პარლამენტი მომავალი კვირიდან უზენაესი სასამართლოს მოსამართლეობის კანდიდატების განხილვას იწყებს, თუმცა კანდიდატების ახალი 20-კაციანი სიის ირგვლივ პრეტენზიები და უკმაყოფილება კვლავ გაისმის. არ არის გამორიცხული, რომ ამ სიის გამო „ოცნებაში“ ახალი შიდა დაპირისპირება დაიწყოს და პარტია სხვა დეპუტატებმაც დატოვონ. „რეზონანსი“ შეეცადა ამასთან დაკავშირებით მმართველი გუნდიდან ვინმეს გასაუბრებოდა, თუმცა ჩვენს ზარებს არავინ უპასუხა. საქმე კი ისაა, რომ 20-კაციანი სიის 5 წევრი იუსტიციის უმაღლესი საბჭოს მიერ შედგენილი იმ სკანდალური 10-კაციანი, რომელმაც შარშან უკვე გამოიწვია „ოცნებაში“ სერიოზული განხეთქილება.

შეწყალებაზე მორატორიუმის გამოცხადების შემდეგ, საქართველოს პრეზიდენტს სალომე ზურაბიშვილს  4468 ადამიანი ელოდება. ეს იმ მსჯავრდებულებია, რომლებმაც პრეზიდენტს შეწაყალების თხოვნით მიმართეს. კონსტიტუციონაისტები „რეზონანსთან“ აცხადებენ, რომ ზურაბიშვილის ეს გადაწყვეტილება კონსტიტუციას ეწინააღმდეგება. მათი თქმით, საქართველოს კონსტიტუციის მე-18 მუხლის მიხედვით, პრეზიდენტი ვალდებულია ყველა მსჯავრდებულის განცხადება განიხილოს და მას ერთპიროვნულად არ აქვს უფლება ამ პროცესის შეჩერებაზე, ან საერთოდ გაუქმებაზე გადაწყვეტილება მიიღოს. 

მალხაზ მაჩალიკაშვილმა, დეკანოზ გიორგი მამალაძის ოჯახმა და „გავრილოვის პატიმრების" ოჯახებმა რამდენიმე დღის წინ პარლამენტთან პროტესტის ნიშნად სამი კარავი გაშალეს, ისინი სამართლიანობის აღდგენის მოთხოვნით გამოდიან. მაჩალიკაშვილმა კი ოქტომბრის შემდეგ აქციებიც კი დააანონსა.

„კატეგორიულად ჯერ ვერაფერს ვერ გეტყვით იმიტომ, რომ კონსულტაციები მიდის ჩვენს წრეში. ვინც უმრავლესობიდან წამოსულები ვართ, ერთმანეთს ველაპარაკებით, რომ ჩამოვყალიბდეთ სამართლებრივადაც და პოლიტიკურადაც და პოლიტიკური აქტუიურობის ეფექტური გზები გამოვნახოთ“, - აცხადებს „რეზონანსთან“ ეკა ბესელიას პარტიის შესაძლო დატოვებაზე საუბრისას დეპუტატი გედევან ფოფხაძე.

უკრაინის სახელმწიფო საგამოძიებო ბიუროს ხელმძღვანელ რომან ტრუბას სამუშაო კაბინეტში უკანონოდ დამონტაჟებული მოსასმენი აპარატურა აღმოაჩინეს. ამის შესახებ 21 სექტემბერს მაღალჩინოსანმა თავად დაწერა „ტელეგრამზე". მანვე აღნიშნა, რომ მოსასმენი ხელსაწყო პროფესიონალურად იყო დამონტაჟებული. ეს პირველი შემთხვევა არაა, როდესაც უკრაინელი მაღალჩინოსნების კაბინეტებში მოსასმენ აპარატურას პოულობენ.

„ჩვენს საგუშაგომდე ოკუპანტები არ მისულან, მაგრამ ინტენსიურად მიმდინარეობს რუსების სტაციონარული საგუშაგოს მშენებლობა. არ არის გამორიცხული, რომ ხაშურში მდებარე დოლომიტის საბადოზეც გამოაცხადონ პრეტენზია, მით უმეტეს, რომ ეს საბადო მათი ე.წ. დასაბრუნებელი ტერიტორიების ნუსხაშია შეტანილი ერთერთ პრიორიტეტად", - ასე შეაფასა ანტისაოკუპაციო მოძრაობა „ძალა ერთობაშიას" ლიდერმა, დავით ქაცარავამ „რეზონანსთან" საუბრისას სოფელ ჩორჩანას გარშემო განვითარებული მოვლენები, სადაც საოკუპაციო რეჟიმის წარმომადგენლები თვეზე მეტია იტაცებენ ქართულ ტერიტორიებს.

