როდის შეუდგებიან "რუსთავი 2"-ის დროებითი მმართველები მუშაობას, ჯერ კიდევ გაურკვეველია. დავით დვალი და რევაზ საყევარიშვილი დუმილს ინარჩუნებენ. ტელევიზია კი სამართლებრივ ვაკუუმშია. უფლებაშეჩერებული გენერალური დირექტორი ნიკა გვარამია შექმნილ ფინანსურ პრობლემებზე საუბრობს და ზარალს ითვლის. ხალვაშის ადვოკატი პაატა სალია კი გამოსავალს დისტანციურ მართვაში ხედავს, თუმცა ისიც მოლოდინის რეჟიმშია.

მალე შავ ზღვაზე პორტების ბუმი იქნება. სპეციალისტებს კი უკვირთ, რისთვის შენდება ამდენი სანაოსნო, როდესაც სრული დატვირთვით არსებული პორტებიც კი ვერ მუშაობენ.

ხუთ წელიწადში გაყინული ძროხის ხორცის იმპორტი 43%-ით, ღორის ხორცის იმპორტი კი 184,2%-ით გაიზარდა. ქვეყანა დაახლოებით 140 ათას ტონამდე ხორცს მოიხმარს. ამ მაჩვენებლების საპირისპიროდ, ხორცის წარმოება დაახლოებით 30%-ით არის შემცირებული.

მსოფლიო თასზე ინგლისში საქართველოს ნაკრების წარმატებულმა გამოსვლამ ახალი მუხტი შესძინა ჩვენს ქვეყანაში რაგბის განვითარებას. განსაკუთრებით მნიშვნელოვანია ინფრასტრუქტურული პროექტები - "ქართუს" დახმარებით მიმდინარეობს სტადიონების მშენებლობა თბილისში, ნუცუბიძის პლატოზე, დიღომში, "ლოკომოტივის" ბაზაზე, თელავში, ბათუმში, გორში. ამასთან, იგეგმება დიღომში რაგბის 25-30 ათასიანი სტადიონის მშენებლობაც.

"პატრიოტთა ალიანსის" გენერალური მდივანი ირმა ინაშვილი, მომხრებთან ერთად, საპროტესტო აქციებს განაგრძობს. ის საგარეჯოში გამართული შუალედური არჩევნების შედეგებს აპროტესტებს და ამბობს, რომ შიმშილობას მანამ არ შეწყვეტს, სანამ მათი მოთხოვნები არ დაკმაყოფილდება.

ისლამურმა ხალიფატმა კავკასიაში კიდევ ერთი ვილაიეთი - გურჯისტანი (საქართველო) დააარსა, რომელიც ქვეყნის ძირითად ტერიტორიას მოიცავს. ამ ინფორმაციას სამხედრო ექსპერტები ავრცელებენ და ამბობენ, რომ უახლოეს დღეებში გავრცელდება ვიდეო, რომელშიც საქართველოდან "ისლამურ სახელმწიფოში" წასული ჯიჰადისტები მიიღებენ მონაწილეობას და ვილაიეთის ხელმძღვანელის ვინაობაც ცნობილი გახდება.

ელექტროენერგიის, წყალმომარაგების, სასარგებლო წიაღისეულის, მობილური კავშირგაბმულობის კომპანიის შემდეგ, რუსული ფული, შესაძლოა, ქართულ ინტერნეტ სივრცეშიც გამოჩნდეს. საუბარია "ვიმპელკომზე", რომელსაც "კავკასუს ონლაინის" ყიდვის სურვილი აქვს, თუმცა კომუნიკაციების მარეგულირებელი კომისიისთვის ჯერჯერობით არ მიუმართავს. "ვიმპელკომის" მიერ "კავკასუსის" შეძენის სურვილს "ბიზნეს-რეზონანსთან" საუბრისას ადასტურებს "კავკასუს ონლაინის" დამფუძნებელი მამია სანადირაძე, რუსულ კომპანიაში კი ამ საკითხზე კომენტარს არ აკეთებენ.

როდის შეუდგებიან ტელეკომპანია "რუსთავი 2"-ის დროებითი მმართველები მუშაობას, ჯერ კიდევ გაურკვეველია. ქიბარ ხალვაშის ადვოკატი პაატა სალია დავით დვალს და რევაზ საყვევარიშვილს კანონის დაცვისკენ მოუწოდებს. "რუსთავი 2"-ის ადვოკატები გადაწყვეტილების გასაჩივრებისთვის ემზადებიან. მანამდე კი ტელეკომპანიის დასაცავად შეიქმნა საინიციატივო ჯგუფი, რომელიც 24-საათიან რეჟიმში დააკვირდება ტელევიზიის გარშემო მიმდინარე პროცესებს.

"კარგად გვახსოვს, საქართველოს ისტორიაში, რა დაემართათ ხელისუფლებებს, რომლებმაც მსგავსი ქმედებები ჩაიდინეს. ესეც აბსოლუტურად ეწერება იმავე სცენარში. უფრო მეტიც, ყველაფერი ხდება ისე, როგორც ხდებოდა "ნაციონალური მოძრაობის" დროს, როდესაც ღამით, უჩუმრად მიდიოდა ქონებების გადაფორმება-წართმევა და ა.შ.

ისრაელის პარლამენტის სპიკერი იული ედელშტეინი საქართველოში ვიზიტის დროს პრეზიდენტს, პრემიერ-მინისტრს, საგარეო საქმეთა მინისტრს, აგრეთვე პატრიარქს შეხვდა. ქნესეთის თავმჯდომარის სამუშაო ვიზიტი რამდენიმე დღე გაგრძელდა და წასვლის წინა დღეს ჟურნალისტებს პრესკონფერენციაზე შეხვდა.

საქართველოს საფეხბურთო ნაკრები 2015 წლის ბოლო ორ შეხვედრას ესტონეთსა და ალბანეთში ჩაატარებს. 11 ნოემბერს ქართველი ფეხბურთელები ტალინში ესტონეთის ეროვნულ გუნდს შეხვდებიან.

გიორგი ქადაგიძე საქართველოს ეროვნულ ბანკში მემკვიდრედ მის ვიცე-პრეზიდენტ არჩილ მესტვირიშვილს დატოვებს. სრულყოფილი, 7-წლიანი ვადით ეროვნული ბანკის ახალ პრეზიდენტს 2017 წლამდე ვერ აირჩევენ. სპეციალისტები არჩილ მესტვირიშვილს მაღალი კვალიფიკაციის მქონე, პროფესიონალ ადამიანად ახასიათებენ, თუმცა, ამასთანავე, აღნიშნავენ, რომ იგი იქნება ქადაგიძის "ინტერესების" გამგრძელებელი.