2016 წლის სექტემბრიდან პენსიის 20-ლარით გაზრდის შესაძლებლობა არსებობს. ამისათვის მომავალ ბიუჯეტში 57 მილიონამდე ლარის გამოძებნა იქნება საჭირო. პენსიის გაზრდის სურვილ მთავრობასა და საპარლამენტო უმრავლესობაში უკვე გამოთქვეს. მით უმეტეს, რომ 2016 წლის არჩევნებისთვის რეიტინგდაკარგულ "ქართული ოცნებას" ამომრჩეველთა გულის მოგება ესაჭიროება.

ეგვიპტის საგზურებზე მოთხოვნა ერთ კვირაში 25-30%-ით შემცირდა. ტურისტულ კომპანიებში აცხადებენ, რომ რამდენიმე შეკვეთა გაუუქმდათ. დამსვენებლების არცთუ მცირე ნაწილმა კი ეგვიპტეში მოგზაურობაზე უარი თქვა. შესაძლოა, ქართველმა ტურისტებმა მომავალში მეტი სიფრთხილე გამოიჩინონ, რამდენადაც ავიაკასასტროფას სულ ახლახან ტერაქტის კვალიფიკაცია მიენიჭა.

ცოტა ხნის წინ 140 მლნ ლარით შემცირებული საბიუჯეტო ხარჯი ახლა 120 მლნ ლარით იზრდება. ფინანსთა მინისტრმა მთავრობას 2015 წლის მთავარი ფინანსური დოკუმენტის კორექტირების თხოვნით უკვე მიმართა. ნოდარ ხადურმა მიზეზად ეკონომიკური ზრდის მაჩვენებლი და გადასახადების მობილიზების ტენდენცია დაასახელა. გაზრდილი ბიუჯეტიდან 96 მლნ ჯანდაცვის სამინისტროს დაემატება.

ზამთრის საბურავებზე მოთხოვნა, შარშანდელთან შედარებით, ნაკლებია. იმპორტიორებისა და მოვაჭრეების ინფორმაციით, თითქმის ყველა დასახელებისა და კატეგორიის საბურავების გაყიდვა 15-20%-ით შემცირდა. რაც შეეხება ფასს, როგორც ახალი, ასევე მეორადი საბურავების ღირებულება, დაახლოებით, 5-10%-ის ფარგლებშია მომატებული. იმპორტიორთა თქმით, საბურავების გაძვირება ლარის გაუასურების გამო მოხდა. ისინი იმედოვნებენ, რომ მომხმარებელი საბურავების აქტიურად ყიდვას ნოემბრის ბოლოდან შეეცდება და რეალიზაცია გაუმჯობესდება.

"საზოგადოება შეცდომაში არ უნდა შევიდეს. არავინ ერჩის გამოხატვის თავისუფლებას ამ ქვეყანაში და მითუმეტეს ხელისუფლება. ჩვენი მიზანია, რომ ნამდვილად იყოს პლურალისტური მედია და არავინ არის საკუთარი თავის მტერი, რომ ძალადობრივი მეთოდები გამოიყენოს და ეჭვქვეშ დააყენოს ჩვენი ქვეყნის რეპუტაცია, ეს გამორიცხულია", - აცხადებს პარლამენტის ვიცე-სპიკერი მანანა კობახიძე "მთელ კვირასთან" საუბრისას.

"რუსთავი 2"-ის შენობაში შევარდნა და ნიკა გვარამიას ძალით გამოყვანა არ მოხდება, მაგრამ დავით დვალი და რევაზ საყევარიშვილი დროებით მმართველობას დაუყოვნებლივ მაინც შეუდგებიან, ოღონდ არა შენობაში შესვლით, არამედ გარედან, დისტანციურად.

ურთიერთობის გაფუჭება აშშ-სთან და, შესაბამისად, უსაფრთხოების გარანტიებთან გამომშვიდობება, ვიზალიბერალიზაციის მიღების შანსის დაკარგვა, ევროკავშირში ინტეგრაციის შეფერხება - სწორედ ამას ელიან სპეციალისტები "რუსთავი 2"-ის გარშემო შექმნილი სიტუაციის გამო. მათი თქმით, მიუხედავად ხელისუფლების მტკიცებისა, რომ დავა მხოლოდ და მხოლოდ კერძო მესაკუთრეებს შორის მიმდინარეობს, შეუძლებელია, ამ საქმემ პოლიტიკურ საკითხებზე გავლენა არ იქონიოს.

ტელეკომპანია "რუსთავი 2"-ის საქმე ბოლო დღეებში საქართველოს ხელისუფლებასა და დასავლელ მოკავშირეებს შორის გარკვეული დებატების საფუძველი გახდა. ხოლო ის გარემოება, რომ ეს დებატები საჯაროდ და საკმაოდ მწვავე ფორმებში მიმდინარეობს, საზოგადოებაში, რომელსაც დასავლური არჩევანი ჩვენი ქვეყნისათვის სასიცოცხლოდ მნიშვნელოვნად მიაჩნია, ბუნებრივ შეშფოთებას აჩენს.

მოსამართლე თამაზ ურთმელიძის გადაწყვეტილებამ, რომლითაც "რუსთავი 2"-ის გენერალურ დირექტორ ნიკა გვარამიასა და ფინანსურ დირექტორ კახა დამენიას უფლებამოსილება შეუჩერდათ, საზოგადოების ნაწილში გარკვეული ეჭვები და კითხვები გააჩინა. გაჩნდა კითხვაც, თუ რამდენად ნეიტრალური მმართველები იქნებიან რეზო საყევარიშვილი, რომელიც ტელეკომპანია "იმედის" ყოფილი დირექტორია და დავით დვალი, რომელიც "რუსთვი 2"-ის ერთ-ერთი დამფუძნებელი და მეწილე იყო.

საპარლამენტო უმრავლესობის წევრი გუგული მაღრაძე აცხადებს, რომ აშშ-ის ელჩს ობიექტურ ინფორმაციას არ აწვდიან. როგორც მან "მთელ კვირასთან" ინტერვიუში განაცხადა, ელჩთან "ქართულ ოცნებას" კომუნიკაციის ნაკლებობა აქვს. ხოლო "ნაციონალური მოძრაობა" თავის კონტაქტებს და ნაცნობობას იმისთვის იყენებს, რომ ელჩს არასწორი და სათავისოდ სასურველი ინფორმაცია მიაწოდონ.

"კითხვები შეიძლება ბევრი გაჩნდეს, მაგრამ ვერ ვიტყვი, რომ აქ ხელისუფლების კვალს ვხედავ. მაგრამ ვერც იმას ვიტყვი, რომ ეს მხოლოდ ორი პირის დავაა. ეს გასცდა მხოლოდ ორი პირის დავას და მაღალი საზოგადოებრივი ინტერესის სფეროს განეკუთვნება.

აბიტურიენტებს, მაგისტრობის მსურველებსა და პედაგოგებს მომავალი ზაფხულიდან გამოცდების ნაწილობრივ ელექტრონული ფორმატით ჩაბარება მოუწევთ. როგორც გამოცდებისა და შეფასების ეროვნული ცენტრის დირექტორმა მაია მიმინოშვილმა "მთელ კვირას" განუცხადა, გამოცდების ელექტრონული ფორმატის ტექნიკური აპრობაცია დეკემბრის მეორე ნახევრიდან დაიწყება.