დედაქალაქის საკრებულომ, შესაძლოა, თბილისის მერიის ავტოპარკის ხარჯების მიზანშეწონილობის შესწავლა დაიწყოს. გაერთიანებული დემოკრატების განცხადებით, ავტოპარკში 267 ავტომობილია, რომელთა შენახვისა და მომსახურების წლიური ხარჯი 2,5 მლნ ლარზე მეტს შეადგენს. მერიაში კი ამბობენ, რომ ავტოპარკი ძველია, თუმცა "ქამრების შემოჭერის" ფარგლებში ამ მიმართულებით ხარჯის შემცირება აუცილებლად მოხდება.

"კაბელების საქმეზე, ისევე როგორც გირგვლიანის საქმეზე, ხელისუფლების საბრალდებო დასკვნა დაიწერება. ის, რასაც ივანიშვილის ხელისუფლება კაბელების საქმეზე აკეთებს, იმის კოპირებაა, რასაც მიხეილ სააკაშვილის რეჟიმი აკეთებდა. ნელ-ნელა ბიძინა ივანიშვილის ხელისუფლებაც რეჟიმი ხდება და პოლიტიკურ ოპონენტებს პოლიტიკური ბრალდებებით უსწორდება," - აცხადებს "რეზონანსთან" საუბრისას საქართველოს ადვოკატთა ასოციაციის თავმჯდომარე ზაზა ხატიაშვილი.

იური ვაზაგაშვილის მკვლელობის ადგილზე, გამოძიების მონაცემებით, რამდენიმე ადამიანის დნმ-ის კვალია აღმოჩენილი. აქედან დადგენილია, რომ ერთ-ერთი ეკუთვნის ქალბატონს, რომლის ბრალეულობაც მომხდარ მკვლელობაში არ დადასტურდა. თუმცა, ვაზაგაშვილების ადვოკატის გაგი მოსიაშვილის განცხადებით, აფეთქების ადგილას ნაპოვნია კიდევ ერთი დნმ, რომლის მფლობელსაც შესაძლოა, მკვლელობასთან ჰქონდეს კავშირი. დაღუპულის ახლობლები კი ამასთან დაკავშირებით საკუთარ ეჭვებზე საუბრობენ და კონკრეტულ სახელსა და გვარსაც ასახელებენ.

"უკრაინაში მყოფ ქართველ მებრძოლებზე ყველანაირი ინფორმაციის გავრცელებას თავს არიდებენ თუნდაც იმიტომ, რომ ტრაგიკული შემთხვევის გამო ორი ქართველი მოხალისე დაიღუპა", - პოლიტიკის, მეცნიერებათა დოქტორის ვახტანგ მაისაიას თქმით, უკრაინაში მებრძოლი ქართველი მოხალისეების შესახებ ინფორმაცია გასაიდუმლოებულია.

პრემიერ-მინისტრის ანგარიში და ჟურნალისტებთან კითხვა-პასუხი, როგორც ყოველთვის, თვითკმაყოფილებით, მთავრობის მიერ წარმატებით შესრულებულ საქმეებზე საუბრით და ამავე დროს ჟურნალისტებისა და ოპოზიციის კრიტიკით წარიმართა.

ფინანსთა სამინისტრომ ბიუჯეტის "ყოვლისმომცველი კორექტირება" გადადო. ფინანსთა მინისტრი თებერვალში ეკონომიკის 4%-იან ზრდასა ელოდება, პარალელურად აკვირდება ბიუჯეტის პირველი კვარტალის შესრულების პროცესს და არ არის გამორიცხული, ეკონომიკის ზრდის პროგნოზის მკვეთრად შემცირება დღის წესრიგიდან მოიხსნას. "რეზონანსი" ფინანსთა მინისტრს, ნოდარ ხადურს საზოგადოებისთვის მეტად აქტუალურ საკითხებზე პირადად ესაუბრა:

"მაწანწალა ძაღლების სიმრავლე უფრო საღამოს და ღამის საათებში შეინიშნება, მაშინ როდესაც ქუჩაშიც ცოტა ხალხი დადის და მშველელადაც ვერავის მოუხმობ. შენ კი ამ დროს იმის შიშით გიწევს გადაადგილება, რომელიმე ქუჩის ძაღლი არ აგედევნოს და არ დაგკბინოს", - ბოლო პერიოდში დედაქალაქში ძაღლების მომრავლებისა და ქუჩებში მათი თავისუფლად მოძრაობის ფაქტებით შეწუხებული მოქალაქეები თბილისის მერიისგან შესაბამის რეაგირებას და მათი უსაფრთხოების დაცვას ითხოვენ.

კულტურული მემკვიდრეობის დაცვის ეროვნული სააგენტო წელს 5 მნიშვნელოვან ძეგლზე კვლევით და სარეაბილიტაციო სამუშოებს განახორციელებს: ვარძია, მუცო, ნოქალაქევი, გრაკლიანი და ზემო სვანეთის სოფელი ჩაჟაში, სადაც სარეალიბიტაციო სამუშაოების მე-2 ეტაპი დაიწყება.

2015 წლის 17 ივნისიდან საქართველო ციფრულ მაუწყებლობაზე გადადის - მომხმარებლის ინფორმირებულობა და სათანადო მომზადება ციფრულ მაუწყებლობაზე გადასვლისას ერთ-ერთი მნიშვნელოვანი საკითხია.

"საქართველოს ნატოში ინტეგრაციასთან დაკავშირებით გოგი თოფაძემ უნდა გააკეთოს საწინააღმდეგო შეფასება ან კოალიციამ უნდა მიიღოს შესაბამისი ზომები. მაგალითად, თავისი რიგებიდან გარიცხოს ის პარტია, რომელსაც აბსოლუტურად განსხვავებული წარმოდგენა აქვს საქართველოს საგარეო კურსზე", - აცხადებს "რეზონანსთან" საუბრისას საგარეო საქმეთა ყოფილი მინისტრი, "თავისუფალი დემოკრატების" ერთ-ერთი ლიდერი მაია ფანჯიკიძე.

ა.წ. თებერვალში საქართველოს პარალმენტის თავმჯდომარესა და რუმინეთის საგარეო საქმეთა მინისტრის შეხვედრის დროს დავით უსუფაშვილი გამოვიდა ინიციატივით, დაიწყოს მუშაობა საქართველო-რუმინეთის ერთობლივი კომისიის შექმნის შესახებ, რომელიც მოამზადებს ღონისძიებას ანთიმოზ ივერიელის გარდაცვალებიდან 300 წლის აღსანიშნავად.

ბოლო დროს საგრძნობლად იმატა ბიზნესის წარმომადგენლების პრეტენზიებმა - საგადასახადო შემოწმების გახშირებისა და მათი ხანგრძლივობის ზრდასთან დაკავშირებით. მსხვილი კომპანიების შემდეგ შემოსავლების სამსახურის მხრიდან გახშირებულ შემოწმებებზე მცირე სავაჭრო ობიექტებიც საუბრობენ. შემოსავლების სამსახური კი ყველაფერს უარყოფს. მათი განმარტებით, საკონტროლო შესყიდვები სავაჭრო ობიექტებში ტარდება პერმანენტულად, ჩვეულ რეჟიმში და არ არის გახშირებული.