მძღოლი, რომელიც ქვეითს ზებრა გადასასვლელზე გზას არ დაუთმობს, 20 ლარით ჯარიმდება. ამის შესახებ საზოგადოებისთვის ახლახან გახდა ცნობილი. შინაგან საქმეთა სამინისტროში აცხადებენ, რომ მძღოლის მხრიდან ქვეითისთვის გზის არდათმობას კამერები არ აფიქსირებს და აღნიშნული დარღვევის შემჩნევა და შესაბამისად, დაჯარიმებაც საპატრულო პოლიციას ეკისრება.

"რუსთავი 2"-თან დაკავშირებით მოვლენები სამართლებრივად ისე ვითარდება, რომ თავი და ბოლოს გარჩევა გამოცდილ იურისტებსაც უჭირთ. საკონსტიტუციო სასამართლოს გუშინდელი გადაწყვეტილებით, იმ სამართლებრივი ნორმის მოქმედება, რომელსაც მოსამართლე თამაზ ურთმელიძის 5 ნოემბრის განჩინება ეყრდნობა, შეჩერებულია და "რუსთავი 2"-ის უფლებააღდგენილი გენდირექტორი ნიკა გვარამია აცხადებს, რომ "დღეს ჩვენ გავიმარჯვეთ და ვზეიმობთ".

პარლამენტში ძველი და ახალი ბიუჯეტების პროექტები ერთმანეთს ენაცვლება. ეკონომიკური ზრდის არასწორმა პროგნოზებმა საბიუჯეტო ქაოსი შექმნა. ფინანსთა სამინისტრო ივნისში შემცირებული საგადასახადო შემოსავლების გეგმას ნოემბერში ისევ ზრდის. ჯერ კიდევ არ არის გადაწყვეტილი 2016 წლის შემოსულობების საპროგნოზო მაჩვენებელი და შესაბამისად, საზოგადოებისთვის ყველაზე საინტერესო თემა, პენსიის გაზრდა.

საქართველოს ფარმაცევტული ბაზრის თითქმის 70% ჯენერიკ მედიკამენტებს უკავია, თუმცა მიუხედავად ამისა, ქვეყანაში წამლების ფასი თითქმის ყოველკვარტალურად იზრდება. ჯანდაცვის მინისტრის მოლოდინიც, რომ ჯენერიკების იმპორტის ზრდა წამლებს მნიშვნელოვნად გააიაფებდა, არ გამართლდა. სპეციალისტების ამბობენ, რომ მედიკამენტები გაიაფება მხოლოდ მას შემდეგ მოხდება, რაც ქვეყანა მსოფლიო ჯანდაცვის ორგანიზაციის მითითებას გაითვალისწინებს. ორგანიზაციის სპეცბაზაში შეყვანილი მედიკამენტები ბაზარზე მხოლოდ 5%-იანი ნამატით უნდა გაიყიდოს.

დასავლეთ საქართველოში დაფნის ნერგისა და თესლის ფასმა ისტორიულ მაქსიმუმს მიაღწია. შარშანდელთან შედარებით, მისი ღირებულება თითქმის გაორმაგდა, რასაც ადგილობრივი მეწარმეები მოთხოვნის ზრდას უკავშირებენ. სენაკისა და ხობის სანერგე მეურნეობებში ამბობენ, რომ ხალხი მასობრივად ცდილობს დაფნის მოშენებას, რის გამოც ერთხანს ნერგი დეფიციტიც გამხდარა.

კვლევებით დამტკიცებულია, რომ ცურვა ადამიანის სასიცოცხლო ციკლს ახანგრძლივებს. სამხრეთ კაროლინაში 32 წლის მანძილზე მიმდინარეობდა კვლევა, რომელშიც სულ 40,547 ადამიანი გამოიკითხა. კვლევის შედეგად დადგინდა, რომ იმ ადამიანების სიცოცხლის საშუალო ხანგრძლივობა, რომლებიც სისტემატურად ცურავენ, უფრო მაღალია, ვიდრე მათი, ვინც სისტემატურად დარბის, ხშირად სეირნობს სუფთა ჰაერზე, ან საერთოდ არ ვარჯიშობს.

"რეალის" ფორვარდი კრიშტიანუ რონალდუ ლონდონში ერთ-ერთ კინოთეატრში დოკუმენტური ფილმის პრემიერას დაესწრო. პრემიერას მისი ყოფილი მწვრთნელები სერ ალექს ფეგიუსონი, ჟოზე მაურინიო და კარლო ანჩელოტიც ესწრებოდნენ. პორტუგალიელმა ვარსკვლავმა ჟურნალისტებთან "სევილიასთან" მარცხზე და ჟოზე მაურინიოს მდგომარეობაზე ისაუბრა.

ისლამისტების მორიგი მუქარა კავკასიას - "ისლამური სახელმწიფო" რუსეთს ვიდეორგოლს უგზავნის და კავკასიის დაბრუნებით იმუქრება. პოლიტოლოგები ამას შეუძლებლად მიიჩნევენ, რადგან, მათი აზრით, "ისლამურ სახელმწიფოს" ამჟამად მეორე ფრონტის გახსნისათვის საკმარისი რესურსი არ გააჩნია და მის მთავარ საზრუნავად მოპოვებული ტერიტორიების შენარჩუნებას ასახელებენ.

საქართველო ისედაც იღებს სირიელ ლტოლვილებს, მათი რიცხვის ზრდა კი ქვეყანას სერიოზული რისკების წინაშე დააყენებს - ასე პასუხობენ ქართველი სპეციალისტები ევროპარლამენტის დეპუტატის განცხადებას იმის შესახებ, რომ საქართველომ "შესაძლოა, სირიელი მიგრანტები მიიღოს".

"ერთი წამით ეჭვიც არ შემპარვია, რომ ეს ხალხი იძულებით ყოფილიყვნენ დანიშნულები. მოსამართლის გადაწყვეტილებას თავის დროზე დვალიც და საყევარიშვილიც დასთანხმდნენ, მათ სურთ, პროცესი ისე წარიმართოს, რომ ზედმეტი გართულებები არ იყოს.

"რუსთავი 2"-ის გარშემო ატეხილმა აჟიოტაჟმა საფრთხე შეუქმნა ევროპასთან ვიზალიბერალიზაციას, მაგრამ არა მგონია, ეს გახდეს საფუძველი უარის თქმის. ვიცით, რომ ევროკომისიას პოზიტიური, დადებითი დასკვნა ექნება.

გალის რაიონიდან ქართველი მოსახლეობის მიგრაცია დაიწყო, ამის მიზეზი კი გალის ქართულ სკოლებში რუსულად სწავლის შემოღება გახდა. ოჯახები იძულებულები არიან, თავიანთი სახლკარი დატოვონ და შვილები ენგურს აქეთ, ზუგდიდის რაიონში, ან საქართველოს სხვა რეგიონების ქართულ სკოლაში გადმოიყვანონ.