აბაშიძე-კარასინის შეხვედრის შემდეგ რუსეთმა კიდევ ერთი პროვოკაციული მესიჯი შემოაგდო - ის, რომ საქართველოს მოქალაქეებისათვის რუსეთის ვიზების გაუქმებას ხსაქართველოსა და რუსეთს შორის დიპლომატიური კავშირის არქონა აფერხებს.

ცხინვალის მოსახლეობაში პანიკაა, რომელიც სოციალური ქსელით გავრცელებულმა ინფორმაციამ გამოიწვია. ადგილობრივი მცხოვრებლები წერენ, რომ მათ ქალაქის ტერიტორიაზე უცნობი პირები შენიშნეს და ეჭვობენ, რომ ისინი "ისლამური სახელმწიფოს" წევრები არიან და ტერაქტების მოწყობას გეგმავენ.

დედაქალაქის 2016 წლის ბიუჯეტის ბედი ახლა იმ შენიშვნებზეა დამოკიდებული, რომელიც საკრებულოს დეპუტატებმა გუშინ მერიის მიერ წარმოდგენილ პროექტში შეიტანეს. უმრავლესობაც და უმცირესობაც მისთვის მხარის დაჭერას იმ შემთხვევაში აპირებს, თუკი მერია მათ გაითვალისწინებს. წინააღმდეგ შემთხვევაში, არ გამორიცხავენ, რომ ბიუჯეტის პროექტი მეორედაც დაიწუნონ.

საქართველოში დირექტორთა 68%-ს სკოლის ადმინისტრირების კომპონენტი მას მერე აქვს შესწავლილი, რაც დირექტორის პოსტზე დაინიშნა. ამის შესახებ ეფდშთ-ის სწავლებისა და სწავლის საერთაშორისო კვლევებით გახდა ცნობილი. ამავე კვლევებით ირკვევა, რომ ასეთივე სურათია სასწავლო პროცესის მართვის კომპონენტთან დაკავშირებითაც და ქართველი დირექტორების მხოლოდ 19%-ს აქვს ნასწავლი სასწავლო პროცესის მართვა თანამდებობის დაკავებამდე.

ხორცპროდუქტების ეტიკეტირების წესი მკაცრდება. მეწარმეების ვარაუდით, ეტიკეტზე შემადგენლობის ზუსტი მითითება რეალიზაციას გააუმჯობესებს, რადგან მომხმარებელს არჩევანის მეტი შესაძლებლობა ექნება. ახალი ვალდებულების შემოღებას მწარმოებელთა უმეტესობა ერთსულოვნად უჭერს მხარს.

ენერგეტიკის მინისტრი ელექტროენერგიის ტარიფების გაიაფებას ან გაძვირებას აღარ ელის. კახა კალაძე ამბობს, რომ მთავრობამ გადასახადი დაპირებისამებრ შეამცირა, თუმცა, ლარის დევალვაციის გამო, მისი ძველ ნიშნულზე დაბრუნება გარდაუვალი გახდა. სინამდვილეში, მოსახლეობა ელექტროენერგიაში უფრო მეტს იხდის, ვიდრე წინა ხელისუფლების დროს.

მცირე ბიზნესის განვითარების აუცილებლობა ყველას კარგად ესმის. მისი უმთავრესი მიზანი ხალხის დასაქმება. ამ სფეროში საქმიანობენ ინდმეწარმეები, სხვადასხვა ფიზიკური პირები და ხალხსაც შემოსავლის წყარო უჩნდება. მიუხედავად ტოტალური უმუშევრობისა, საქართველოში მცირე და საშუალო ბიზნესი ნელი ტემპით ვითარდება. მის ამგვარ განვითარებას საქართველოში შექმნილი ეკონომიკური მდგომარეობაც ემატება.

მთელი კვირის განმავლობაში მსოფლიოს სავალუტო ბირჟებზე ქაოსური მოძრაობა შეინიშნებოდა. ანალიტიკოსები ამ ფაქტს 2 მიზეზით ხსნიან. ერთია ბოლოდროინდელი მასშტაბური ტერორისტული აქტები და ტერორისტების მუქარა ცივილიზებული სამყაროს მიმართ, ხოლო მეორე ამერიკის ფედერალურ სარეზერვო სისტემაში გაკეთებული განცხადებები, სადაც აღნიშნულია, რომ შეიძლება დეკემბერში საპროცენტო განაკვეთი გაიზარდოს. პარალელურად გაიაფებას განაგრძობს ნავთობი და მის მინიმალურ ფასად 2016 წელს 35 დოლარი სახელდება.

როჩესტერის უნივერსიტეტის მეცნიერებმა აღმოაჩინეს მიზეზი, რატომ სჭირდება ჩვენს ტვინს ძილი კარგი ფუნქციონირებისათვის. აღმოჩნდა, რომ როცა ჩვენ გვძინავს, ტვინს აქვს დრო, თავი დღის განმავლობაში დაგროვილი ზედმეტი ინფორმაციისაგან გაასუფთავოს.

პარიზში მომხდარი ტერაქტის მიუხედავად, 21 ნოემბერს ესპანეთში "ელ კლასიკო" არ გადაიდება. ეს გადაწყვეტილება ესპანეთის მთავრობამ მიიღო.

შესაძლებლობების გაზვიადება თუ რეალური საფრთხე - "ისლამური სახელმწიფოს" ახალი მუქარის შემცველ ვიდეორგოლებს ქართველი სპეციალისტები აფასებენ და ამბობენ, რომ უდიდესი და უმდიდრესი ტერორისტული ორგანიზაციის რესურსის ამოწურვამდე ჯერ შორია.

პირველი მოადგილეობიდან მთავარ პროკურორობამდე - საპროკურორო საბჭომ გიორგი ბადაშვილის შემცვლელად ირაკლი შოთაძის კანდიდატურა შეარჩია. ფარული კენჭისყრის შედეგად 14 წევრიდან შოთაძის კანდიდატურას 13-მა წევრმა დაუჭირა მხარი. ახლა მისი ბედი პარლამენტმა უნდა გადაწყვიტოს და მერე უკვე ოფიციალურად შეუდგება საქმიანობას.