ოპოზიციური პარტიები საპარლამენტო შუალედურ არჩევნებს ბოიკოტს უცხადებენ. 11 ოპოზიციური პოლიტიკური პარტიის ბოიკოტს გუშინ "ნაციონალური მოძრაობაც" შეურთდა. საპარლამენტო უმცირესობა არჩევნების მაჟორიტარული სისტემის შეცვლას ითხოვს. მათი განცხადებით, ქვეყანაში კრიზისია შექმნილი და ვითარებიდან ერთადერთ გამოსავალს მთავრობის გადადგომა და რიგგარეშე საპარლამენტო არჩევნების დანიშვნა წარმოადგენს.

გრაკლიანის გორაზე არქეოლოგიურმა ექსპედიციამ ახალ აღმოჩენებს მიაკვლია. არქეოლოგიური ექსპედიციის ხელმძღვანელის, პროფესორ ვახტანგ ლიჩელის თქმით, კვლევითი სამუშაოების დროს ობიექტზე ძვ.წ აღ ქ|| საუკუნის ტაძარი, ორი საკურთხეველი და საკურთხევლის ნაწილზე დღემდე უცნობი დამწერლობის ნიმუში აღმოჩნდა, რომელიც არქეოლოგის აზრით, დამწერლობის გამოყენების 2700 წლის ისტორიას ცხადყოფს. ლიჩელი ამბობს, რომ კვლევითი სამუშაოები კიდევ ერთ თვეს გაგრძელდება. იგი არ გამორიცხავს, რომ ძეგლმა შესაძლოა სიახლეები კიდევ გვაჩვენოს.

აფხაზეთის დე ფაქტო მთავრობის ე.წ ჯანდაცვის მინისტრი ანზორ გოოვი აცხადებს, რომ აფხაზებს სერიოზული დემოგრაფიული პრობლემა აწუხებს. ამის შესახებ მან საინფორმაციო სააგენტო "აპსნიპრესისთვის" მიცემულ ინტერვიუში იასუბრა.

13 ივნისს სტიქიის შედეგად დაზიანებული წყნეთი-ბეთანიის გზის აღდგენითი სამუშაოების დაწყებას მერია უახლოეს დღეებში გეგმავს. კეთილმოწყობის საქალაქო სამსახურმა პირველადი გაწმენდა უკვე ჩაატარა. ახლა იგეგმება ტერიტორიის გასუფთავება, რომ შესაბამის ტექნიკას საშუალება ჰქონდეს მიუახლოვდეს ადგილს და დაიწყოს აღდგენითი სამუშაოები.

საყოველთაო ჯანდაცვის პროგრამის ამოქმედების შემდეგ, მოსახლეობის გარკვეულმა ნაწილმა კერძო დაზღვევაზე უარი თქვა და საკუთარი ჯანმრთელობა სახელმწიფოს მიანდო. შესაბამისად, მნიშვნელოვნად გაიზარდა პროგრამით მოსარგებლეთა რაოდენობა. საყოველთაო ჯანდაცვის პროგრამის დაწყებიდან ორი წლის თავზე პროგრამით უკვე 1 397 163 შემთხვევა დაფინანსდა, რაც იმას ნიშნავს, რომ სამედიცინო დაწესებულებებს დღეში, საშუალოდ, 2000-ზე მეტი ბენეფიციარის მომსახურება უხდებათ. კერძო კომპანიების დაზღვევით კი, როგორც "ეისითის" კვლევა აჩვენებს, გამოკითხულთა მხოლოდ 22% სარგებლობს.

ხელისუფლებისა და ეროვნული ბანკის კინკლაობის ფონზე ლარის კურსმა დოლართან მიმართებაში უკვე 1,3336 ლარს მიაღწია. ეს ეროვნული ბანკის ოფიციალური კურსია. ვალუტის გადამცვლელ პუნქტებში კი ერთი დოლარი 2,35 ლარად იყიდება.

საგარეო სავაჭრო ბრუნვაში საქართველოს პოზიცია შესუსტდა. 2015 წლის პირველ 7 თვეში ქვეყნის საგარეო ვაჭრობის მაჩვენებელი, წინა წლის ანალოგიურ პერიოდს 14%-ით ჩამორჩება. სპეციალისტებს არ აქვთ მოლოდინი, რომ წლის ბოლომდე ქვეყანა ამ მაჩვენებლების გაუმჯობესებას შეძლებს. ეროვნული ვალუტის სტაბილურობა კვლავ კითხვის ნიშნის ქვეშაა, სამომხმარებლო ტარიფი ძვირდება და დიდად სახარბიელო არც საერთაშორისო ტენდენციებია, რაც მცირე ქვეყნების სავაჭრო ბრუნვის მაჩვენებლებზე უარყოფით ასახვას პოულობს.

ზაფხულის დადგომასთან ერთად იმატებს რუჯის მიღების მსურველთა რიცხვიც, როგორც დამწვრობის ცენტრის დირექტორი გუგა ქაშიბაძე აცხადებს, წინა წლებთან შედარებით 25-30 %-ით გაიზარდა პაციენტთა რაოდენობა.

კახეთში სტიქიისგან მიყენებულ ზარალს ითვლიან. ჯერჯერობით უცნობია, რა სახის და რა რაოდენობის ზიანი განიცადა რეგიონმა. წინასწარი მონაცემებით, 20 აგვისტოს მოსულმა ძლიერმა სეტყვამ კახეთში 2000 ჰექტარზე მეტი ვენახი დააზიანა. ყვარელსა და მიმდებარე სოფლებში ყურძენი 100%-ით განადგურდა. ზარალი საკმაოდ დიდია როგორც ინფრასტრუქტურული, ასევე სოფლის-მეურნეობის კუთხითა.

მართალია, საბჭოეთში სტუმრად კაპიტალისტური ქვეყნების პირველი პირები დიდი ინტენსიურობით არ ჩამოდიოდნენ და არც საბჭოთა ხელისუფლების წარმომადგენლები დადიოდნენ ხშირად სამსახურებრივი მივლინებით უცხოეთში, მაგრამ საბჭოთა კავშირს მაინც არც ისე მყარად ჰქონდა კარი ჩაკეტილი.

საქართველოს ფეხბურთის ფედერაციის პრეზიდენტობისთვის ამ ეტაპზე სამი კანდიდატი აცხადებს პრეტენზიას - ლევან კობიაშვილი, რევაზ არველაძე და მერაბ ჟორდანია. რეზი არველაძეს ვეტერანი ფეხბურთელები უჭერენ მხარს, სფფ-ს გენერალური მდივანმა მათ თავისი წინა საპრეზიდენტო გეგმაც გააცნო.

გარდაცვლილი პრემიერ-მინისტრის დაცვის ყოფილი უფროსის, კობა ხარშილაძის ადვოკატი ბექა ბასილაია აცხადებს, რომ სპეკულაციები ზურაბ ჟვანიას მკვლელობაზე არის აბსოლუტურად უსაფუძვლო და მიზნად ისახავს სპეკულაციებსა და "საზოგადოების გაბანგვას". არადა, სიმართლე "ისეთი მკაფიო და ერთმნიშვნელოვანია, რომ თვალის ერთი შევლებითაც ჩანს."