საპარლამენტო უმრავლესობის წევრი ზაქარია ქუცნაშვილი პრეზიდენტს პროტოკოლის დარღვევაში ადანაშაულებს. მისი თქმით, პროტოკოლი ითვალისწინებს იმას, რომ პრეზიდენტი პარლამენტის სხდომათა დარბაზში მყოფ პირველსავე შემხვედრ დეპუტატს ესალმება და ხელს ართმევს. გიორგი მარგველაშვილმა პარლამენტში მისვლისას პირველად დეპუტატს ჩაუარა, თუმცა მას არც კი მიესალმა. პარლამენტარის მტკიცებით, პრეზიდენტმა დეპუტატებს ისე ჩაუარა, რომ მათ ზედაც არ შეხედა.

თბილისში შეზღუდული შესაძლებლობების მქონე (შშმ) პირთათვის შექმნილი რამდენიმე საწარმო დახურვის საფრთხის წინაშეა, ამის მიზეზი კი ის ფინანსური პრობლემებია, რომელიც საწარმოებს წლის ბოლოდან შეექმნებათ. ისნის რაიონში, ძმები უბილავების 38-ში მდებარე საწარმოები შშმ პირებისთვის 20 წელზე მეტია უცხოური ფონდების დაფინანსებით ფუნქციონირებს, თუმცა წლის ბოლოდან ფონდები საქართველოს ტოვებენ, რის გამოც ახალი დონორის მოძიება მოუწევთ, წინააღმდეგ შემთხვევაში კი, შშმ პირები დასაქმების ერთადერთი წყაროს გარეშე დარჩებიან.

საქართველოს საფეხბურთო ჩემპიონატში 21 ტურის შემდეგ ორხელისუფლებიანობაა - თბილისის "დინამოსთან" ერთად 42-42 ქულით პირველ-მეორე ადგილს უმაღლესი ლიგის დებიუტანტი ბათუმის "დინამო" იყოფს. დებიუტანტის კვალობაზე მართლაც არაა ურიგო შედეგი, თუმცა ყველაზე მთავარია, რომ ეს წარმატება ფრაგმენტული არ იყოს და ზღვისპირელთა შედეგიანი გამოსვლა შეუქცევადი პროცესის განუყოფელი ნაწილი გახდეს.

"მე ვამბობ ერთ რამეს, შინაგან საქმეთა ახალი მინისტრის თამადობით, სერიოზული გუნდია მოსული და იმედი მაქვს, ამ მკვლელობის საქმეს გამოიძიებენ, რადგან მათ თავიანთი მოსვლის დღიდან სააშკარაოზე საკმაოდ ბევრი რამ გამოიტანეს და ეს ძალიან მიხარია. სადარაჯოზე დგანან ისეთი ადამიანები, რომლებიც საქმეს ბოლომდე მიიყვანენ," - ამბობს მოკლული ბიზნესმენის, ბესო ხარძიანის მეგობარი გია კორკოტაშვილი "რეზონანსთან" საუბრისას.

ევრო-2016-ის შესარჩევი ეტაპის მატჩში საქართველოს ნაკრებმა მორიგი მარცხი განიცადა - ამჯერად ფრიად საპატიო შედეგით მსოფლიოს ჩემპიონ გერმანიის ეროვნულ ნაკრებთან 0:2.

"შეიძლება 10 ათას დოლარად სავალუტო კურსი აბურთაო როგორც გინდა და ამის პატრონი არავინ არის" - ფინანსისტებს ეჭვი აქვთ, რომ ლარის მასშტაბური გაუფასურება სპეკულაციების შედეგად დაიწყო. ამ ეჭვს "ბლუმბერგის" დახურული სისტემა აძლიერებს. დასუსტებულ ეროვნულ ვალუტას დევალვაციის მიმართულებით ბიძგი ეროვნული ბანკის მიერ მიმოქცევაში ლარის მასის გაზრდამაც მისცა. საბოლოო ჯამში, ლარი ერთ-ერთ ყველაზე არასტაბილურ ვალუტად ჩამოყალიბდა და მან მოსახლეობაში ნდობა უფრო მეტად დაკარგა.

