"ხელისუფლება მიხვდა, რომ მარტო რჩებოდა და რაიმე სახარბიელო პერსპექტივა აღარ ჰქონდა, ამიტომ გასაგებია დაიწყოს ოპოზიციაში არამყარი ბუნების და შედარებით იოლად დამყოლი ლიდერების გამორჩევა. რას გააკეთებს ოპოზიცია, არ ვიცი, მაგრამ არ მჯერა, რომ ისინი მყარ ერთიან პრაგმატულ პოლიტიკას ითამაშებენ" - ასე ეხმაურება ექსპერტი და ანალიტიკოსი დემურ გიორხელიძე მმართველი გუნდის მზაობას საარჩევნო სისტემასთან დაკავშირებით მოლაპარაკება გამართოს ცალკეულ პოლიტიკურ პარტიებთან.

ოპოზიციონერი ლიდერების საკმაოდ სოლიდური ნაწილი ექსპრემიერთან და ყოფილ შს მინისტრთან, ვანო მერაბიშვილთან გაერთიანების კატეგორიული წინააღმდეგია. როგორც ლეიბორისტული პარტიის წევრმა, ლაშა ჩხარტიშვილმა „რეზონანსს" უთხრა, მერაბიშვილი არცერთ პოლიტიკური პარტიაში არ არის გაერთიანებული, შესაბამისად ვერც 21 თებერვალს, ოპოზიციის მიერ გამართულ შეხვედრას დაესწრებოდა.

ანალიტიკოსი არჩილ გამზარდია „მთავარ არხზე" გასულ მერაბიშვილის ინტერვიუზე „რეზონანსთან" საუბრისას აცხადებს, რომ ყოფილ შს მინისტრს პოლიტიკური განცხადებების გაკეთება არ უნდა ეჩქარა, რადგან მისი პარიმრობის პერიოდში ქვეყანაში ბევრი ცვლლება განხორციელდა.

ყოფილი შს მინისტრმა, ვანო მერაბიშვილმა 20 თებერვალს „მატროსოვის" ციხის დატოვების შემდეგ მის მიერ გაკეთებული განცხადება, რომ ხელისუფლებას დაამხობენ, განმარტა. მისი თქმით, „ქართული ოცნება" არჩევნების გზით აუცილებლად შეიცვლება. ანალიტიკოს რამაზ საყვარელიძის აზრით, ეს წამოცდენა იყო და ოპოზიციის მიზანი უცვლელი რჩება, - ხელისუფლება რევოლუციის გზით შეცვალონ, თუმცა, საზოგადოების საკმაოდ სოლიდური რაოდენობა „ნაციონალურ მოძრაობასთან" დადგომაზე ოპოზიციის მიერ დაანონსებულ საპროტესტო აქციებზე არ ისურვებს.

ქუთაისში მდებარე პარლამენტის ყოფილი შენობის შესაძლო გაყიდვის შესახებ ინფორმაცია არ აქვს „ქართული ოცნების" წევრ შოთა ხაბარელს, თუმცა როგორც „რეზონანსთან" საუბრისას თქვა, ამ შენობამ რაიმე ფუნქცია უნდა შეიძინოს. მისივე თქმით, განიხილებოდა საკითხი, რომ პარლამენტის ყოფილი შენობა სპორტული დანიშნულების უნდა ყოფილიყო.

2019 წლის 28 ოქტომბერს საქართველოს წინააღმდეგ კიბერშეტევა ამჯერადაც რუსეთმა განახორციელა - ამის შესახებ საგარეო საქმეთა სამინისტრო, ქართული მხარის მიერ ჩატარებული გამოძიებით და საერთაშორისო პარტნიორებთან ურთიერთთანამშრომლობის შედეგად მიღებული ინფორმაციის შესაბამისად იუწყება.

