„კომისიის მოწვევა საქართველოში უფრო უცხოელების მხრიდან გაკეთებული კრიტიკული მოსაზრებების გამო ხდება, მაგრამ, ჩემი აზრით, არ ღირს მთელი მსოფლიოს ფეხზე დაყენება იმისთვის, რომ ოპოზიციას სიტყვაში მოუგო", - ასე ეხმაურება პოლიტოლოგი რამაზ საყვარელიძე ხელისუფლების მოწვევით გიგი უგულავას საქმეზე ფაქტების შემსწავლელი კომისიის ჩამოსვლას საქართველოში.

ქობულეთში მომხდარ მკვლელობაზე დაკავებულს, აღკვეთი ღონისძიების სახით პატირობა შეეფარდა. გადაწყვეტილება მოსამართლე დავით მამისეიშვილმა მიიღო. გამოძიება არჩილ ცეცხლაძეს განზრახ მკლელობას ედავება. შემთხვევა სამი დღის წინ ქობულეთში ერთ-ერთ ცენტრალურ ქუჩაზე მოხდა.

საქართველოში კორონავირუსის საფრთხის გამო, სასტუმროებში, ჯავშნების 90% გაუქმდა. სექტორი უმძიმეს მდგომარეობაშია. ზამთრის ტურისტული სეზონი ჯერ გვიან მოსულმა თოვლმა, შემდეგ კი ვირუსის საფრთხემ ისე დააზარალა, რომ სასტუმროს მფლობელებს არა მხოლოდ თანამშრომლების და ხელფასების შემცირება უწევთ, არამედ საბანკო ვალდებულებების გასტუმრებაც კი ძალიან უჭირთ.

„იანდექს ტაქსი“ სკანდალში ეხვევა - გაირკვა, რომ კომპანია თავის მომხმარებელთა მონაცემებს რუსეთის საგამოძიებო უწყებებს აწვდის. ამის შესახებ  კი რუსული მედია წერს. ინფორმაციას რუსეთში კომპანიის პრესსამსახურშიც ადასტურებენ. „რეზონანსი“ ეცადა, რომ საქართველოში არსებულ ფილიალს დაკავშირებოდა და ამ საკანდალურ ბრალდებაზე მათი განმარტება მოესმინა, თუმცა  კომპანიაში ჩვენს სატელეფონო ზარებს არ უპასუხეს.

ხელისუფლება ინფლაციის მოთოკვას ვერაფრით ახერხებს. თებერვლის მონაცემებით, ინფლაციის მაჩვენებლმა 6.4% შეადგინა. ფასები კი, ისევ მაღლა იწევს. შარშან თებერვალთან შედარებით, ფასი უამრავ პროდუქციასა და მომსახურებაზე გაიზრდა. ქვეყანაში თითქმის ყველა წინაპირობა არსებობს იმისთვის, რომ ინფლაცია მიზნობრივს გაუტოლდეს, თუმცა ის მაინც მაღალ ნიშნულზეა. მსოფლიოში დაწყებული პანიკის გამო, სპეციალისტები პოზიტიურ პროგნოზს ვეღარ აკეთებენ და ამბობენ, რომ წელს ისევ მაღალი ინფლაცია გვექნება.

„ორი თვეა, რაც მეცნიერება ამ ვირუსს სწავლობს. ამიტომ მისი ქცევა ჯერჯერობით კარგად არაა ცნობილი. თუმცა, პროგნოზების უმრავლესობა ემხრობა იმას, რომ ტეპერატურის მომატებასთან ერთად მისმა ვირულენტობამ (გავრცელების უნარი) უნდა დაიკლოს", - ამის შესახებ „რეზონანსთან" დაავადებათა კონტროლის ხელმძღვანელმა ამირან გამყრელიძემ განაცხადა.

„იმ ადგილას, რომელიც აღსავსეა საქართველოს მოციქულობაზე მოგონებებით, ოდესღაც აშენდა ეკლესია მიძღვნილი წმინდა ჯვრისადმი", - ასე იხსენიებენ თავის ჩანაწერებში მე-14-16 საუკუნის უცხოელი მოგზაურები მტკვრისა და არაგვის შესართავთან აღმართულ მთის წვერზე მდგარ ქართული ხეროთმოძღვრების შედევრს ჯვრის მონასტერს. მე-4 საუკუნეში, წმინდა ნინოს მითითებით და მირიან მეფის ბრძანებით, ტაძრის ადგილას აღმართული იყო ხის დიდი ჯვარი, როგორც სიმბოლოს ქრისტიანული სარწმუნოებისა.

მას შემდეგ, რაც მსოფლიოში ახალი კორონავირუსი გამოჩნდა და სწრაფი ტემპით დაიწყო გავრცელება, არანაკლები ტემპებით დაიწყო ცრუ სამედიცინო რჩევებისა და დეზინფორმაციის გავრცელება მისი წარმოშობის შესახებ და. ეს გასკუთრებით იმ ქვეყნების სოციალურ მედიაში აისახა, სადაც ვირუსით დაინფიცირების ბევრი შემთხვევა დაფიქსირდა.

მიუხედავად იმისა, რომ აფხაზეთში ე.წ. პრეზიდენტობის კანდიდატი, ოპოზიციონერი ლიდერი ასლან ბჟანია 2 მარტს მოწამვლის ნიშნებით საავადმყოფოში გადაიყვანეს და დიდი ალბათობით „არჩევნებში" მონაწილეობას ვერ მიიღებს, აფხაზეთის დე ფაქტო ცენტრალურმა საარჩევნო კომისიამ მიიღო გადაწყვეტილება, რომ ე.წ. საპრეზიდენტო არჩევნები 22 მარტს მაინც გაიმართოს.

„ილუზია გაცილებით მეტია ვიდრე გამარჯვების შანსი" - ასე აფასებს „რეზონანსთან" უმრავლესობის დეპუტატი კობა კობალაძე გავრცელებულ ინფორმაციას, რომ ექს-პრეზიდენტი გიორგი მარგველაშვილი საპარლამენტო არჩევნებზე გაერთიანებული ოპოზიციის სახელით დიდუბეში იყრის კენჭს.

„ბარიერი იქნება 0, 1 თუ 2 პროცენტი, დღეს ეს არ არის არსებითი საკითხი. ხელისუფლება ადეკვატურად ვერ აფასებს მოვლენებს და ცდილობს გამოძვრეს შექმნილი ვითარებიდან. ეს არის ხელისუფლების მეშვიდეხარისხოვანი მცდელობა", - ასე ეხმაურება საარჩევნო ბარიერთან დაკავშირებით ხელისუფლების მიერ ოპოზიციისადმი ახალ შეთავაზებას „რესპულიკური პარტიის" ერთ-ერთი ლიდერი დავით ბერძენიშვილი.

„მთავარი ბერკეტი არის არჩევნების შედეგების მიმართ გამოცხადდეს უნდობლობა, მაგრამ, თუ საერთაშორისო დამკვირვებლები ცნობენ, რომ არჩევნები ჩატარდა დემოკრატიულად, არჩევნების შედეგების ლეგიტიმურობა ეჭვქვეშ არ დადგება", - ასე ეხმაურება ანალიტიკოსი ზაალ ანჯაფარიძე კონგრესმენ ადამ კიზინგერის მოსაზრებას საქართველოში განვითარებულ მოვლენებზე.