ლარის დევალვაციის შედეგად სახელმწიფოსა და რიგითი მოქალაქეების სავალო ტვირთი კიდევ უფრო დამძიმდა. კურსის ვარდნამ ქვეყანის მთლიანი საგარეო ვალი 1,9 მლრ ლარით გაზარდა. დევალვაციის შედეგად მოიმატა ბანკებში ვადაგადაცილებული სესხების რაოდენობამაც, სებ-ის მონაცემებით, ერთ წელიწადში 16%-ით გაიზარდა. სპეციალისტების პროგნოზით, იმ შემთხვევაში, თუ მთავრობისა და ეროვნული ბანკის მხრიდან გარკვეული ღონისძიებები არ გატარდა, ლარის შემდგომი დევალვაცია გარდაუვალი გახდება, რაც ქვეყანას უკვე ეკონომიკურ კრიზისამდე მიიყვას.

საქართველოს მსოფლიოში ყველაზე "ჯიბეგაფხეკილი" ქვეყნების რეიტინგში ერთ-ერთი მოწინავე ადგილი უკავია. ინტერნეტგამოცემა "მუვჰაბ.კომ"-ის მონაცემებით, ყველა სავალდებულო გადასახადის გარდა, ჩვენთან ერთი დასაქმებული თვეში, საშუალოდ, 400 დოლარს ხარჯავს, ანუ დღეში 13,3 დოლარს. ქართული სტატისტიკით კი სიტუაცია უფრო მძიმეა. რეალურად საქართველოში ერთი დასაქამებული თვეში მხოლოდ 263 დოლარს, ანუ დღეში 8,7 დოლარზე მეტს ვერ ხარჯავს.

ეროვნული ბანკი წელს 2%-იან ეკონომიკურ ზრდას ვარაუდობს. მთავრობა კი ჯერ პროგნოზის შემცირებას არ აპირებს და ფიქრობს, რომ ქვეყნის ეკონომიკა უფრო მეტად გაიზრდება. "რეზონანსთან" საუბრისას ფინანსთა მინისტრმა ნოდარ ხადურმა აღნიშნა, რომ თებერვალსა და იანვარში ეკონომიკა საკმაოდ აქტიური იყო, რაც ბიუჯეტის შესრულებასაც დაეტყო.

ყვავილების ბიზნესში ვითარება დამაკმაყოფილებელია. მოვაჭრეების განცხადებით, ყვავილების შეძენა მომხმარებელს აუცილებლობიდან გამომდინარე უწევს და ასეთი დამოკიდებულების გამო რეალიზაცია მეტ-ნაკლებად სტაბილურია.

სააღდგომო ტურზე მოთხოვნა, შარშანდელთან შედარებით, განახევრდა. ტურისტული კომპანიების ერთ ნაწილში აცხადებენ, რომ შეკვეთები კატასტროფულად შეუმცირდათ. მეორე ნაწილი მდგომარეობას ოდნავ უკეთესად მიიჩნევს, თუმცა სტაბილური ვითარება თითქმის არსადაა.

"იური ვაზაგაშვილისა და ბესო ხარძიანის მკვლელობა პირდაპირ კავშირშია ბიძინა ივანიშვილის მიერ დაანონსებულ სამართლიანობის აღდგენის პროცესთან და ვშიშობ, ეს არ არის ბოლო ტერაქტი", - ამბობს "რეზონანსთან" საუბრისას "დემოკრატიული მოძრაობა-ერთიანი საქართველოს" საბჭოს წევრი დიმიტრი ლორთქიფანიძე და ხელისუფლებას რეაგირებისკენ მოუწოდებს.