"ქართული ოცნების" ხელისუფლების პირობებში სათამაშო ბიზნესის ბრუნვა თითქმის 13 მილიარდით ლარით გაიზარდა. მიუხედავად იმისა, რომ ამ საეჭვო ბაზრის უმნიშვნელო რეგულირებას და რეკლამის კანონის შემოღებას დაპირება ხელისუფლებამ არაერთხელ სცადა, ბაზარი დღემდე დერეგულირებული და მიშვებულია. სპეციალისტების გარდა, უკვე აშშ-ს სახელმწიფო დეპარტამენტიც მიუთითებს, რომ ბაზრის ამ მაშტაბის ზრდა გარკვეულ ეჭვებს აღძრავს.

ლიბიაში მიმდინარე სამოქალაქო ომში რუსული კერძო სამხედრო კომპანია „ვაგნერის" 35 მდე მებრძოლი ავიადარტყმას ემსხვერპლა, რომლებიც მთავრობის წინააღმდეგ ხალიფა ხაფტარის მხარეს იბრძოდნენ. ამის შესახებ ინფორმაცია გამოცემა „მედუზამ" გაავრცელა. მათი ცნობით, სპეციალური ავიარეისებით დაღუპულთა სამშობლოში გადმოსვენება ოთხშაბათს დაიწყო.

ლარის გაუფასურება ნავთობპროდუქტებსაც შეეხო. თხევადი აირისა და ბუნებრივი აირის ფასმა დაახლოებით 5-10 თეთრით მოიმატა. ინფორმაცია არ ადასტურებენ ნავთობპროდუქტების იმპორტიორები, თუმცა მომხმარებლები ფასის მატებას აშკარად აღიქვამენ და ფიქრობენ, რომ ლარის გამყარების შემდგომაც კი ფასი ძველ ნიშნულს, შესაძლოა, არ დაბრუნდეს.

საქართველოს 6 ოქტომბერს გერმანიის პრეზიდენტი ფრანკ-ვალტერ შტაინმაიერი ეწვევა, რომელიც ავტორია იმ იდეის, რომელსაც „შტაინმაიერის ფორმულას" უწოდებენ. ამ ფორმულაზე, რომელიც დონბასის განსაკუთრებული სტატუსის შესახებ კანონის ამოქმედებას ითვალისწინებს, უკრაინის პრეზიდეტნმა ვლადიმერ ზელენსკიმ ორი დღის წინ თანხმობა განაცხადა.

„ეკონომიკის მინისტრის პოსტიდან გათავისუფლების შემდეგ ქობულიას მისივე ინიციატივით შევხვდი," - აცხადებს დამოუკიდებელი დეპუტატი ლევან კობერიძე, რომელსაც „რეზონანსი" ეკონომიკის ყოფილი მინისტრის პოლიტიკაში შესაძლო დაბრუნების შესახებ ესაუბრა.

„მე პირადად არ ვაძლევ ინტერვიუებს ამ არხს", - ასე ეხმიანება უმრავლესობის დეპუტატი ნუკრი ქანთარია „მთავარი არხის" საინფორმაციო სამსახურის უფროსის ნოდარ მელაძის განცხადებას იმის შესახებ, რომ „ქართულმა ოცნებამ" „მთავარ არხს" ბოიკოტი გამოუცხადა.

2018 წელს რუსეთის ფედერაციის სპეცსამსახურები უკრაინის იმიერკარპატეთში ეთნიკური კონფლიქტის პროვოცირებას შეეცადნენ, რათა რეგიონი უკრაინისგან ჩამოეშორებინათ. ამის შესახებ უკრაინულ ტელეარხ „ობოზის" ეთერში იმიერკარპატეთის საოლქო სახელმწიფო ადმინისტრაციის ყოფილმა ხელმძღვანელმა გენადი მოსკალმა განაცხადა.

მაჟორიტარული არჩევნების გაუქმებას მმართველი პარტიის მაჟორიტარები სავარაუდოდ მხარს დაუჭერენ. მიუხედავად იმისა, რომ მაჟორიტარ დეპუტატთა ნაწილი თავიდან ამის წინააღმდეგი იყო, დღეს პოზიცია შეიცვალეს. ერთ-ერთი მაჟორიტარი დეპუტატი ზაზა ხუციშვილი პროპორციულ სისტემაზე გადასვლის მომხრეა და „რეზონანსთან" საუბრისას აცხადებს, რომ მაჟორიტარების გარკვეულმა ნაწილმა, რომელიც თავიდან ამ სისტემაზე გადასვლის წინააღმდეგი იყო, დღეს პოზიცია შეცვალა.

თბილისის მერიის ახალმა რეგულაციამ, რომლის მიხედვითაც ქალაქში მხოლოდ თეთრი ფერის ტაქსებმა უნდა იმოძრაონ, მომსახურების გაძვირება გამოიწვია. უკვე 2 დღეა დედაქალაქში ტაქსები მკვეთრად შემცირებულია, რის შედეგადაც მგზავრობის ტარიფმა მკვეთრად მოიტამა. თავად ავტომობილების რაოდენობამ კი იკლო. ამის გამო, მოსახლეობა უკმაყოფილებას გამოხატავს და ტაქსით მგზავრობას უფრო მეტად გაურბის.

„ასეთი ტიპის დაბარებებით, რა თქმა უნდა ჩნდება ეჭვები ხომ არ არის მედიით შეშინებული ხელისუფლების ძალადობა მედიაზე," - ასე აფასებს „რეზონანსთან" ჟურნალისტი და „ქართული ოცნების" ყოფილი დეპუტატი ანი მიროტაძე, ტელეკომპანია „ფორმულას" დამფუძნებლის ზურაბ გუმბარიძის პროკურატურაში დაბარებას.

კადიროვის შეირაღებული რაზმები ნატო-ს წევრი ქვეყნის, ნორვეგიის ტერიტორიაზე იმყოფებოდნენ - თანაც სრული შეარაღებითა და ტყვია-წამლით. ამის შესახებ რუსეთის ოპოზიციური გამოცემა „ნოვაია გაზეტა" წერს, რომელმაც ამ თემას ჟურნალისტური გამოძიება მიძღვნა. როგორც გამოცემა აღნიშნავს მათ სოციალურ ქსელში ჩეჩნური სპეცრაზმის, ე.წ. „კადიროვის მფრინავი რაზმების" კადრები და ფოტოები ნახეს, მათი თქმით, კადრებში აღბეჭდილ ტერიტორიებიდან ჩანს, რომ სპეცრაზმელების ეს დანაყოფი დავალებებს არქტიკაში, კუნძულ შპიცბერგენზე ახორციელებდა, რომელიც ნორვეგიის ეკუთვნის, თუმცა რუსეთს იქ წიაღისეულის მოპოვების ნებართვა გააჩნია.

უკრაინაში სპეცოპერაციისას მოკლული პანკისის ხეობის კრიმინალური ავტორიტეტი შოთა (მევლუდ) ჭიჭიაშვილი, რომელიც სხვადასხვა გახმაურებულ საქმებში ფიგურირებდა, მათ შორის დეპუტატ გივი თარგამაძის მანქანის აფეთქების საქმეშიც, „მაქსიმალურად ერიდებოდა საქათველოს ტერიტორიაზე ყოველგვარ აქტივობას," აცხადებს „რეზონანსთან" საუბრისას კავკასიოლოგი მამუკა არეშიძე.