ნავთობკომპანიებმა "სუპერისა" და "პრემიუმის" ტიპის საწვავი 5-7 თეთრით გააძვირეს. ჯერჯერობით ნავთობიმპორტიორები ყველაზე მოხმარებადი "რეგულარის" ტიპის საწვავის ფასის გაზრდაზე თავს იკავებენ, თუმცა საერთაშორისო ბაზარზე ნავთობის ფასი მცირედითაც რომ გაიზარდოს, გაუფასურებული ლარის პირობებში, ნავთობკომპანიებს დაბალი ფასის შენარჩუნების შესაძლებლობა აღარ ექნებათ.

დასავლეთ საქართველოში ტყემლისა და ხურმის ნერგებზე მოთხოვნამ მოიმატა. ფერმერების ინფორმაციით, ხალხი ამ ხილის მოშენებით ფასის გამო დაინტერესდა. დიდია ასევე მოთხოვნა კივის, ფეიხოას, დაფნისა და მოცვის ნერგებზე.

ოფიციალური მონცემებით, გასულ წელს ერაყიდან საომარ მოქმედებებსა და სისხლისღვრას გამოქცეულმა 1070 ადამიანმა საქართველოში ლტოლვლის სტატუსის მინიჭება მოითხოვა, რომელთა ნაწილის თხოვნა უკვე დაკმაყოფილებულია. ამათგან ლტოლვილის სტატუსი მიიღო 25-მა იეზიდმა, რომლებმაც ისლამისტი რადიკალების მხრიდან არაადამიანური დევნა განიცადეს (ალბათ ბევრს ახსოვს იეზიდების მასობრივი ხოცვა-ჟლეტის შემზარავი კადრები, რაც არაერთხელ გავრცელდა სოციალური ქსელებით).

საქართველოს მორაგბეთა 18-წლამდელი ნაკრები ევროპის ჩემპიონატის ელიტდივიზიონის ფინალში გავიდა. პატარა "ბორჯღალოსნებმა" ალბიში გამართულ ნახევარფინალში უმძიმეს ბრძოლაში კიდევ ერთხელ გამოავლინეს საბრძოლო ხასიათი და იტალიის ნაკრები დრამატულ ნახევარფინალში შუთ-აუთების სერიით 5:4 დაამარცხეს.

სეპარატისტული აფხაზეთის ე.წ. დეპუტატები გალში მცხოვრები ქართველების მიმართ აპარდტეიდული პოლიტიკის გატარებას ითხოვენ. ზოგიერთი მათგანი კი პირდაპირ მათ გაძევებას ითხოვს. ეს იმ შემთხვევაში, თუ მათ ქართული პასპორტები ექნებათ, ხოლო თუ მხოლოდ აფხაზურ პასპორტებს დაიტოვებენ, მაშინ მარიონეტული ხელისუფლება მათ ხელშეუხებლობასა და "ყველანაირ უფლებას" უზრუნველყოფს, გარდა პოლიტიკურისა.

ბოლო 2 თვეში სწრაფი კვების რამდენიმე ობიექტი დაიხურა. თითქმის ყველა შემთხვევაში მიზეზი სავალუტო კრიზისია, რის გამოც ამ ბიზნესს მომხმარებელი მოაკლდა. მართალია, სწრაფი კვების რამდენიმე ობიექტის წარმომადგენელი "რეზონანსთან" პრობლემისთვის გვერდის ავლას შეეცადა, მაგრამ მათთან საუბარშიც დადასტურდა, რომ ბიზნესის ამ სფეროს სერიოზული პრობლემა აქვს.

საწარმოთა ბრუნვაში მცირე და საშუალო ბიზნესის წილი 20%-ს ვერაფრით გასცდა. მართალია, 2003 წლიდან დღემდე ბიზნესის ამ სეგმენტში დასაქმებულთა რაოდენობამაც მოიმატა, ხელფასმაც და ბრუნვაც გაიზარდა, თუმცა ამას ქვეყანაში მცირე მეწარმეობის განვითარება არ მოჰყოლია. სამაგიეროდ, სწრაფი ტემპით ვითარდება მსხვილი ბიზნესი, რომლის წილი ბიზნესსექტორის მთლიან ბრუნვაში 80%-საც კი აღემატება.

თბილისში ახალი საავიაციო ქარხანა აშენდება, რომელიც სამოქალაქო თვითმფრინავების დეტალებს დაამზადებს. ძველი ქარხანა კი ისევ სამხედრო ტექნიკაზე იქნება ორიენტირებული. მთავრობაში იმედოვნებენ, რომ ქარხნის მშენებლობა 3 თვეში დაიწყება და აქ დამზადებულ ნაწილებს ცნობილ ავიამშენებლებს მიაწვდიან. ახალი ქარხანა თბილისის აეროპორტის მიმდებარე ტერიტორიაზე აიგება.

"პრეზიდენტის გამოსვლა არ იყო იმ დონის, რომ პოლიტიკურ მოვლენად იქცეს, ტექსტში არსებითი და მნიშვნელოვანი არაფერი ყოფილა," - აცხადებს პეტრე მამრაძე, რომელსაც "რეზონანსი" პრეზიდენტის პარლამენტში წლიური მოხსენებით გამოსვლის თაობაზე და ბოლო დღეებში განვითარებულ მოვლენებზე ესაუბრა.

გუშინ სიღნაღის რაიონის სოფელ ძველ ანაგაში 11-წლის ნიკა ბეგიაშვილი დაკრძალეს, რომელმაც სიცოცხლე თვითმკვლელობით დაასრულა. ბავშვის ამ ზომამდე მისვლას მისი მეზობლები და ახლობლები სკოლაში თანაკლასელთან მომხდარ კონფლიქტს უკავშირებენ, საქმეზე თვითმკვლელობამდე მიყვანის მუხლით გამოძიება მიმდინარეობს, რომელსაც ჯერ ოფიციალური დასკვნა არ დაუდია.

პრეზიდენტის გამოსვლას პოლიტოლოგები ეხმაურებიან და აღნიშნავენ, რომ მარგველაშვილის მოხსენებას ლაიტმოტივად ის დაპირისპირება გასდევდა, რაც მასა და მთავრობას შორისაა.

დღეიდან სოციალურად დაუცველთა ქულების დათვლის განახლებული სატესტო სისტემა ამოქმედდება. ამის შესახებ გუშინ ჯანდაცვის მინისტრის მოადგილემ, ზაზა სოფრომაძემ ისაუბრა. მისი ცნობით, შეფასების სისტემაში გადაწყვეტილების მიღება სუბიექტურ ფაქტორებზე დაყრდნობით მაქსიმალურად იქნება შემცირებული. როგორც სოფრომაძე ამბობს, სოციალური აგენტი დამოუკიდებლად ვერც დანიშნავს სოციალურ დახმარებას და ვერც მოხსნის.