„კონკრეტულად თამარ ალანიასთან დაკავშირებით, ეჭვი არ მეპარება, რომ კარგი დედა და პროფესიონალია. როგორ მოვიქცევით, ამას კენჭისყრის შედეგების შემდგომ დაინახავთ. ჯერ ვართ მოსმენის პროცესში," - აცხადებს „რეზონანსთან" „ქართული ოცნების" წევრი კობა კობალაძე პარლამენტში უზენაესი სასამართლოს მოსამართლეობის კანდიდატების მოსმენების შესახებ საუბრისას.

„ეს ზეწოლა და ტრამპის პრობლემის მუდმივი აქტუალიზაცია არა ტრამპის იმპიჩმენტს, არამედ საარჩევნო კამპანიას უკავშირდება, რომელიც, ფაქტობრივად, დაიწყო, იმისათვის, რომ 2020 წლის არჩევნებში (ტრამპმა) გამარჯვების მოპოვება ვერ შეძლოს," - ასე აფასებს „რეზონანსთან" ანალიტიკოსი ვახტანგ ძაბირაძე აშშ-ის კონგრესის წარმომადგენლობითი პალატის მიერ პრეზიდენტ დონალდ ტრამპის იმპიჩმენტის პროცედურის დაწყებას.

საქართველოსა და რუსეთის საგარეო საქმეთა მინისტრებს შორის ნიუ-იორკში გამართული შეხვედრის შემდეგ სკანდალის ახალი ეტაპი დაიწყო. ამჯერად, საქმე ეხება იმას, თუ ვინ იყო შეხვედრის ინიციატორი. სერგეი ლავროვი აცხადებს, რომ შეხვედრა დავით ზალკალიანმა მოითხოვა და ცინიკურად დასცინის თავის კოლეგას. ქართული მხარე ამას უარყოფს. ექსპერტები კი აცხადებენ, რომ ღირსეულმა მინისტრმა თავის კოლეგას ასეთი რამ არ უნდა აკადროს, „თუკი რაიმე განსაკუთრებული არ ხდება".

დამოუკიდებელი დეპუტატი ეკა ბესელია, უმრავლესობის წევრ ვანო ზარდიაშვილთან დაპირისპირების შედმეგ აცხადებს, რომ თუ საჭირო გახდა, ის უფრო მეტს იტყვის. დეპუტატმა ჯერ ტელეკომპანია „პირველის“  ეთერში, შემდეგ კი „მთავარის არხზე“  განაცხადა, რომ ხელისუფლებაზე კიდევ მეტი აქვს სათქმელი და უკან არ დაიხევს. ის ბიძინა ივანიშვილს აფრთხილებს და ამბობს, რომ თუ „ოცნება“ ამ მოსამართლეებს გაიყვანს, რომლებიც  20-კაციან სიაში არიან, მაშინ ის ხალხს ქუჩაში გამოიყვანს და ამაზე ოპოზიციასაც დაელაპარაკება. 

„სალომე ზურაბიშვილის მიერ მორატორიუმის გამოცხადება ერთ რამეზე მიუთითებს - ეს არის შეწყალების პუნქტის ვერგააზრება, როდესაც, რბილად რომ ვთქვათ, საკუთარი ხარვეზიანი მუშაობა სხვა პატიმრების მდგომარეობაზე უარყოფითად აისახება,“ - განაცხადა „რეზონანსთან“ საუბრისას იურისტმა კახა კოჟორიძემ.

რუსეთის ტაქტიკული სვლა, ან გამიზნული ხაფანგი, რომელშიც შესაძლოა საქართველო შეიტყუოს - ასეთია შეფასებები და ეჭვები საქართველოში  ლავროვისა და ზალკანიანის  შეხვედრაზე.  თბილისში უკვე მსჯელობენ, რა ჩაიფიქრა რუსეთმა და 2008 წლის ომის შემდეგ შეჩერებული უმაღლეს დონეზე ურთიერთობის განახლება რატომ  მოინდომა. 

