„აქციების შედეგად პოლიტიკური სიმპატიები ოპოზიციური პარტიების მიმართ დიდად არ გაზრდილა, თუ არ შემცირდა. მარტო იმის თქმა, რომ „ივანიშვილი უნდა გადავაყენოთ", არჩევნებისთვის ხალხის განწყობის ასამოქმედებლად საკმარისი არ არის. ამავე დროს უნდა უთხრა ვინ მოგყავს; არსებობს ეჭვი, რომ ესენი ზრუნავენ „ნაციონალების" მოყვანაზე. სანამ არ დაზუსტება ეს პუნქტი, ამ ჯგუფს ხელისუფლებაში ვისი მოყვანა სურს, ნაკლები გავლენა ექნებათ," - აცხადებს „რეზონანსთან" ანალიტიკოსი რამაზ საყვარელიძე „სირცხვილიას" აქციების შეწყვეტის შესახებ საუბრისას.

რუსულ სახელმწიფო კომპანია „რუსეთის რკინიგზას" გადაწყვეტილი აქვს ვადამდე გაწყვიტოს კონტრაქტი სომხეთის ხელისუფლებასთან, რამაც შესაძლოა, სერიოზულად დაძაბოს სომხეთ-რუსეთის ურთიერთობა. კონფლიქტის მიზეზი სომხეთში „რუსეთის რკინიგზის" შვილობილი კომპანიის, სომხეთის რკინიგზის მმართველი „სამხრეთ კავკსიის რკინიგზის" წინააღმდეგ დაწყებული გამოძიებაა.

გენერალურმა პროკურატურამ პრეზიდენტ სალომე ზურაბიშვილის მიერ მკვლელობაში მსჯავრდებულების შეწყალების ფაქტებზე გამოძიება დაიწყო. პროკურატურის ინფორმაციით, გამოძიება დაწყებულია შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე.

იანვრიდან, ორ სამსახურში ერთდროულად დასაქმებას მოქალაქეები ვეღარ შეძლებენ. ეს იმ შემთვევაში მოხდება, თუკი საპარალმენტო უმრავლესობის წევრი, დიმიტრი ცქიტიშვილის ინიციატივა კანონად იქცევა. ბიზნესომბუდსმენი, მსხვილი დამსაქმებლები და ბიზნესასოციაცია ცვლილებებს კერძო სექტორში უხეშ ჩარევად აფასებენ და ეკონომიკის მუხრუჭს უწოდებენ.

პეტნაგონს აქვს გეგმა, როგორ გაარღვიოს კალინინგრადის ოლქში რუსეთის ღრმადეშელონირებული ანტისაჰაერო თავდაცვის სისტემა და ამისთვის სამხედრო მოსამსახურეები შესაბამის ტრენინგს გადიან, აცხადებს აშშ-ის ცენტრალური სამხედრო-საჰაერო ძალების სარდლობის ხელმძღვანელი ჯეფრი ჰარიგანი.

„დარწმუნებული არ ვარ, რომ თადუმაძის უწყება მისი გამარჯვებული პრეზიდენტის ბრალეულობის საკითხს დააყენებს, მგონია, რომ მაღალი საზოგადოებრივი ინტერესიდან გამომდინარე გვერდი ვერ აუარეს ამ თემას და გამოძიება დაიწყეს. ალბათ ესეც იმ გამოუძიებელი საქმეების თაროზე მოხვდება, რაც ძალიან ბევრია საქართველოს გენერალურ პროკურატურაში," - ამის შესახებ „რეზონანსთან"პარლამენტის ყოფილმა წევრმა და ჟურნალისტმა ანი მიროტაძემ განაცხადა.

ანალიტიკოსი არჩილ გამზარდია „რეზონანსთან" საუბრისას აცხადებს, რომ მიუხედავად იმისა, პრეზიდენტის მიერ მსჯავრდებულთა შეწყალების საქმეში შესაძლოა მესამე პირიც ფიგურირებდეს, ნებისმიერ შემთხვევაში პასუხისმგებლობა თავად პრეზიდენტს ეკისრება, რომელმაც წესით უნდა იცოდეს თუ რას აწერს ხელს.

ინგუშებს საქართველოს საპატრიარქოსთვის, როგორც ასეთი ოფიციალურად, ჯერ არ მიუმართავთ იმის შესახებ, რომ ინგუშების რამდენიმე ოჯახმა დონის როსტოვში მშენებარე ქართულ ეკლესიას საკუთარი მიწის ნაკვეთები უსასყიდლოდ გადასცა. საპატრიარქოს პრესცენტრის ხელმძღვანელმა, დეკანოზ ანდრია ჯაღმაიძემ „რეზონანსს" განუცხადა, რომ მხოლოდ იმ ინფორმაციას ფლობს, რომელიც „ფეისბუქზე" გამოქვეყნდა თითქოსდა ინგუშეთის ექსპრეზიდენტ რუსლან აუშევის გვერდზე.

ახალი სეზონიდან რუსთავი 2-ის ეთერში ვანო ჯავახიშვილის შოუს ნაცვლად ნიკა არაბიძის შოუ დაიწყება. „მე მზად ვარ, შეგვიძლია დავიწყოთ" - ამბობს არაბიძე რუსთავი 2-ის ახალი იუმორისტული შოუს ანონსში.

კავკასიოლოგი მამუკა არეშიძე „რეზონანსთან" საუბრისას აცხადებს, რომ დაზუსტებით არ შეუძლია თქვას, რამდენად არის დასაბუთებული ბრალი, რომელსაც ჩეჩენ რამზან ახიადოვს უყენებენ, თუმცა მიაჩნია, რომ მართალია გარკვეული საეჭვო გარემოებები არსებობს, ის რუსეთისთვის მაინც არ უნდა გადაეცათ.

თბილისის საქალაქო სასამართლომ არასრულწლოვნების პორნოგრაფიის უკანონოდ დამზადება-გასაღებისა და ტრეფიკინგის ბრალდებით დაკავებულ შვიდ პირს აღკვეთი ღონისძიების სახით პატიმრობა შეუფარდა. საქმის პროკურორის მარიამ გოგორელიანის თქმით, საქმეზე წინასასამართლო სხდომა 21 ოქტომბერს ჩაინიშნა.

საქართველოს პრეზიდენტის, სალომე ზურაბიშვილის, ბოლოდროინდელ გადაწყვეტილებებს საზოგადოებაში და პოლიტიკურ სპექტრში უარყოფითი დამოკიდებულება მოჰყვა.