მოსკოვის ყოფილი მერი იური ლუჟკოვი 2019 წლის სამშაბათს 83 წლის ასაკში გარდაიცვალა. ის გერმანიის ქალაქ მიუნხენში იმყოფებოდა, სადაც გულის ოპერაცია გაიკეთა.

28 წლის ქალს მარშალ გელოვანის გამზირზე 38 წლის მამაკცი მოულოდნელად თავს დაესხა და ყელი გამოჭრა. დაჭრილმა გოგონამ გაქცევა შეძლო და დასახმარებლად მოქალაქეებს უხმო. თავდასხმაში ეჭვმიტანილი პირი კი ადგილიდან მიიმალა. თუმცა მისი დაკავება პოლიციამ ცხელ კვალზევე შეძლო და მისი ბინის ჩხრეკისას დანა  ნივთმტკიცებად ამოიღო. 

„ქართული ოცნების" ახალგაზრდული ფრთის მიერ დაანონსებული 14 დეკემბრის აქცია ოპოზიციამ ძალის დემონსტრირებად შეაფასა, მმართველი პარტია კი აქციას უბრალო შეკრებას უწოდებს და აცხადებს, რომ ის მხოლოდ საზეიმო ხასიათისაა, რომელიც ევროსაბჭოს მინისტრთა კომიტეტში საქართველოს თავმჯდომარეობას უკავშირდება.

„ქართული ოცნების" რიგები კიდევ ერთმა დეპუტატმა, ალექსანდრე ერქვანიამ დატოვა. პოლიტიკურ წრეებში არ გამორიცხავენ იმას, რომ „ქართული ოცნება" შესაძლოა სხვა დეპუტატებმაც დატოვონ და ტენდენცია „ჯაჭვურ რეაქციასავით" გაგრძელდეს, თუმცა არა იმ რაოდენობით, რაც „ქართული ოცნების" დაშლის საფუძველი გახდება. ანალიტიკოსთა გარკვეული ნაწილი მიიჩნევს, რომ მმართველ გუნდში კრიზისია და ამ პროცესის ასეთ განვითარებას, მთელმა რიგმა პრობლემებმა შეუწყო ხელი.

დავით მესამე დიდი კურაპალატი, ტაოს მეფე, რომელიც მართავდა ტაოს, სპერს, თორთომს, ბასიანს და ასევე სომხურ მიწებს ვანის ტბის გარშემო, 979 წელს კი მისმა ჯარმა იოანე-თორნიკე ჩორდვანელის ხელმძვანელობით (თორნიკე ერისთავი) იხსნა ბიზანტიის იმპერატორები ხელისუფლების დაკარგვისაგან ბარდა სკლიაროსის აჯანყებაში, ქართული მიწების გასათავისუფლებლად მაჰმადიანებთან ბრძოლებში თან ატარებდა საწინამძღვრო ჯვარს, რომელიც ქართულ ისტორიგრაფიაში ბრილის ჯვრის სახელით არის შესული.

„როგორც ჩანს, რუსეთი პუტინის პირობებში თვლის, რომ თუ საერთაშორისო ტერორისტების მკვლელობები მისაღებია აშშ-ის, ისრაელის და სხვა სახელმწიფოებისთვის, რატომ არ უნდა იყოს მისაღები რუსეთისთვის," - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია, ნორმანდიის ოთხეულის სამიტზე რუსეთის პრეზიდენტ ვლადიმირ პუტინის მიერ ზელიმხან ხანგოშვილის მკვლელობის საქმეზე გაკეთებულ განცხადებას.

დეპუტატ ნიკა მელიასთვის დეპუტატის მანდატის ჩამორთმევას, თუკი ეს საკითხი დღის წესრიგში დადგა და საკანონდებლო ორგანო ამის თაობაზე იმსჯელებს, ფრაქცია „დამოუკიდებელი დეპუტატების" წევრები მხარს არ დაუჭერენ. ამის შესახებ „რეზონანსთან" დეპუტატი ლევან გოგიჩაიშვილი საუბრობს, რომელიც ამ საკითხის დაყენებას 2020 წლის ბოლომდე არასწორს უწოდებს და ამბობს, რომ მელიას მანდატი არ უნდა შეუჩერდეს.

