გაზის მაღალი ფასი საქართველოში წარმოების განვითარებას მკვეთრად აფერხებს. პრობლემა აქვს თითქმის ყველა საწარმოს, რომელიც ბუნებრივი აირის მსხვილი მომხმარებელია. მწარმოებლები ფიქრობენ, რომ ქვეყანაში გაზის ბუნებრივი აირი არაადეკვატურად ძვირია და ამ პირობებში საწარმოო საქმიანობა აზრს კარგავს.

საერთაშორისო ბაზარზე ნავთობი ძვირდება. ნავთობმომპოვებელი ქვეყნების ინიციატივამ მოპოვების "გაყინვაზე" პირველი შედეგი უკვე გამოიღო. მარტის შუა რიცხვებში "დიდი მენავთობეების" შეხვედრა იგეგმება, სადაც ნავთობის ფასის ბედი საბოლოოდ გადაწყდება.

იტალიურმა ავიაგიგანტმა "ალ-იტალიამ" საქართველოს ავიაბაზარი დატოვა, ბელარუსის ავიაკომპანია "ბელავიამ" ქუთაისიდან მინსკის მიმართულებით ფრენა შეაჩერა. ასევე შეამცირა თბილისის აეროპორტიდან ე.წ. ბორტის მოცულობა (127-დან 50-100-მდე ჩამოვიდა). ფინანსური ზარალი განიცადა ქართულმა ავიაკომპანია "აირზენამ". კომპანიამ ევროპასა და რუსეთში რამდენიმე მიმართულებით ფრენა შეაჩერა. სპეციალისტების, ნაწილი კომპანიების მუშაობის შესუსტებას დაბალბიუჯეტიანი ავიაკომპანიების გააქტიურებით და რუსული "აეროფლოტის" დემპინგით ხსნის.

28 თებერვალს აშშ-ის რესპუბლიკური პარტიის კლუბ "ქუინს ვილიჯში" Lincoln Dinner-ის სახელით ცნობილ საზეიმო ღონისძიებაზე ქართულ-ამერიკული "ასოციაცია თვისტომის" ხელმძღვანელმა, ექიმმა ნიკოლოზ ჩხეიძემ ორგანიზაციის განვითარებაში შეტანილი წვლილისთვის საპატიო ჯილდო და წლის ბიზნესმენის წოდება მიიღო.

მზის სხივებს სარგებელთან ერთად, ზიანის მოტანა რომ შეუძლია, ამის შესახებ ბევრმა არ იცის. კერძოდ ის, თუ რამდენად მავნებელია მზის ულტრაიისფერი სხივები თვალებისთვის და მხედველობისთვის. მზის სხივებს შეუძლია გამოიწვიოს თვალის როგორც გარე, ზედაპირული, ასევე ღრმა დაზიანება და პრობლემები.

სსიპ "ტექნოლოგიური განვითარების ფონდში" პროექტის "თბილისის საუნივერსიტეტო კლასტერი" ფარგლებში, ჰოლანდიის ქალაქ როტერდამის ერასმუსის უნივერსიტეტის წარმომადგენლები ტგფ-ის უფროსის მოადგილემ შოთა საღრიშვილმა და ინოვაციების ტექნოლოგიური განვითარების სამსახურის მთავარმა სპეციალისტმა ნინა სამარგულიანმა მიიღეს.

კატალონიის "ბარსელონას" ყოფილი ნახევარმცველი ხავი ერნანდესი, რომელმაც ყატარის "ალ-სადთან" გააფორმა სამწლიანი კონტრაქტი, აქტიურად ადევნებს თვალს თავისი ყოფილი გუნდის თამაშს. ეს არცაა გასაკვირი - ესპანური ფეხბურთის ლეგენდა ხომ კატალონიურ გრანდში 1998 წლიდან თამაშობდა და ამ ხნის განმავლობაში 751 მატჩი მიითვალა.

სტრასბურგის სასამართლოს მოსამართლეობის მსურველთა ხუთეულში საკონსტიტუციო სასამართლოს თავმჯდომარე გიორგი პაპუაშვილი ვერ მოხვდა. ეს უკანასკნელი სამთავრობო კომისიის გადაწყვეტილებას პოლიტიკურად მოტივირებულს უწოდებს. ამის საპასუხოდ იუსტიციის სამინისტრომ სამთავრობო კომისიის თითოეული წევრის მიერ პაპუაშვილისათვის მიკუთვნებული ქულები გამოაქვეყნა.

ქართულ ჯარში ღრმა სტრუქტურული მოდერნიზება მიმდინარეობს. 27 თებერვალს ჩატარებულ უშიშროების საბჭოს სხდომაზე მიიღეს გადაწყვეტილება ორი - დასავლეთის და აღმოსავლეთის - ოპერატიული სარდლობის შექმნის შესახებ.

"თავისუფალი დემოკრატების" გენერალურ მდივანზე, ალექსი პეტრიაშვილზე თავდასხმის საქმე, შესაძლოა, გადაკვალიფიცირდეს. რაც შეეხება მოტივს, ამის შესახებ ჯერჯერობით ოფიციალური ინფორმაცია არ ვრცელდება და არც დაზარალებულის თანაპარტიელებს სურთ ამაზე საუბარი.

ჭელა, მოხე და ახლა უკვე სოფელი ადიგენი - ბოლო წლების განმავლობაში ადიგენის რაიონში რელიგიურ ნიადაგზე მუსლიმებსა და ქრისტიანებს შორის დაპირისპირება უკვე მესამედ ხდება. ამჟამად ადგილობრივი ქრისტიანები სოფელში მუსლიმებისთვის სასაფლაოს ადგილის გამოყოფას ეწინააღმდეგებიან და აცხადებენ, "დღეს სასაფლაოს გახსნიან, ხვალ მეჩეთს მოითხოვენ"-ო.

ადიგენში მომხდარ დაპირისპირებაში პოლიტოლოგი და კონფლიქტოლოგი მამუკა არეშიძე ადგილობრივ ხელისუფლებას ადანაშაულებს და ამბობს, რომ მას პრობლემა ჩანასახშივე უნდა მოესპო და ამგვარი განვითარების საშუალება აღარ უნდა მიეცა.