ფრაქცია "ქართული ოცნების" თავმჯდომარე გია ვოლსკი აცხადებს, რომ რესპუბლიკური პარტიის მისამართით მის მიერ გაკეთებული განცხადებების შინაარსი კონტექსტიდან იყო ამოღებული. ამბობს, რომ არსი ამ განცხადებისა სულ სხვა რამეში მდგომარეობდა და მიზნად "რესპუბლიკელების" გამოყოფას ან კრიტიკას არ ისახავდა. ფრაქციის თავმჯდომარე მიიჩნევს, რომ დეპუტატებმა ერთმანეთის მისამართით თავშეკავებულად უნდა ისაუბრონ, თუმცა ამასთანავე ამბობს, რომ მიუხედავად ამისა, მკაცრი განცხადებები სახელმწიფო პოლიტიკაზე გავლენას არ ახდენს.

ტელეკომპანია "მაესტროს" გარშემო ატეხილი აჟიოტაჟი ნელ-ნელა ცხრება - არხის დამფუძნებლები მაკა ასათიანი და გია გაჩეჩილაძე მოლაპარაკებებს აგრძელებენ, მანამდე კი ტელეკომპანია ჩვეულ რეჟიმში აგრძელებს მუშაობას.

"რესპუბლიკური პარტიის" წევრი დავით ზურაბიშვილი აცხადებს, რომ უახლოეს დღეებში საზოგადოებისთვის ცნობილი გახდება, პარტია კოალიციას დატოვებს თუ დარჩება. მათ კონკრეტული გადაწყვეტილება უკვე მიღებული აქვთ და ზუსტად იციან, მომავალ არჩევნებში როგორ და რა ფორმით წარსდგებიან.

ზუგდიდის რაიონის სოფელ დარჩელიდან 18 წლის გოგონა სამმა უცნობმა პირმა გაიტაცა. რამდენიმედღიანი უშედეგო ძებნის შემდეგ, ახალგაზრდა ქალი საკუთარმა ოჯახის წევრებმა, ზუგდიდის ერთ-ერთ მიტოვებულ სახლში სასტიკად ნაწამები იპოვეს.

დასავლეთ საქართველოში უამინდობამ ხეხილის ბაღები თითქმის გაანადგურა. რამდენიმე რეგიონში პრობლემა შეექმნა ტყემალს, ალუჩას, ატამსა და თხილსაც კი, რაც სამომავლოდ მოსავლიანობაზე აუცილებლად იმოქმედებს. საფრთხეზე საუბრობენ როგორც სპეციალისტები, ასევე გლეხები და ადგილობრივი მუნიციპალიტეტების წარმომადგენლები. მათი ინფორმაციით, წვიმისა და ქარისგან ხილს ყვავილი არ შერჩა.

ჯანდაცვის სამინისტრომ სასწრაფოს გამოძახების სისტემის სრულყოფილად ამოქმედება ვერ მოახერხა. ამაზე მეტყველებს უკმაყოფილო ხალხის კომენტარები, აუდიტის რეკომენდაცია და 112-ში გაკეთებული განცხადება, სადაც განგვიმარტეს, რომ პრიორიტეტები ბრიგადის გასვლისას განსაზღვრულია, თუმცა რამდენ ხანში მივა სასწრაფო დანიშნულების ადგილზე, ეს სხვადასხვა ფაქტორზეა დამოკიდებული.

ნავთობზე საერთაშორისო ფასების ზრდისა და რუბლის გამყარების მიუხედავად, რუსეთის ეკონომიკური ზრდის მაჩვენებლები ისევ ნეგატიურია. საერთაშორისო ორგანიზაციების პროგნოზით, წელს რუსეთის მშპ-ის ვარდნა გარდაუვალი იქნება და ის იმაზე მეტად დაეცემა, ვიდრე 2015 წლის დეკემბერში ვარაუდობდნენ. ეკონომიკის განვითარების ოპტიმისტურ სცენარზე უარი რუსეთის ცენტრალურმა ბანკმაც თქვა. ისინი ვარაუდობენ, რომ წლეულს მშპ შესაძლოა, 3%-ითაც კი შემცირდეს.

ლარის ახალი ბანკნოტები მიმოქცევაში გამოსვლისთანავე გააყალბეს. ყალბი 20 და 50-ლარიანები აღმოაჩინეს კახეთში, გურიასა და თბილისში. "რეზონანსი" დაინტერესდა, რამდენად დაცულია ახალი კუპიურები. ეროვნულ ბანკში ამტკიცებენ, რომ გამოყენებულია დაცვის უახლესი საერთაშორისო სტანდარტები. შინაგან საქმეთა სამინისტროში კი აცხადებენ, რომ გამოძიება მიმდინარეობს და დეტალები მოგვიანებით გახდება ცნობილი.

ფერნანდო იერო ყოველთვის გამორჩეული გახლდათ საფეხბურთო წრეებში. "სამეფო კლუბის" კაპიტანი მრავალი წლის განმავლობაში ერთგულად ემსახურებოდა მშობლიურ კლუბს ფეხბურთელის რანგში, ახლა კი მადრიდის "რეალის" მთავარი მწვრთნელის, ზინედინ ზიდანის ასისტენტის რანგში ირჯება. იეროს ანგარიშზეა სამგზის ჩემპიონთა ლიგისა და ხუთგზის პრიმერადივიზიონის მოგება.

"რესპუბლიკელებმა" "ქართულ ოცნებასთან" წინასაარჩევნოდ ვაჭრობა დაიწყეს და რამდენიმე დღეში საზოგადოებას ამცნობენ, თუ რა შედეგი მიიღეს პარტია "ქართულ ოცნებასთან" მოლაპარაკების შემდეგ - რჩებიან კოალიციაში თუარა და რა პირობით.

ქართულ ბაზარზე "იაფი ცხიმებით" გაჯერებული ზეთი და რძის პროდუქტები იყიდება. ე.წ. ტრანს-ცხიმები, რომელთა დღიური ნორმა მსოფლიო ჯანდაცვის ორგანიზაციის რეკომენდაციით 2 გრამს არ უნდა აღემატებოდეს, ქართულ პროდუქტში წარმოუდგენლად დიდია. როგორც სპეციალისტები ამბობენ, ტრანს-ცხიმებით გაჯერებული პროდუქცია ადამიანის ჯანმრთელობისთვის საშიშია და მისი ზედმეტი დოზით მიღება ზრდის გულის კორონალური უკმარისობის განვითარების რისკს.

ხალხს პარლამენტის ყოფილი დეპუტატების შენახვა წელიწადში 4,5 მილიონ ლარზე მეტი უჯდება. "ბიზნეს-რეზონანსის" ინფორმაციით, 560-ლარიან პენსიას 677 დეპუტატის იღებს, მათი რაოდენობა 4 წელიწადში ერთხელ მუდმივად იზრდება. საზოგადოებაში, ხშირად ჩნდება კითხვა და პროტესტი, რატომ უნდა არჩენდეს ხალხი პარლამენტის წევრების დაახლოებით 70%-ს, როდესაც მათ პარლამენტი დასასვენებელი, ხოლო საერთაშორისო ორგანიზაციები "უწესო" ადგილები ჰგონიათ? დეპუტატთა დიდი ნაწილი საპარლამენტო ვადას ისე ასრულებს, რომ საკუთარი ფუნქციაზე საუბარიც კი არ შეუძლია.