კორონავირუსი მსოფლიოს ისევ უტევს, პანდემიის გამო მიღებული რეგულაციების შემსუბუქებამ ისევ გარკვეული ლოკალური აფეთქებები გამოიწვია და როგორც აღმოჩნდა ვირუსთან გამკლავების ერთ-ერთი მთავარი გზა ვაქცინა დარჩა. სწორედ ამიტომაც ლიდერი სახელმწიფოები ცდილობენ, რომ საბოლოო რეზულტატი შეძლებისდაგვარად მალე დაიდოს, რომელიც ადამიანის ჯანმრთელობისთვის უსაფრთხო და ვირუსთან ბრძოლაში ეფექტური იქნება.

23 წლის პროგრამისტის თამარ ბაჩალიაშვილის გარდაცვალების ირგვლივ საეჭვო მოვლენები ვითარდება. აღმოჩნდა, რომ გოგონა სოფელ მაწევანში 18 ივლის საღამოს საათებში ნახეს, შემდეგ კი უკვე 19 ან 20 ივლისს ის 17 წლის ადგილობრივმა უკვე დილის საათებში ავტომობილით კვლავ მათ სოფელში დაინახა. როგორც თვითმხილველი ამტკიცებს, მან ამის შესახებ მშობლებს უამბო, მათ კი საქმის კურსში პოლიცია ჩააყენეს. 

გადმოცემის თანახმად ოქონას მონასტერი, რომელიც გურაიში, სოფელ აცანაში მდებარეობს, თამარ მეფის ბრძანებთი ერთ დღეში აუგიათ. ისტორიული წყაროებით კი ამ ადგილას ჯერ კიდევ მე-9 საუკუნეში ყოფილა აგებული ეკლესია, რომელიც დანგრეულა. სწორედ ამ ნაგრევებზე ააგო მე-17 საუკუნეში დასავლეთ საქართველოს პატრიარქმა მელაქია გურიელმა, მაცღხოვრის სახელზე ახალი ეკლესია, რომელსაც სიცოცხლის ბოლომდე მფარველობდა.

გიორგი შაქარაშვილის გარდაცვალებიდან 40 დღე გავიდა. საქმეზე გამოძიება ამ დრომდე გრძელდება. შსს-ში გამოკითხვაზე სამი პირი იმყოფებოდა. ისინი იუბილარ ანი გაბეჩავას წვეულების სტუმრები არიან. გამომძიებლების შეკითხვებს ვანო თეგაძე და მისი მეგობარი გოგო პასუხობდნენ, რომლებიც ტრაგედიის ღამეს მცხეთის აგარაკზე დარჩნენ. სწორედ ისინი არიან მოწმეები, რომლებიც ე.წ. ნახალოვკელების დაჯგუფებას ნარეკვავში დახვდნენ. 

პანდემიისა და მსოფლიო ეკონომიკის დიდი კრიზისის ფონზე, როცა მსოფლიოს წამყვანი ქვეყნების ვალუტებიც კი უფასურდება და ნავთობის ფასმა ყველა ანტირეკორდი უკვე დაამხო, ოქროზე ფასი რეკორდულად იზრდება. ბოლო ერთი თვის განმავლობაში ძვიფასი ლითონი კიდევ 8.5%-ით გაძვირდა. ამის უმთავრესი მიზეზი, რასაკვირველია, კორონავირუსის გამო შექმნილი მდგომარეობაა, რომელიც ეკონომიკის პროგნოზირებას შეუძლებელს ხდის.

ავტობიზნესი, პანდემიის პირველი ტალღის შემდეგ, შედეგებს ითვლის. შემცირებული რეალიზაცია და დასაქმებულები, დახურული ოფისები, გაკოტრების პირას მყოფი დილერები - ასეთია ბიზნესის მდგომარეობა,  რომელიც, რეექსპორტის ხარჯზე, ქვეყნის ბიუჯეტის უმნიშვნელოვანესი კონტრიბუტორია. მომუშავეთა ნაწილს ახლა იმედს რეექსპორტისათვის საზღვრების ფართოდ გახსნის შესაძლებლობა უჩენს, მეორე ნაწილი კი ამ პერსპექტივას წელს საერთოდ ვერ ხედავს. 