პენსიების მოცულობა მთელ რეგიონში მატულობს და ამ მხრივ საქართველო 2020 წელს ნამდვილად ვერ იქნება გამონაკლისი. თუმცა, ის მოცულობა, რითაც მთავრობა პენსიების ზრდას გეგმავს, რეალურ ვითარებას ვერ ცვლის და ჩვენი ქვეყანა პენსიის სიდიდით კვლავ ერთ-ერთ ბოლო ადგილზე რჩება. 74-დოლარიანი პენიის მოცულობით იგი სამეზობლოში მხოლოდ სომხეთს უსწრებს. საქართველოსთვის ცალკე პრობლემაა ისიც, რომ ლარის გაუფასურების გამო, საპენსიო თანხის მსყიდველუნარიანობა მუდმივად მცირდება და პერიოდული მატება ხანდაზმულ კატეგორიაზე სასიკეთოდ ვერ აისახება.

მიმდინარე წლის იანვარ-ნოემბერში საგზაო ბიტუმისა და გათხევადებული აირების იმპორტი, წინა წლის ანალოგიურ პერიოდთან შედარებით, მნიშვნელოვნად გაიზარდა. საავიაციო ნავთი ერთადერთი კატეგორიაა საწვავის იმპორტში, სადაც წლის განმავლობაში კლება აღნინშნება. ამის მიზეზად ნავთობპროდუქტების იმპორტიორთა კავშირში რუსეთის მიერ დაწესებულ ტურისტულ ემბარგოს მიიჩნევენ და დასძენენ, რომ წლის დასაწყისში დაწყებული ტენდენცია რუსეთის პოლიტიკური გადაწყვეტილების გამო შეიცვალა.

ჯანდაცვის მომსახურებისა და სასწრაფოს სერვისის მიმართ პაციენტებს სულ უფრო მეტი პრეტენზიები აქვთ. ისინი ამბობენ, რომ სასწრაფო დახმარებას,  მათი მოთხოვნის მიუხედავად, ისეთ კლინიკებში გადაჰყავთ, სადაც არაკვალიფიციური ექიმები მუშაობენ, თანაც სასწრაფოს მანქანით შეყვანილ  ავადმყოფებს ასეთ საავადმყოფოებში დაზღვევის ამოწურვამდე ტოვებენ.

მმართველი გუნდი ოპოზიციის ახალ შემოთავაზებას, ერთმანდატიანი მაჟორიტარული ოლქები მრავალმანდატიანით შეიცვალოს, დიდი ალბათობით დათანხმდება, თუმცა, როგორც ანალიტიკოსთა გარკვეულ წრეებში საუბრობენ, ეს თანხმობა არ უკავშირდება ოპოზიციის მიერ ორგანიზებულ და მიმდინარე საპროტესტო აქციებს. მხარეთა შორის დიალოგის დაწყება საერთაშორისო პარტნიორების ჩართულობით იქნა მიღწეული. შედეგად კი „ხელისუფლება და ოპოზიცია ამ დიალოგში მონაწილეობაზე უარს ვერ იტყვიან."

ლარმა ყველაზე კრიზისული პერიოდი გადალახა და გამყარება დაიწყო. 10 დეკემბრის ოფიციალური გაცვლითი კურსი, 2.94-ია, თუმცა "ბლუმბერგის" სისტემაში დოლარი უკვე 2.92 ლარი ღირს. ეს ნიშნავს, რომ პოზიტიური ტენდენცია დაიწყო, რაც დაახლოებით 8-10 დღე გაგრძელდება. სპეციალისტები მიიჩნევენ, რომ წლის ბოლომდე ლარი 2.88-2.90 ფარგლებში დასტაბილურდება და ამჯერად მეტ გამყარებას აღარ უნდა ველოდოთ.