თბილისში საქალაქო მიკროავტობუსების მძღოლებს კომპანია "თბილისის მიკროავტობუსმა" მათ ყოველდღიური გადასახადი გაუზარდა. ამის მთავარ მიზეზად ლარის კურსის ვარდნა სახელდება. დაუდასტურებელი ინფორმაციით, ყოველივე ამას აპრილიდან თბილისში მიკროავტობუსებით მგზავრობის გაძვირება მოჰყვება.

თბილისის საკრებულოს წევრი, "რუსპუბლიკელი" დავით ზურაბიშვილი მიიჩნევს, რომ "ნაციონალური მოძრაობა 2016 წლის არჩევნების შემდეგ პარლამენტში ისევ იქნება წარმოდგენილი. მისი თქმით, ამ ოპოზიციური პარტიის სრულად გაქრობა წარმოუდგენელია იმიტომ, რომ მათ ჰყავთ ერთგული ამომრჩეველი, რომელთა რაოდენობაც მართალია არ იზრდება, მაგრამ არც დიდად მცირდება.

იმისათვის, რომ პარლამენტში მთავრობისათვის უნდობლობის საკითხის ინიცირება შესძლონ, "ნაციონალურ მოძრაობას" 10 ხმა აკლდება. 8 ხმის მიღების იმედი მათ "თავისუფალი დემოკრატებისაგან" აქვთ, კიდევ 2 ხმის კი - ყოფილი თანაპარტიელებისაგან, რომლებიც დღეს საპარლამენტო უმრავლესობაში შედიან, ან დამოუკიდებელი დეპუტატის სტატუსი აქვთ.

თაია არდოტელი

"საქართველო ივანიშვილის გარეშე", "გაუმარჯოს მიშას", "წადი, ბიძინა" და საპასუხოდ მიღებული "ცოცხის ხალხო, ნარკომანებო, არაადამიანებო" - შაბათს თავისუფლების მოედანზე გამართულმა "ნაციონალური მოძრაობის" აქციამ ასეთი გადაძახილის ფონზე ჩაიარა.

რიგის სამიტამდე 2 თვე დარჩა, თუმცა პროგნოზები, რომელიც უცხოურ პრესაში კეთდება, არც თუ ისე დამაიმედებელია იმ ქვეყნებისათვის, რომელებიც ევროპისგან უვიზო რეჟიმის მიღების მოლოდინში არიან. პროგნოზი კი ზოგადად ასეთია - საქართველოს იმედგაცრუება ელის.

სპეციალურად "მთელი კვირისთვის" ერევნიდან

სომხეთის ისტორიისა და კულტურის გაცნობა, 100 წლის წინ მომხდარ ტრაგედიაზე მედიისთვის ამომწურავი ინფორმაციის მიწოდება, ყარაბახის კონფლიქტი - ეს იყო მთავარი საკითხები, რომელიც სომხეთის დედაქალაქ ერევანში გამართულ საერთაშორისო მედიაფორუმზე ჟურნალისტებს გააცნეს.

კულტურის სამინისტროსა და ძეგლთა დაცვის სააგენტოს ინიციატივით, მთავრობამ გრაკლიანის არქეოლოგიურ ძეგლს, რომელიც საზოგადოებრივი ცხოვრების 300 - ათას წლიან უწყვეტ განვითარებას ასახავს, ეროვნული მემკვიდრეობის სტატუსი გასულ კვირას მიანიჭა. არქეოლოგიური ზონა კასპის მუნიციპალიტეტში, სოფელ იგოეთთან ტრასაზე მდებარეობს, სადაც ხანგრძლივი კვლევების შედეგად უძველესი ნივთები აღმოაჩინეს.

გაზაფხულის დადგომასთან ერთად მოსახლეობისთვის აქტუალური გახდა დასასვენებელი ადგილების, ბაღ-სკვერების მდგომარეობა.

დამტვრეული სკამები, ერთ დროს მოქმედი საქანელებისგან დარჩენილი რკინის კონსტრუქციები, ფაქტობრივად ფუნქციადაკარგული სკვერი - ეს არის პრობლემა, რომელზეც მეტროს სადგურ "ნაძალადევის" მიმდებარედ მცხოვრები ადამიანები "მთელ კვირასთან" საუბრობენ.

დაზიანებული გზის საფარი - პრობლემა, რომელიც მუდმივად აქტუალურია დედაქალაქში და არა მარტო. ეს, გარდა იმისა, რომ მოახლეობას პრობლემებს უქმნის, მათთვის გამაღიზიანებელიცაა, რადგან წლების განმავლობაში, მუდმივად აქცენტი სწორედ გზების შეკეთებასა და ამაში დახარჯულ თანხებზე კეთდება.

ბუქარესტში, "ტრიუმფალურ თაღზე" საქართველოს მორაგბეთა ეროვნულმა ნაკრებმა დამაჯერებლად ითამაშა, შანსი არ დაუტოვა მასპინძლებს რუმინეთის ეროვნულ ნაკრებს, მოიგო შეხვედრა 15:6 და ევროპის ჩემპიონატის ტრიუმფატორის მანტია მერვედ მოისხა.

საოკუპაციო ზოლიდან 7-მა შეიარაღებულმა რუსმა ჯარისკაცმა გორის რაიონის სოფელ კირბალეთის მცხოვრები 34 წლის ალექსანდრე შიუკაშვილი 8 წლის მცირეწლოვან შვილთან ერთად გაიტაცეს. ერთ-ერთი ვერსიით, გატაცება პირდაპირ სოფლის გზიდან მოხდა, როდესაც მამა-შვილი ტყიდან შეშით დატვირთული ბრუნდებოდა.