23 წლის თამარ ბაჩალიაშვილის ბურუსით მოცული გარდაცვალების ირგვლივ ოჯახს და მის ადვოკატს კიდევ უფრო მეტი ეჭვი მას შემდეგ უჩნდება, რაც სამართალდამცველებმა პროგრამისტი გოგონას კომპიუტერი ჯერ კიდევ ვერ გახსნეს. როგორც აღმოჩნდა, ჯერ კიდევ უცნობია, რას ინფორმაციას ინახავს ბაჩალიაშვილის კომპიუტერი, რომელიც გარდაცვლილს საგულდაგულოდ აქვს დაშიფრული. 

"შანსები ჯერ-ჯერობით გაურკვეველია, თუმცა, დღევანდელი მოცემულობით, პირველ ტურში მაჟორიტარობის კანდიდატების უმრავლესობა ვერ მიიღებს 50%-ზე მეტს, რომ გამარჯვებული იყოს, ამიტომ იქნება მეორე ტურები და სავარაუდოდ ერთმანეთს "ნაციონალური მორაობის" და ხელისუფლების მაჟორიტარი კანდიდატები დაუპირისპირდებიან"- აცხადებს პოლიტოლოგი ვახტანგ ძაბირაძე ხელისუფლებისა და ოპოზიციის მაჟორიტარი კანდიდატების შანსებზე საპარლამენტო არჩევნებში.

აშშ-ის პრეზიდენტი დონალდ ტრამპი მსოფლიოს აიმედებს, რომ წლის ბოლოსთვის კორონავირუსის საწინააღმდეგო ვაქცინა უკვე მზად იქნება. იმის გათვალისწინებით, რომ 2020 წელს ამერიკაში საპრეზიდენტო არჩევნებია, ანალიტიკოსები ვარაუდობენ, რომ ეს განცხადება შესაძლოა, საარჩევნო კამპანიის ნაწილი იყოს, თუმცა ჯანდაცვის სფეროს სპეციალისტები მიიჩნევენ, რომ ვაქცინის შექმნისთვის ერთი წელი შესაძლოა, სრულიად საკმარისიც იყოს.

ჩხარის წმინდა გიორგის ეკლესია, რომლის პირველი ნაგებობის ნაშთებიდან ირკვევა, რომ ერთ-ერთი უძველესი ეკლესია და მნიშვენლოვანი რელიგიური ცენტრი იყო საქართველოში, სადაც ოდითაგნვე მრავალი უნიკალური ნივთი ინახებოდა. 1920 წელს ექვთიმე თაყიაშივლმა ჩხარის წმინდა გიორგის ეკლესიის სიძველენი შეისწავლა, მაგრამ ემიგრაციიდან დაბრუნებულმა მხოლოდ 1948 წელს გამოსცა ორი წერილი, სადაც აღწერა ის სიწმინდეები, რომელიც თავდაპირველად ნახა ამ ეკლესიაში.

სამშაბათს საქართველოს პრემიერ-მინისტრ გიორგი გახარიასა და აშშ-ის სახელმწიფო მდივანს მაიკ პომპეოს შორის სატელეფონო საუბარი შედგა, რა დროსაც სახელმწიფო დეპარტამენტისგან ორი მთავარი გზავნილი გაჟღერდა: საქართველოში თავისუფალი და სამართლიანი არჩევნების ჩატარება და სასამართლო სისტემის დამოუკიდებლობის გაძლიერება.

კონტრაბანდის მასშტაბი საგანგაშოდ მატულობს და მასში უკვე მაღალი რანგის სახელმწიფო მოხელეებიც არიან ჩართული. წალენჯიხის საკრებულოს თავმჯდომარის დაკავებამ აშკარა გახადა, რომ საქართველოში კონტრაბანდა უკვე ბიუროკრატიის დონეზეა. თუკი აქამდე მოსახლეობაში მსგავსი ფაქტების გამოვლენა ლამის ყოველდღიურად ხდებოდა, ამ ეტაპზე ფაქტებზე იჭერენ მსხვილ ჩინოვნიკებს. თავისუფლად შესაძლებელია, რომ საქართველოში კონტრაბანდას სამთავრობო დონეზე ლობიც ჰყავდეს და პრობლემა კონკრეტული რამდენიმე ჩინოვნიკის უკანონო საქმიანობის არეალს ბევრად სცილდებოდეს.