„თუ ეს ფაქტი დადასტურდა, ეს სერიოზული დარღვევაა. ეს კანდიდატის დისკვალიფიკაციის საფუძველია და შეიძლება მისი დიპლომი ეჭვქვეშ დადგეს, არა მხოლოდ დიპლომი, არამედ მისი მთავარი პროკურორობაც ეჭქვეშ დადგეს", - ასე აფასებს „რეზონანსთან" იურისტი კახა წიქარიშვილი გენერალურ პროკურორის და ასევე უზენაესი სასამართლოს მოსამართლეობის კანდიდატის შალვა თადუმაძის მიერ იუსტიციის უმაღლეს საბჭოში წარდენილ დოკუმენტებში აღმოჩენილ ხარვეზს.

პარლამენტის თავმჯდომარე არჩილ თალაკვაძემ იმ 10 მნიშვნელოვან საკითზე საუბრისას, რომელზე პარლამენტმა საშემოდგომო სესიისას უნდა იმუშაოს, ქვეყნის წინაშე არსებული მთავარი გამოწვევები არ უხსენებია - ასე აფასებს „ქართული ოცნების“ ყოფილი წევრი, დამოუკიდებელი დეპუტატი ბექა ნაცვლიშვილი პარლამენტის თავმჯდომარის მიერ შაბათს გამართულ პრეზენტაციას.

აშშ-ის პრეზიდენტობის კანდიდატმა ჯო ბაიდენმა პრეზიდენტ დონალდ ტრამპისა და უკრაინის ლიდერ ვოლოდიმერ ზელენსკის სატელეფონო საუბრის გამოძიება მოითხოვა. ბაიდენი დარწმუნებულია, რომ საუბრის დროს აშშ-ის ამჟამინდელმა პრეზიდენტმა ზელენსკის მოსთხოვა გამოძების დაწყება ბუნებრივი აირის უკრაინულ კერძო კომპანია „Burisma Holdings"-თან დაკავშირებით, რომლის დირექტორთა საბჭოს წევრი ბაიდენის შვილი, ჰანტერ ბაიდენი იყო.

„რადგან არსებობს ეჭვი, რომ კორუფციას ჰქონდა ადგილი, პროკურატურამ უნდა გამოიძიოს. არ იქნება რთული გამოსაძიებელი, მარტივი საკითხია - ვინ დადო პრეზიდენტის მაგიდაზე ის საქმეები, რომელთაც შემდეგ ზურაბიშვილმა ხელი მოაწერა? ჰქონდა თუ არა მას რაიმე კავშირები იმ ჯგუფთან, ვინც შეიწყალა? თუმცა საქმის გამოძიებას არ ველოდები, რადგან ასეთი სკანდალი ხელისუფლებისთვის ნამდვილად არ იქნება მისაღები," - აცხადებს „რეზონანსთან" ანალიტიკოსი ვახტანგ ძაბირაძე პროკურატურის მიერ შეწყალების საქმეზე გამოძიების დაწყების შესახებ საუბრისას.

აფხაზეთში ე.წ. საპრეზიდენტო არჩევნების სკანდალური მეორე ტურის შემდეგ მოქმედი „პრეზიდენტი" რაულ ხაჯიმბა საიდუმლოდ შეხვდა თავის მთავარ ოპონენტ ალხას კვიცინიას და მაღალი თანამდებობის შეთავაზებით ცდილობდა მის გაჩუმებას. ამის შესახებ თავად კვიცინიამ განაცხადა გამოცემა „აპსნი იახიასთან" ინტერვიუში.

„საქართველოს დელეგაცია გაემგზავრება ევროსაბჭოს საპარლამენტო ასამლეის სესიაზე, რადგან ამასთან დაკავშირებით რამდენიმე ქვეყანას შორის საუბარი იყო და მოლაპარაკებებისას, თითქოს, უფრო აქეთკენ იყო გადახრილი უკრაინის პოზიცია", - ასე გამოეხმაურა საპარლამენტო უმრავლესობის წარმომადგენელი ნინო გოგუაძე „რეზონანსთან" საუბრისას უკრაინის გადაწყვეტილებას, ევროსაბჭოში რუსეთის დაბრუნების გამო, თავი შეიკავოს ევროსაბჭოს საპარლამენტო ასამბლეის სესიაზე გამგზავრებისგან.