თბილისში პოლიციელებზე თავდასხმაში ეჭვმიტანილი, შესაძლოა, თავად ყოფილი პოლიციელი იყოს - შსს-ს სპეცდანიშნულების რაზმის ყოფილი წევრი. როგორც გამოძიებასთან დაახლოებული წყარო "მთელ კვირასთან" საუბრისას აცხადებს, გამოძიებას ეჭვი ერთ კონკრეტულ სპეცრაზმელზე აქვს.

ევროკავშირის შემდეგ საქართველოს ხელისუფლებისგან "ოკუპირებული ტერიტორიების შესახებ" კანონის გამარტივებას აფხაზეთის დე ფაქტო ხელისუფლებაც ითხოვს. მათი აზრით, ოკუპირებულ ტერიტორიაზე გადაადგილებისთვის ადამიანი სისხლის სამართლით არ უნდა ისჯებოდეს, რაშიც შერიგებისა და სამოქალაქო თანასწორობის სახელმწიფო მინისტრი პაატა ზაქარეიშვილიც ეთანხმება, რომელმაც 2 წლის წინ ცვლილებაც მოამზადა და ამ დრომდე დამტკიცებას პარლამენტისგან ელოდება. მაშინ საპარლამენტო ორგანომ მხოლოდ პირველი მოსმენით მიიღო, დღეს კი ფრაქცია "ქართული ოცნების" თავმჯდომარე ამბობს, რომ საკითხს საქმიანი მსჯელობის შემდეგ დაუბრუნდებიან.

თავდაცვის ყოფილი მინისტრის ირაკლი ალასანიას ხმაურიან განცხადებას იმის თაობაზე, რომ ფუნდამენტური თავდაცვითი შესაძლებლობების შეძენაზე ღარიბაშვილმა და ივანიშვილმა მას ხელის მოწერა აუკრძალეს, ყოფილი სამხედრო მაღალჩინოსანი, გენერალი კობა კობალაძე აფასებს და ამბობს, რომ ალასანიას საკუთარი შესაძლებლობების შესახებ გაზვიადებული წარმოდგენა აქვს. მისი თქმით, ამგვარი მნიშვნელობის მქონე საკთხები კონკრეტული მინისტრის ხელის მოწერით არ წყდება და ეს სახელმწიფოთაშორისი ურთიერთშეთანხმების საგანია.

ბესიკ ხარძიანის მკვლელობიდან ერთი კვირის თავზე ოჯახის ადვოკატის მალხაზ სალაყაიას განცხადებით, გამოძიება დასკვნით ეტაპზეა და ოჯახი საქმის გახსნას ყოველდღე ელოდება. გარდაცვლილი ხარძიანის მეგობრებისა და ოჯახის ინფორმაციით, დაკრძალვაზე პროკურატურამ საქმის გასახსნელად 3-დღის ვადა მოითხოვა.

თავდაცვის მინისტრი მინდია ჯანელიძე ბოლო ერთი კვირის განმავლობაში ორ სკანდალში გაეხვია. საქართველოსა და საფრანგეთს შორის საჰაერო თავდაცვის მემორანდუმის საკითხის შემდეგ ჯანელიძემ კრიტიკა 2008 წლის აგვისტოს ომში დაღუპული ჯარისკაცების ცხედრების ფრაგმენტების დაკრძალვის შესახებ გაკეთებული განცხადების გამო დაიმსახურა. ამის გამო მინისტრი თანაგუნდელებმაც გააკრიტიკეს - ვიცე-პრემიერმა და ენერგეტიკის მინისტრმა კახი კალაძემ თქვა, რომ დაკრძალვის ცერემონიალზე დასწრება არა მარტო მინისტრის, არამედ მთლიანად მთავრობის ვალდებულება იყო.

საქართველოში მიმდინარე პროცესებზე და მმართველი გუნდის საქმიანობაზე "ლეიბორისტების" წევრი გიორგი გუგავა გვესაუბრა. მისი თქმით, "ქართული ოცნება" 2016 წლის საპარლამენტო არჩევნებზე მხოლოდ იმ შემთხვევაში შეძლებს გამარჯვებას, თუკი მაჟორიტარული არჩევნების სისტემა შენარჩუნდება.

მომღერალი და მუსიკათმცოდნე თამრიკო ჭოხონელიძე ფიქრობს, რომ ახალი თაობის მომღერლებმა ინდივიდუალიზმი და საკუთარი შესრულების მანერა დაკარგეს, რაც დაუშვებლად მიაჩნია. ჭოხონელიძის თქმით, მის კრიტიკაზე საზოგადოება არცთუ პოზიტიურად რეაგირებს, რასაც მომღერალი არასწორ დამოკიდებულებას უწოდებს.

"მშვიდობის პარკი" - ონლაინ თამაში, რომლის მთავარი მიზანი კონფლიქტის ხაზის სხვადასხვა მხარეს მყოფი ქართველი და აფხაზი ბავშვების დაახლოება და გაერთიანებაა. თამაში არასამთავრობო ორგანიზაცია "ელვას" პროექტის ფარგლებში შეიქმნა და როგორც ორგანიზაციაში აცხადებენ, მისი მიზანია, ახალგაზრდებს ისეთი გარემოს შექმნა ასწავლოს, სადაც ყველა ბედნიერი იქნება.

"განსაკუთრებით გამაღიზიანებელია, როდესაც მიკროავტობუსი ფეხზე მდგომი მგზავრებით "გადაჭედილია", მაგრამ მძღოლი მაინც აჩერებს და ყოფილა შემთხვევა, თითქმის 10-15-მდე ფეხზე მდგომი ადამიანით გვიმგზავრია," - მოქალაქეები "მთელ კვირასთან" საუბრისას ყვითელ მიკროავტობუსებში არსებულ მძიმე მდგომარეობაზე საუბრობენ.

რამდენიმე წლის წინ გარემონტებულ აღმაშენებლის გამზირზე ბოლო პერიოდში ახალი დაზიანებები ჩნდება. ყველაზე თვალშისაცემი კი ტროტუარის დაზიანებაა. მოქალაქეები აცხადებენ, რომ მდგომარეობა ამ მხრივ თანდათან უარესდება.

გაზაფხულის სეზონზე გააქტიურებული წვიმების პერიოდში მოქალაქეები ახალი პრობლემის წინაშე აღმოჩნდნენ - წყლის გუბეების გამო თბილისის თითქმის ყველა ქუჩაზე ფეხით გადაადგილება ფაქტობრივად შეუძლებელი ხდება.

ჩვენს მკითხველს იმის შესხენება არ სჭირდება, თუ როგორ ებრძოდა კომუნისტური რეჟიმი საუფლო დღესასწაულს და რა მეთოდებს იყენებდა, რომ ახალგაზრდები სააღდგომო ლიტურგიას არ დასწრებოდნენ. მაგრამ დღევანდელ სტატიაში გვინდა შემოგთავაზოთ რამდენიმე საინტერესო მოგონება, რომელიც ჩვენმა რესპონდენტებმა გაიხსენეს.