი კი არჩევნებამდე 40 დღით ადრე, აგვისტოს ბოლოსაა გათვლილი და თუკი რამე გაუთვალისწინებელი არ მოხდა, ყველაფერი ამ გეგმის შესაბამისად უნდა წავიდეს. ეს ინფორმაცია "რეზონანსს" პარლამენტში თავისმა წყარომ შეატყობინა.ის, რომ მინიმუმ ერთ თვეში მთავრობაში ცვლილებები არ იგეგემება, დაადასტურა ფრაქცია "ქართული ოცნების" თავმჯდომარე გია ვოლსკიმ, თუმცა როდის შესაძლოა მოხდეს ეს, ამაზე არ უსაუბრია.