თურქეთის ხელისუფლებისთვის მიუღებელი სკოლები საქართველოში იხურება - თებერვალში იყო შაჰინის სკოლა-ლიცეუმი, ახლა დემირელის კოლეჯი. ორივე მათგანი საქართველოში წარმატებულ სკოლებად იყო მიჩნეული, თუმცა რატომღაც ავტორიზაცია ორივეს გააუქმდა, განათლების სამინისტროს მტკიცებით - "სერიოზული დარღვევების" გამო. თუმცა ეს მიზეზი არ სჯერა საზოგადოების დიდ ნაწილს, რადგანაც ერდოღანის ხელისუფლების მხრიდან ეს ორივე სკოლა მიუღებლად იყო გამოცხადებული და მიიჩნევა, რომ "ოცნების" ხელისუფლებამ სწორედ მეზობელი ქვეყნის მოთხოვნის საფუძველზე გადაწყვიტა ამ სკოლებისთვის განაჩენი გამოეტანა.

შედარებით ხანგრძლივი სტაბილურობის შემდეგ ლარის კურსმა გეზი გაუფასურებსკენ აიღო. ეს ხდება მაშინ, როცა ეროვნული ვალუტის დევალვაციის მაპროვოცირებელი ფაქტორები ქვეყანაში თითქმის აღარ არსებობს - ტურისტული სეზონი პიკზეა და უცხოეთიდან ფულადი შემოდინებების მხრივ საქმე გაცილებით უკეთესადაა. განსაკუთრებით აღსანიშნავია საგარეო ფაქტორიც, რომელიც, წესით, ლარის სასიკეთოდაა - დოლარი მსოფლიოს სხვა წამყვან ვალუტებთან მიმართებით თვალსა და ხელს შუა სუსტდება და ახლა 2,5-წლიან მინიმუმზეა.

"სამწუხაროა არა მხოლოდ ის, რომ ეს პოლიტიკური ფონია ისეთი, რომელიც ლახავს ქვეყნის რეპუტაციასა და სუვერენიტეტს, არამედ ისიც, რომ ამასობაში ვკარგავთ კარგ სკოლებს..." - ამბობს ილიას სახელმწიფო უნივერსიტეტის პროფესორი და ექსპერტი განათლების საკითხებში სიმონ ჯანაშია.

საკონსტიტუციო ცვლილებებთან დაკავშირებით 6 სექტემბერს სტრასბურგში დაგეგმილი ოპოზიციისა და ხელისუფლების შეხვედრა, დიდი ალბათობით, აღარ შედგება. ახლა ოპოზიცია სტრასბურგში გადასაგზავნ წერილზე მუშაობს. იმას, რასაც ხელისუფლება ულტიმატუმს უწოდებს, ოპოზიცია სამართლიანი საარჩევნო სისტემის საკითხს ეძახის. კომპრომისზე წასვლას არც ერთი არ აპირებს და ურთიერთბრალდებებით არიან დაკავებული.

"კონსენსუსი რომ ვერ მოხდებოდა, ეს თავიდანვე ცნობილი იყო, იმიტომ, რომ მთავარი ოპოზიციისთვის დღეს არის მაჟორიტარული სისტმა. ეს ისეთი საკითხია, რომელსაც ვერც ერთი მხარე ვერ დათმობს," - აცხადებს პოლიტოლოგი სოსო ცინცაძე, რომელსაც "რეზონანსი" საკონსტიტუციო რეფორმებთან დაკავშირებით გაესაუბრა.

"თუ ჩემი სუბიექტური აზრი გაინტერესებთ, მეც ვფიქრობ, რომ შეიძლება, ხელოვნურად იყოს გაჩენილი, შეიძლება, სხვა ფაქტორები იყოს," - ხანძრების გაჩენასთან დაკავშირებით ჟურნალისტებს საქართველოს შს მინისტრმა გიორგი მღებრიშვილმა განუცხადა.

"თვით ფაქტი, რომ ძალიან მოწყვლადი გავხდით თურქეთის სურვილებისთვის, ჩემში ხიფათის შეგრძნებას იწვევს," - ასე აფასებს პოლიტოლოგი გია ხუხაშვილი დემირელის სახელობის სკოლისთვის ავტორიზაციის გაუქმებას.

დემირელის კერძო კოლეჯს ავტორიზაცია შეუჩერდა. ამის შესახებგადაწყვეტილება განათლებისხარისხის განვითარების ეროვნულმა ცენტრმა მიიღო. ამისგაპროტესტებას დემირელის სკოლისმმართველები არ აპირებენ, რადგან თვლიან, რომ მათი პარტნიორი სკოლები საქართველოში ისედაც რთულ ვითარებაშია და მდგომარეობის უფრო მეტად დამძიმება არ სურთ.

თუ რომელ უნივერსიტეტებს ანიჭებენ უპირატესობას აბიტურიენტები და რომელია ამ მხრივ ყველაზე პოპულარული და რეიტინგული, ამასთან დაკავშირებით ზუსტი სტატისტიკური მონაცემები არ არსებობს. თუმცა ერთიანი ეროვნული გამოცდების შედეგების მიხედვით "თავისუფალი უნივერსიტეტი" აქვეყნებს სიას, სადაც ის პირველ ადგილზეა.

რკინიგზელთა პროტესტი 16 დღეა, გრძელდება, უკმაყოფილო თანამშრომლები მშრალ შიმშილობაზე გადავიდნენ. მთავრობა პრინციპულად არ ერევა კონფლიქტში, რკინიგზელები კი, ფაქტობრივად, უმოქმედოდ უყურებენ განვითარებულ მოვლენებს. სასწრაფო დახმარების ბრიგადამ უკვე 2 ადამიანი გადაიყვანა საავადმყოფოში. მოშიმშილეების ნაწილი უკიდურესი რისკის ქვეშ აყენებს საკუთარ ჯანმრთელობას. მშრალი შიმშილობის პირობებში ორგანიზმი მხოლოდ 3-5 დღე ძლებს.

ელექტროდამტენებზე მოთხოვნა მატულობს, რაზეც საგრძნობი გავლენა ელექტრომობილების პოპულარობამ მოახდინა. მიუხედავად იმისა, რომ იგი მსოფლიოში შედარებით ძვირად ღირებული ტრანსპორტია, ბოლო დროს საქართველოშიც პოპულარული ხდება. ეს დასტურდება სტატისტიკითაც. როგორც შსს-დან "რეზონანსის" მიერ გამოთხოვილ სტატისტიკურ მონაცემებშია აღნიშნული, 2017 წლის 16 აგვისტოს ჩათვლით, საქართველოში 328 ელექტრომობილი და 9 870 ჰიბრიდული ტიპის ავტომობილია იმპორტირებული.