ჯერჯერობით დაუდასტურებელი ინფორმაციით, ბოლო დღეებია აქტიურად მიდის კონსულტაციები „ოცნების“ ყოფილ წევრ თამარ ჩუგოშვილთან, რათა იგი გახდეს მოძრაობა „ლელოს“ წევრი. თავად „ლელოში“ ამ ცნობას არ ადასტურებენ, თუმცა აცხადებენ, რომ დღეს შექმნილ სიტუაციაში განსაკუთრებით მნიშვნელოვანია დიდი ოპოზიციური გაერთიენებების ფორმირება.

უკრაინის მართლმადიდებელი ეკლესია მზადაა შობის აღნიშვნის თარიღი - 7 იანვარი - 25 დეკემბრით შეცვალოს, მაგრამ ეს მოხდება იმ შემთხვევაში, თუ საზოგადოების უმრავლესობა დაუჭერს მხარს ამ გადაწყვეტილებას. ამის შესახებ კიევისა და სრულიად უკრაინის მიტროპოლიტმა ეპიფანემ განაცხადა საგანგებო ბრიფინგზე, რომელიც საეკლესიო კალენდრის რეფორმას ეხებოდა.

რუსეთის ფედერაციის საგარეო საქმეთა სამინისტროს პრეს–სპიკერი მარია ზახაროვა აცხადებს, რომ თბილისში თავის მეგობრებთან სტუმრობაზე ოცნებობს, მაგრამ პოლიტიკური მოსაზრებებიდან გამომდინარე, ამისგან თავს იკავებს. ამის შესახებ ზახაროვამ „სპუტნიკის“ მიერ ორგანიზებული მოსკოვი–თბილისი–კიშინიოვი–მინსკის ვიდეოხიდის მიმდინარეობისას განაცხადა.

„არ ვიცი „ქართული ოცნება" რა მიზნებს ისახავდა, მაგრამ თუ სურდათ ეჩვენებინათ, რომ საზოგადოებაში და ამომრჩეველში მათ საკმაოდ სერიოზული მხარდაჭერა აქვთ, ამ კუთხით გარკვეულწილად მიზანს მიაღწიეს," - ასე აფასებს „რეზონანსთან" ანალიტიკოსი ზაალ ანჯაფარიძე 14 დეკემბერს „ქართული ოცნების" მიერ გამართულ აქციას.

სახალხო დამცველის განცხადება ყოველგვარ საფუძველს მოკლებულია და ბოლო ხანებში მისი განცხადებები ერთი კონკრეტული მხარის პოზიციას წარმოადგენს - ამის შესახებ საპარლამენტო უმრავლესობის წევრმა ნუკრი ქანთარიამ განაცხადა „რეზონანსთან" სახალხო დამცველის მიერ 14 დეკემბრის აქციაზე ხალხის იძულებით მიყვანის შესახებ გაკეთებული განცხადების კომენტირებისას.

„ხელისუფლება არჩევნებმადე ვა-ბანკზე მიდის, ამიტომ გამორიცხული არ არის დაიწყოს დაჭერების სერია და რეპრესიები არასამთავრობო ორგანიზაციების მიმართ“, - ასე ეხმაურება იურისტი და უფლებადამცველი ლია მუხაშავრია გავრცელებულ ინფორმაციას იმის თაობაზე, რომ ხელისუფლება „ევროპული საქართველოს“ ერთ-ერთი ლიდერის, გიგა ბოკერიას წინააღმდეგ მტკიცებულებებს აგროვებს და ოპოზიციის წარმომადგენელთა დაკავების მორიგი სერიისთვის ემზადება.

„ეს ჩვეულებრივი პროცედურაა და ხალხის უნდობლობაზე არაა. ისაა სახელმწიფო მოღვაწე, პარტიის თავმჯდომარე, მაღალი დონის ბიზნესმენი და ასეთი ადამიანებისთვის ამის ჩაცმა ჩვეულებრივი მოვლენაა", - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია სოციალურ ქსელებში გამოთქმულ მოსაზრებას, რომ შესაძლოა 14 დეკემბრის „ქართული ოცნების" ფართომასშტაბიან შეკრებაზე ბიძინა ივანიშვილს ჯავშანჟილეტი ეცვა.

გერმანიის საგარეო საქმეთა მინისტრი რუსეთს ჩეჩენი საველე მეთაურის, საქართელოს მოქალაქის ზელიმხან ხანგოშვილის მკვლელბით მანიპულირებაში ადანაშაულებს. მინისტრის განცხადებით, რუსულ მხარეს არც ერთხელ არ უთხოვია ხანგოშვილის ექსტადირება, ახლა კი ფაქტების ფალსიფიცირებას ცდილობენ და დოკუმენტებს უკანა რიცხვით აფორმებენ. მოსკოვი აღნიშნულს უარჰყოფს.

უკვე რამდენიმე დღეა, რაც სოციაალურ ქსელში სავარაუდოდ, 22-24 წლის მამაკაცი 11-დან 15 წლამდე გოგონებს ყალბი „ფესბუქ“ პროფილით უკავშირდება. ის მათ თანატოლად ეცნობა და გარკვეული პერიოდის განმავლობაში ნდობის მოპოვებას ახერხებს და შემდეგ სექსუალური ხასიათისს ფოტოების გადაღებას სთხოვთ. თუკი რომელიმე ბავშვი მის ანკესს წამოეგება და ასეთი ხასიათის ფოტოებს გაუგზავნის, ამის შემდეგ მამაკაცი მოზარდების შანტაჟს იწყებს.

პოლიტოლოგი რამაზ საყვარელიძე მიიჩნევს, რომ წინასწარ იმის პროგნოზირება, დათანხმდება თუ არა „ქართული ოცნება" დასავლელი დიპლომატების შეთავაზებას 2020 წლის საპარლამენტო არჩევნების მაჟორიტარული ნაწილის არა ერთმანდატიანი, არამედ მრავალმანდატიანი მაჟორიტარული ოლქებით ჩატარების შესახებ, პრაქტიკულად შეუძლებელია. თუმცა, მისივე შეფასებით, მოცემულ მომენტში ამაზე დათანხმება „ოცნებისთვის მომგებიანი იქნება.

ოპოზიცია პარლამენტისა და სხვა სამთავრობო შენობების პიკეტირებას, სირცხვილის კორიდორების მოწყობასა და მსგავს აქტივობებს დროებით წყვეტს, თუმცა, პარლამენტში რიგგარეშე სხდომის დანიშვნის შემთხვევაში საპროტესტო აქციები განახლდება. ამის შესახებ „რეზონანსს" „ახალი საქართველოს" ლიდერმა გიორგი ვაშაძემ განუცხადა.

„უზენაეს სასამართლოში ვაკანსიებია დარჩენილი, სავარაუდოდ 6 ადგილი და არ არის გამორიცხული, რომ საბჭომ მალევე დაიწყოს ეს (შერჩევის) პროცესი", - აცხადებს „რეზონანსთან" საუბრისას იუსტიციის საბჭოს არამოსამართლე წევრი ანა დოლიძე უვადო მოსამართლეობის კანდიდატთა ახალ სიაზე საუბრისას.