„იმის თაობაზე, რომ ხანგოშვილზე საქართველოს ხელისუფლების მხრიდან ძებნა იყო განმოცხადებული, არაფერი მსენია," - ასე აფასებს „რეზონანსთან" ექსპერტი კავკასიის საკითხებში მამუკა არეშიძე, რუსეთის საგარეო საქმეთა სამინისტროს ოფიციალური წარმომადგენელის მარია ზახაროვას განცხადებას, თითქოს ბერლინში მოკლულ საქართველოს მოქალაქე ზელიმხან ხანგოშვილზე ძებნა იყო გამოცხადებული.

„უცნაურია, რადგან გიორგი გახარიამ ძალიან კარგად იცის ინგლისური ენა. შესაძლებელია ქართულ ენაზეც გამართო, თუ ამის ორგანიზება იქნება. წაიყვანონ თარჯიმანი, რომელიც აუდიტორიას უთარგმნის ტექსტს," - ასე აფასებს „რეზონანსთან" ანალიტიკოსი ზაალ ანჯაფარიძე უკრაინაში პრესკონფერენციაზე პრემიერ-მინისტრ გიორგი გახარიას გამოსვლას, რომელმაც დასმულ შეკითხვებს რუსულ ენაზე უპასუხა.

„ოცნებამ“ საპროტესტო აქციების, შეხლა-შემოხლისა და სხვადასხვა ინციდენტის ფონზე თავისი გაიტანა - პარლამენტისთვის წარდგენილი უზენაესი სასამართლოს მოსამართლეობის კანდიდატთა 20-კაციანი სიიდან 14 მოსამართლედ დაამტკიცეს, „ნაცმოძრაობის“ ერთ-ერთ ლიდერ ნიკა მელიას დეპუტატის მანდატი ჩამოართვეს, შაბათს კი თბილისში „ოცნების“ მხარდამჭერთა მასშტაბური აქცია იგეგმება.

ლარი ელვისებურ გამყარებას განაგრძობს. 13 დეკემბრისათვის ოფიციალური გაცვლითი კურსი 2.86-ია, ხოლო რეალური 2,83. სწორედ ვალუტის სიმყარეა იმპორტდამოკიდებულ ქვყანაში ფასების განმსაზღვრელი. მსხვილი იმპორტიორები კი ამ ეტაპზე ფასის კლებას  მხოლოდ, პირველადი მოხმარების, სწარაფად გაყიდვად საქონელზე ვარაუდობენ, ხოლო დანარჩენ პროდუქტის გაიაფება რომ დაიწყოს, ლარი 2.70-ზე მაინც უნდა დასტაბილურდეს.

„ბოიკოტის რეჟიმზე ყოფნას არ ვაპირებთ და ამ ფუფუნებას ნამდვილად არავის არ მივცემთ", - ასეთია დამოუკიდებელი დეპუტატის გედევან ფოფხაძის სამომავლო საქმიანობის გეგმები, რომელიც მან „რეზონანსთან" გააჟღერა. ფოფხაძის თქმით, იგი არ მიბაძავს თავის თანამოაზრე ეკა ბესელიას, რომელმაც პროტესტის ნიშნად ხუთშაბათს პარლამენტის იურიდიულ საკითხთა კომიტეტის წევრობაზე უარი განაცხადა და კომიტეტში საქმიანობას განაგრძობს.

„რაც უფრო ნაკლები ურთიერთობა მექნება ასეთ ადამიანებთან, მით უფრო სუფთა და დაწყნარებული იქნება ადამიანი", - აცხადებს დამოუკიდებელი დეპუტატი დავით ჭიჭინაძე იმ თავის ყოფილ თანაპარტიელებზე საუბრისას, რომლებმაც პარლამენტში წარმოდგენილი უზენაესი სასამართლოს მოსამართლეობის კანდიდატების სასარგებლოდ მისცეს ხმა.

ქვეყანაში უცხოური ინვესტიციები შემცირებულია  და ამ ფონზე განსაკუთრებით საყურადღეობა ის ფაქტი, რომ უცხოური კაპიტალი უდიდესი წილი მხოლოდ თბილისსა და აჭარაში იდება.  ამ მხრივ განსაკუთრებით საგანგაშო იყო 2018 წელი, როდესაც ინვესტიციების თითქმის 90% დედაქალაქში და ბათუმში "დარჩა", ხოლო მთელ დანარჩენ რეგიონებზე მხოლოდ 10% გადანაწილდა.

საქართველო უფრო და უფრო მიმზიდველი ხდება ზამთრის სპორტისა და სათავგადასავლო დასვენების კუთხით, თუმცა ამით ადგილობრივი მოსახლეობა სულ ეფრო იშვიათად სარგებლობს. ქვეყანაში საკმაოდ მძიმე ეკონომიკური ფონია, რის გამოც ხალხს დასასვენებელი ფული არ გააჩნია. სასტუმროს ნომრებიც უკვე უმეტესად დოლარში ქირავდება, ლარის კურსის მკვეთრი ვარდნის გამო. ეს კი მომხმარებელს ზამთრის კურორტებზე დასვენების საშუალებას არ აძლევს.

„ეს მოსალოდნელიც იყო, მაგრამ მელია პარლამენტში იქნება, თუ პარლამენტს გარეთ, იმის ილუზია არავის უნდა ჰქონდეს, რომ ის გაჩერდება და პოლიტიკურ აქტიურობას შეწყვეტს“, - ასე ეხმაურება ექსპერტი გია ხუხაშვილი ნიკა მელისათვის სადეპუტატო უფლებამოსილების შეწყვეტის შესახებ პარლამენტის გადაწყვტილებას.

„ის რომ, პარლამენტის თავმჯდომარე ასე „სერიოზულად" მიუდგა საქმეს და გამოაცხადა, რომ ქიმიური შეტევაა, არ მგონია ამდენად სერიოზული დანაშაული იყოს," - აცხადებს „რეზონანსთან" იურისტი და უფლებდამცელი ლია მუხაშავრია პარლამენტში გაურკვეველი ნივთიერების შეტანის შესახებ საუბრისას.

რუსეთის სამხედრო საზღვაო ფლოტმა დიდი დარტყმა განიცადა, მურმანსკის ოლქის ქალაქ სევერომორსკში რუსების ერთადერთ ავიამზიდ „ადმირალი კუზნეცოვზე" ხანძარი გაჩნდა, რომელსაც ვერაფრით აქრობენ. „რია ნოვოსტი" ჩრდილოეთ ფლოტის პრესსამსახურზე დაყრდნობით იუწყება, რომ რამდენიმე საათის განმავლობაში ცეცხლთან ბრძოლის შემდეგ ხანძარი ლოკალიზებულია, თუმცა ჩამქრალი არ არის. არაოფიციალური ინფორმაციით კი, გემზე დიზელის საწვავი იწვის.

შემზარავი და სასტიკი მკვლელობა წალკის რაიონის სოფელ არწივანში - 85 წლის  მარტოხელა პენსიონერს 11 დეკემბერს ღამით, დაყაჩაღების მიზნით თავს დაესხნენ, სასტიკად აწამეს და შემდეგ მოკლეს. მეზობლები „რეზონანსთან“ ყვებიან, რომ სავარუდოდ, მოხუცს პენსიის მოგროვებული თანხა უნდა ჰქონოდა, რასაც მას ყაჩაღები სთხოვდნენ. მოხუცმა მათ წინააღმდეგობა გაუწია, რის შემდეგაც მისი ცემა დაიწყეს.