რა ინფორმაციას ატარებს 23 წლის პროგრამისტის, თამარ ბაჩალიაშვილის პირადი კომპიუტერი, ამას უკვე ამერიკელი გამომძიებლები დაადგენენ. ოჯახის სურვილით, ისევ ხელახლა დალუქულ კომპიუტერს, რომლის სკანირებაც ცენტრალურ კრიმინალურ პოლიციაში უკვე დასრულდა, დალუქავენ და ამერიკელ გამომძიებლებს დაელოდებიან, რომლებიც იქ არსებულ ინფორმაციას შეისწავლიან. მიუხედავად ამისა, ოჯახის წევრები ცენტრალური კრიმინალური პოლიციისთვის საქმის გადაცემას მიესალმებიან და ამბობენ, რომ გამოძიების უკეთ წარმართვისთვის ეს ერთ-ერთი წინ გადადგმული ნაბიჯია. 

"იმოგზაურე „ვისოლთან“ ერთად" - ამ სახელწოდებით საქართველოში ,,ვისოლმა“ შიდა ტურიზმის მხარდამჭერი ფართომასშტაბიანი საინფორმაციო კამპანია დაიწყო. პროექტის მიზანია, მთელი საქართველოს მასშტაბით ადგილობრივი ტურისტებისათვის დღემდე თითქმის უცნობი მცირე საოჯახო ტურისტული ობიექტების შესახებ ცნობადობა ამაღლდეს და პანდემიის ზეგავლენით შემოსავლების გარეშე დარჩენილ მცირე ბიზნესს ვიზიტორების მოზიდვასა და კრიზისის დაძლევაში დაეხმაროს.

"რურუა ციხეში იქნება, თუ გარეთ პოლიტიკურ პროცესებზე და არჩევნების შედეგებზე გავლენას ვერ მოახდენს. არც ოპოზიციას აქვს დღეს იმის შანსი, რომ რურუას გამო საპროტესტო ტალღა ააზვირთოს"- ასე ეხმაურება პოლიტოლოგი ვახტანგ ძაბიარძე საქალაქო სასმართლოს მიერ გამოტანილ განაჩენს, რომლითაც გიორგი რურუას თავისუფლების აღკვეთა 4 წლის ვადით მიესაჯა.

წმინდა დიდმოწამე მარინეს საქართველოში ოდითგანვე დიდ პატივს მიაგებენ და ჩვენს წინაპარს მის სახელზე არაერთი ეკლესი აუგია. მარინეს სახელობის ეკლესიები არის კახეთში, გურჯანიის რიონში სოფელ ზეგაანში და ვაჩნაძიანში, რომლებიც მე-5 საუკუნით თარიღდება. თმოგვის ციხის შიგნით, განმარტოებულ ბორცვზე დგას მარინეს სახელობის ელკესია, რომელიც 1303 წელს აუგიათ.

კორონავირუსი კაცობრიობას უკვე დაუნდობლად ანადგურებს, შეერთებულ შტატებში ბოლო დღე-ღამის განმავლობაში, ვირუსისგან ყოველ ერთ წუთში ერთი ადამიანი იღუპებოდა, ვითარება ბრაზილიაშიც და ინდოეთშიც უკიდურესად გამწვავებულია.

საპარლამენტო არჩევნებამდე სამი თვით ადრე, ოპოზიციაში სერიოზული რყევებია. ოპოზიციური გაერთიანება „ძალა ერთობაშია" ფაქტობრივად იშლება, გუნდში აზრთა სხვადასხვაობის გამო დაპირისპირებაც კი მოხდა. ასევე რესპუბლიკურ პარტიას ეთიშება გუნდის ერთ-ერთი ლიდერი დავით ზურაბიშვილიც.

ივნისში, გასული წლის ანალოგიურ პერიოდთან შედარებით, მგზავრთა საჰაერო გადაყვანის მოცულობა 96,8%-ით შემცირდა. საჰაერო ტრანსპორტის საერთაშორისო ასოციაციის ახალი პროგნოზით, სამგზავრო გადაზიდვები 2019 წლის ნიშნულს მხოლოდ 5 წლის შემდეგ დაუბრუნდება. „რეზონანსთან“ საუბრისას პროგნოზს პესიმისტურს უწოდებენ და არ ეთანხმებიან საავიაციო სფეროს ქართველი სპეციალისტები. მათი აზრით, ასეთი გრძელვადიანი პროგნოზის გაკეთება დღევანდელ არასტაბილურ გარემოში შეუძლებელია.

„ფაქტობრივად ერთი ასანთის მინთება დარჩა, რომ ვითარება საბრძოლო მოქმედებაში გადავიდეს. სომხეთ-აზერბაიჯანს შორის ისედაც მყიფე ზავია, ამას თურქეთისა და რუსეთის ჩართულობა სომხეთის ტერიტორიაზე ერთობლივი წვრთნების ჩატარებაც ემატება," - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია სომხეთ-აზერბაიჯანის საზღვარზე ვითარების დაძაბვას.

„ოპოზიცია ფაჩიკოს გარმონივით დაიშალა, რაც მოსალოდნელი იყო, რადგან ნათელაშვილის ფანჩატურში შეკრებილებს, მხოლოდ ერთი იდეა აერთიანებდათ, რომელსაც ჰქვია სკამი და ეს სკამი ვერ გაიყვეს" - ასე ეხმაურება პოლიტოლოგი ედიშერ გვენეტაძე ოპოზციაში შექმნილ ვითარებას.

2020 წლის პირველ ექვს თვეში საქართველოში ელექტროენერგიის მოხმარება 4.5%-ით შემცირდა.  ქვეყანამ, ჯამურად, 6.4 მილიარდ კვტ/სთ ელექტროენერგია გამოიყენა. ენერგიის მოხმარების კლება პანდემიის ფონზე შემცირებულ ეკონომიკურ აქტივობას უკავშირდება. როგორც ჩანს, პროცესი კიდევ კარგა ხანს გაგრძელდება და არათუ 2020 წელს, არამედ გაისადაც ამ კუთხით კლება იქნება. ბოლო პერიოდში რთულ მდგომარეობაში მყოფი ენერგეტიკის დარგისთვის ეს ერთგვარი შეღავათი აღმოჩნდა.

სროლა პანკისში - გუშინ გვიან ღამით, დაუდგენელმა პირმა სოფელ დუისში ქავთარაშვილების სახლს ცეცხლი გაუხსნა. ვერსიებთან დაკავშირებით ქავთარაშვილები ამბობენ, რომ შემთხვევა შესაძლოა 2019 წელს სოფელ საკობიანოსთან მომხდარი მკვლელობის საქმეს უკავშირდებოდეს, რომელშიც მურად ქავთარაშვილი ფიგურირებს. მაშინ 37 წლის ვისო მუთოშვილი მოკლეს, ქავთარაშვილი კი დაჭრეს. 

„ერთ-ერთი დიდი კოზირი, თავის ჭკუაში, „ნაციონალებს" ის ჰქონდათ, რომ ივანიშვილმა ყველა გადააგდოო, მაგრამ თვითონ ისეთი „ჩაუტარეს" თავის უახლოს პარტნიორებს, რომ შეიძლება დიდმა ნაწილმა საერთოდ ვერ მიაღწიოს პარლამენტამდე. გადაგდებაცაა და გადაგდებაც, ყველას აჯობეს გადაგდებაში" - ასე ეხმაურება პოლიტოლოგი რამაზ საყვარელიძე მაჟორიტარ კანდიდატებთან დაკავშირებით ოპოზიციაში შექმნილ უთანხმოებას.