პრემიერ-მინისტრის გიორგი გახარიას გადაწყვეტილებას, იმის შესახებ, რომ შს მინისტრი ვახტანგ გომელაური ორ თანამდებობას შეთავსებით გაუძღვება და შინაგან საქმეთა სამინისტროს პარალელურად, ამიერიდან უკვე ეროვნულ უსაფრთხოების საბჭოსაც უხელმძღვანელებს, მმართველი გუნდი მიესალმება. ისინი აცხადებენ, რომ გომელაური მისი პროფესიონალიზმიდან და პასუხისმგებლობიდან გამომდინარე, ორ თანამდებობას პარალელურ რეჟიმში წარმატებით გაუძღვება.

პოლიტიკაში დაბრუნების შესახებ ყოფილი შს მინისტრის, ვანო მერაბიშვილის მიერ გაკეთებულმა განცხადებამ, ანალიტიკურ წრეებში გააჩინა მოლოდინი, რომ იმ თანამდებობის პირს, რომელიც "სისხლიანი 9 წლის თანამონაწილეა", დიდი პოლიტიკური პერსპექტივა არ აქვს.

ახალი დადასტურებული შემთხვევების რაოდენობა, რომელთაც დაუდგინდათ კორონავირუსის დაავადება (COVID-19) ჰუბეის პროვინციის გარეთ პერმანენტულად მცირდება და კლების დინამიკა თანდათან დადებით ტენდენციას იძენს. ამის შესახებ მეტყველებს ის ოფიციალური მონაცემები, რომელსაც ჩინეთის ჯანდაცვის სახელმწიფო კომიტეტი რეგულარულად აქვეყნებს.

შერიგებისა და თანასწორობის საკითხებში სახელმწიფო მინისტრი ქეთევან ციხელაშვილი ცხინვალის რეგიონის საოკუპაციო რეჟიმს მოუწოდებს, ახალგორის ე.წ გადასასვლელი პუნქტი გახსნას. ყოფილ სახელმწიფო მინისტრ პაატა ზაქარეიშვილისთვის კი გაუგებარია, ეს საკითხი ხელისუფლებამ რატომ არ დააყენა ერგნეთის შეხვედრების დროს, რაზეც სამინისტროში „რეზონანსს" უთხრეს, რომ ეს ინფორმაცია საერთაშორისო პარტნიორებს მიაწოდეს და საკითხი დააყენეს ასევე ერგნეთში ტექნიკური ხასიათის შეხვედრებზე.

პრემიერ-მინისტრ გიორგი გახარიას შესაძლო გადადგომას მმართველ გუნდში არ ადასტურებენ, მეტიც, გახარიას სახელმწიფო უსაფრთხოების სამსახურის უფროსის გრიგოლ ლილუაშვილით ჩანაცვლების საჭიროებას ვერ ხედავენ, რადგან პრემიერ-მინისტრი თავის საქმეს „ბრწყინვალედ ასრულებს." მედიაში გავრცელებულმა ინფორმაციამ ანალიტიკოსთა წრეებში გააჩინა მოსაზრება, რომ „ეს იქნება დასტური იმისა, რომ ხელისუფლებამ უკან დაიხია" და ოპოზიციისა თუ სამოქალაქო აქტივისტების ერთგვარმა ზეწოლამ საბოლოოდ შედეგი გამოიღო.

2020 წლის 1 იანვარს ამოქმედდა „მედიაციის შესახებ" საქართველოს კანონი, რომლის საფუძველზე საქართველოში პირველად დაფუძნდა საჯარო სამართლის იურიდიული პირი „საქართველოს მედიატორთა ასოციაცია", რომლის პრეზენტაცია ოთხშაბათს სასტუმრო „რუმსში" გაიმართა, სადაც საზოგადოებას დავის გადაწყვეტის ალტერნატიული მექანიზმის ოფიციალური ამოქმედება მიულოცეს ვიცე-პრემიერმა და იუსტიციის მინისტრმა ქ-ნ თეა წულუკიანმა, ევროკავშირის ელჩმა საქართველოში ბატონმა კარლ ჰარცელმა, გაეროს განვითარების პროგრამის მუდმივმოქმედმა წარმომადგენელმა საქართველოში ქ-ნ ლუიზა ვინტონმა.