"მაესტროს" გენერალური დირექტორი ლევან გაჩეჩილაძე მაკა ასათიანს და კოტე გოგელიას ტელეკომპანიის შენობასთან დაკავშირებით საიჯარო ხელშეკრულების გაგრძელებას სთავაზობს - მანამდე კი არხის უწყვეტი მაუწყებლობის პირობას დებს.

"უმრავლესობა, და მათ შორის მეც, ვფიქრობთ, რომ ოჯახი ქალისა და მამაკაცის ერთობაა და არა სხვა რამ. თუმცა, თუკი ეს საკითხი საზოგადოებაში გარკვეულ შფოთვას იწვევს, სჯობს, ამ თემას რბილად მივუდგეთ და ვითარება არ გავამწვავოთ. არ მგონია, ეს თემა ისეთი პრინციპული საკითხი იყოს, რომ საზოგადოების დაპირისპირებად ღირდეს", - ამბობს "რეზონანსთან" საუბრისას პოლიტოლოგი და კონსტიტუციონალისტი ვახტანგ ძაბირაძე.

საქართველოს საბაჟო-გამშვებ პუნქტებზე ისევ პრობლემებია. გადამზიდავი კომპანიების წარმომადგენლები ამბობენ, რომ გაურკვეველი ხასიათის პროცედურულ შეფრხებას სწორედ ქართველი მებაჟეები უქმნიან. შემოსავლების სამსახურში კი ირწმუნებიან, რომ საზღვარზე დაბრკოლება არა საქართველოს, არამედ აზერბაიჯანული საბაჟოს მიზეზით წარმოიშობა.

ქვეყანაში არსებული პოლიტიკური ვითარება, სამხედრო ექსპერტ ვახტანგ მაისაიას თქმით, ნატოში ინტეგრაციის შანსებს ამცირებს. შესაბამისად, იგი არ გამორიცხავს, რომ სწორედ ამას უკავშირდებოდეს ვარშავის სამიტზე მაპ-ის მიღებასთან დაკავშირებით ცივი უარი, რაც ბოლო დროს ალიანსის ხელმძღვანელობისაგან მოვისმინეთ.

სსიპ „ტექნოლოგიური განვითარების ფონდის“ სასწავლო ცენტრში (მისამართი: კოსტავას #33ა) პროექტის "პროფესიულისამყარო" 2016 წლისმესამე ნაკადისთვისტრენინგიმიმდინარეობს. დედაქალაქის სტუდენტთა უფასო სწავლება მარტის შუა რიცხვებამდე გასტანს.

გუშინ სამხრეთამერიკული ტურნედან დაბრუნდნენ 20 წლამდე "ბორჯღალოსნები". 16 თებერვლიდან 4 მარტის ჩათვლით უმცროსმა "ბორჯღალოსნებმა" 4 მატჩიანი სერია გამართეს არგენტინასა და ურუგვაიში.

რუსული მედია კიდევ ერთხელ ალაპარაკდა რუსეთისა და საქართველოს პირველი პირების შესაძლო შეხვედრაზე. არაოფიციალური ინფორმაციით, ეს საკითხი შესაძლოა, მომავალ კვირას პრაღაში რუსეთის საგარეო საქმეთა მინისტრის მოადგილე გრიგორი კარასინისა და რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის შეხვედრისას განიხილონ.

კულტურისა და ძეგლთა დაცვის მინისტრ მიხეილ გიორგაძის განცხადებით, მიუხედავად სამუშაო პროცესში ქართველი სპეციალისტების ნაკლები ჩართულობისა, თურქეთის ტერიტორიაზე მდებარე ქართული ისტორიული ძეგლის - იშხნის მონასტრის რეაბილიტაცია წარმატებით დასრულდა. მისივე თქმით, ქართველმა სპეციალისტებმა ძეგლზე შესრულებული სამუშაოები, როგორც სამშენებლო, ისე კედლის მხატვრობის ნაწილში, დადებითად შეაფასეს, თუმცა, ძეგლზე ჩატარებული სამუშაოების რევიზია კიდევ ერთხელ მოხდება, რაზეც, მინისტრის განცხადებით, თურქულ მხარესთან შეთანხმება პრაქტიკულად მიღწეულია.

უახლოეს მომავალში პრემიერ-მინისტრმა გიორგი კვირიკაშვილმა შესაძლოა, პირველი სამთავრობო ცვლილებები განახორციელოს. "მთელი კვირის" ინფორმაციით, საგარეო საქმეთა მინისტრად დავით ზალკალიანი, ეკონომიკის მინისტრად მიხეილ ჯანელიძე და ფინანსთა მინისტრად დიმიტრი ქუმსიშვილი ინიშნებიან. ასევე შესაძლოა, შს მინისტრად ანზორ ჩუბინიძე დაინიშნოს, რომელიც ახლა სახელმწიფო დაცვის სამსახურის უფროსია.

პრემიერ-მინისტრისა და "რესპუბლიკელების" შეხვედრის დასრულების შემდეგ, დავით უსუფაშვილმა "ქართული ოცნებისა" და მათ ორმხრივ შეთანხმებაზე გააკეთა განცხადება. თუმცა "ოცნება" და "რესპუბლიკელები" კონკრეტულად რაზე აპირებენ შეთანხმებას ჯერჯერობით უცნობია.

საქართველოს მცოცავი ანექსია გრძელდება და ახალ ფაზაში გადადის. გასული კვირის ბოლოს, სპეციალურმა კომისიამ რატიფიცირება გაუკეთა შეთანხმებას სასაზღვრო ზოლის შესახებ რუსეთის ფედერაციასა და საქართველოს ოკუპირებულ ტერიტორიას, ცხინვალის არაღიარებულ რესპუბლიკას შორის. შეთანხმება უკვე გადაეგზავნა პრეზიდენტ პუტინს ხელმოსაწერად, რის შემდეგაც იგი ძალაში შევა და რუსეთისა და ცხინვალის რეგიონის საზღვარი "ოფიციალურად" განისაზღვრება.

ანდრო ბარნოვის ხმაურიან განცხადებას "ნაცმოძრაობიდან" მისი წასვლის მიზეზებზე პარტიაში უინტერესოს უწოდებენ და აცხადებენ, რომ არც თავად ბარნოვის მიმართ აქვთ რაიმე ინტერესი. მათგან განსხვავებით, ბარნოვის კარგად ესმით "ნაცმოძრაობიდან" ცოტა ხნის წინ გამოყოფილი "გირჩის" წევრებს. ისინი ადასტურებენ, რომ პარტიაში მართლაც ისეთი მდგომარეობაა, როგორიც ეს თავის განცხადებაში ბარნოვმა აღწერა.