„რას მოუტანს (ზალკალიანი-ლავროვის შეხვედრა) „ქართულ ოცნებას", ჯერჯერობით გამოკვეთილი არ არის, მაგრამ მცდელობა, რომ რუსული ორიენტაციის პარტიების ხმები დაისაკუთროს, ნათლად ჩანს," - აცხადებს „რეზონანსთან" ანალიტიკოსი ვახტანგ ძაბირაძე ნიუ იორკში საქართველოსა და რუსეთის საგარეო საქმეთა მინისტრების შეხვედრის შესახებ საუბრისას.

რუსული მედიის ცნობით, ნიუ იორკში გაეროს გენერალურ ასამბლეაზე საქართველოს საგარეო საქმეთა მინისტრის დავით ზალკალიანისა და რუსეთის საგარეო საქმეთა მინისტრის სერგეი ლავროვის შეხვედრის გეგმები ბოლო წუთამდე ყველასათვის გასაიდუმლოებული იყო. ამავდროულად გამოცემა „კომერსანტი" თავის წყაროზე დაყრდნობით ამტკიცებს, რომ ინიციატივა ქართული მხარიდან მოდიოდა.

ზელიმხან ხანგოშვილის მკვლელი სავარაუდოდ რუსეთის მილიცის ყოფილი მაიორი ვლადიმერ სტეპანოვია, რომელსაც 2005 წელს მოსკოვის სასამართლომ 24 წელი მიუსაჯა და წესით, ამჟამადაც რუსეთის ერთ-ერთ კოლონიაში უნდა იმყოფებოდსე. თუ ის რუსეთში კოლონიაში არ ღამოჩნდა, ეს შეიძლება ნიშნავდეს, რომ ჩეჩნეთის ომის ვეტერანი მილიციის მაიორი რუსებმა საგანგებოდ ხანგოშვილის ლიკვიდაციის დავალებით გამოუშვეს ციხიდან.ამის შესახებ „ნიუ იორკ ტაიმსი" წერს.

„არ შეიძლება ადამიანს 24 საათი უძახო, რომ „შენზე ტელევიზიაში აჩვენეს რაღაცეები". ცოდოა ის ქალი, იმას შვილები ჰყავს და ადამიანი მორალურად არ უნდა დათრგუნო, თორე მე კი არ ვამბობ, რომ ბესელია ფრთიანი ანგელოზია", - ასე ეხმიანება „რეზონანსთან" მწერალი და მსახიობი გივი სიხარულიძე ბესელია-ზარდიაშვილის ფიზიკურ დაპირისპირებას.

„მოწოდებებით არ ვმოქმედებ, ჩემი პირადი თვალსაზრისებით ვმოქმედებ. ასე რომ, ეკა ბესელიას უფლება არ აქვს ვინმეს მოუწოდოს და ეს საკითხი კიდევ უფრო გაართულოს," - ასე აფასებს „რეზონანსთან" საუბრისას უმრავლესობის დეპუტატი ნუკრი ქანთარია დამოუკიდებელი დეპუტატის, ეკა ბესელიას განცხადებას, რომელმაც „ქართული ოცნების" წევრებს მიმართა დეპუტატ ვანო ზარდიაშვილის განცხადებებს გაემიჯნონ.

გაერო-ს გენერალური ასამბლეის 74-ე სესიის ფარგლებში, საქართველოს საგარეო საქმეთა მინისტრის დავით ზალკალიანის და რუსეთის ფედერაციის საგარეო საქმეთა მინისტრის სერგეი ლავროვის შეხვედრისას ერთ-ერთი მთავარი მიზეზეი, ქართული მხარის ოფიციალური ცნობით, ოკუპაციის ხაზთა ვითარების უკიდურესი გამწვავება იყო. ანტისაოკუპაციო მოძრაობა „ძალა ერთობაშიას" ლიდერმა დავით ქაცარავამ „რეზონანსს" მოაწოდა ინფორმაცია იმის შესახებ, თუ ამ წუთებისთვის რა ხდება ჩორჩანაში და გამოიღო თუ არა რაიმე შედეგი აღნიშნულმა შეხვედრამ.