„ვერ ვხედავ იმის ნიშნებს, რომ გახარია უკანა პლანზე გადავიდა და კალაძე წინა პლანზე გადმოდის. გახარიას შეცვლა, როცა არჩევნებამდე 9 თვე რჩება, „ოცნებისთვის“ პოლიტიკურად მომგებიანი არ იქნება“, - ასე ეხმაურება ექსპერტი ზაალ ანჯაფარიძე ოპოზიციის მოსაზრებებს იმის თაობაზე, რომ გახარია იძულებით გვერდზე გაწიეს, კალაძე კი „ფრონტზე“ პირველ რიგებში გამოდის.

„ჩვენს თვალწინ დექართველიზაციის პროცესი მიმდინარეობს გალის რაიონში, ახალგორში. ეს ამბავი საქართველოს ტერიტორიაზე ხდება და ჩვენ იმის მაგივრად, რომ ჩვენი პარტნიორები ამაში დავიხმაროთ, იძულებულები ვართ ჩვენი პარტნიორი ორგანიზაციები და დასავლეთის პოლიტიკური სპექტრი ჩვენს შიდა პოლიტიკური გარჩევებში იყვენ ჩართული", - ასე აფასებს „რეზონანსთან" ექსპერტი კავკასიის საკითხებში მამუკა არეშიძე ოკუპირებული ახალგორის ტერიტორიაზე მცხოვრები ქართველებისთვის მშობლიურ ენაზე სწავლის უფლების შეზღუდვას.

4 აპრილს თბილისში ოპოზიცია მასშტაბური აქციის გამართავს აანონსებს და ამის მოსამზადებლად რეგიონებში მოსახლეობასთან შეხვედრას იწყებს. როგორც ოპოზიციონერმა ლიდერებმა თქვეს, იგეგმება პარლამენტის შენობის პიკეტირებაც. ანალიტიკოსი ვახტანგ ძაბირაძე მიიჩნევს, რომ ოპოზიციური სპექტრის მხრიდან კონკრეტული თარიღის დასახელება შეცდომა იყო, თანაც ეჭვობს, აქცია როგორი მასშტაბურიც არ უნდა იყოს, ხელისუფლება რაიმე სახის დათმობაზე წავიდეს.

მარნეულში გატაცებული 17 წლის გოგონა პოლიციამ რამდენიმე საათის ძებნის შემდეგ იპოვა. არასრუწლოვანი სასწავლო კურსიდან თანატოლ ორ გოგონასთან ერთად გზაზე მოდიოდა, რა დროსაც მას თავს 4 მამაკაცი დაესხა, თავზე ტომარა ჩამოაფარეს და გაიტაცეს. გოგონა შველას ითხოვდა, თუმცა, მიუხედავად იმისა, რომ მარნეულის ცენტრი საკმაოდ ხალხმრავალი ადგილია, მას არავინ დაეხმარა. 

„აქამდე სულ პოლარიზებული არჩევნები იყო და პრაქტიკულად ყველაზე მკაფიო პრეზდენტობის არჩევნებში ის შედეგი იყო, რომ პოლარიზაციამ ფაქტიურად ზურაბიშვილის გამარჯვება მოიტანა. ასე რომ, რა თქმა უნდა, ხელისუფლებას ეს აწყობს", -ასე აფასებს „რეზონანსთან" პლიტოლოგი რამაზ საყვარელიძე „ქართული ოცნების" ყოფილი დეპუტატის თამარ ჩუგოშვილის განცხადებას, რომ მმართველი პარტია საპარლამენტო არჩევნების წინ ხელოვნურად ცდილობს პოლარიზებული გარემოს შექმნას.

სააგენტო „ბლუმბერგის" სტატიაში სახელწოდებით „საქართველოს ჩრდილოვანმა ბოსმა, ვაშინგტონში ახალი ლობისტი დაიქირავა", საპარლამენტო უმრავლესობის წევრ რევაზ არველაძისთვის გაუგებარია სტატიის ავტორი რას გულისხმობს. მან „რეზონანსთან" საუბრისას თქვა, რომ „ნაციონალური მოძრაობის" მხრიდან მმართველ პოლიტიკურ ძალაზე არაერთი თავდასხმის გამო, მნიშვნელოვანია „ქართულმა ოცნებამ" ვაშინგტონში ლობისტი კომპანიები დაიქირაოს.

„სასიგნალო მაშხალების გამოყენება ოკუპირებულ სოფელ ორჭოსანთან მიანიშნებს იმაზე, რომ გამოცხადებულია საგანგებო მდგომარეობა. როგორც ჩანს გააჩნიათ ინფორმაცია, რომ რომელიმე ჯგუფი ან ადამიანები აპირებენ „სასაზღვრო რეჟიმის" დარღვევას", - ასე აფასებს სამხედრო ექსპერტი ვახტანგ მაისაია „რეზონანსთან" საუბრისას სახელმწიფო უსაფრთხოების სამსახურის მიერ გავრცელებულ განცხადებას ოკუპირებულ სოფელ ორჭოსანთან, რამდენჯერმე გასროლილი მანათობელი (სასიგნალო) მაშხალის შესახებ.

„ჯერ ვნახოთ საერთაშორისო კრიტიკიდან გამომდინარე ამ შიშის ფონზე რაიმეს დათმობენ თუ არა და რას დათმობენ, მაგრამ ჩვენ ძალიან დარწმუნებული ვართ და მოქალაქეების ნებაც იმაშია, რომ ივანიშვილის პოლიტიკური მომავალი ნებისმიერი კონფიგურაციით დამთავრდეს. თუმცა, ვნახოთ თებერვლის ბოლომდე მოვლენები როგორ განვითარდება", - ასე აფასებს „რეზონანსთან" საუბრისას „ნაციონალური მოძრაობის" ერთ-ერთი ლიდერი ხატია დეკანოიძე პარლამენტის ყოფილი თავმჯდომარის ირაკლი კობახიძის განცხადებას.

„ქართული ოცნების" ყოფილი წევრი თამარ ჩუგოშვილი დასავლელი პარტნიორების მხრიდან პერსონალური სანქციების დაწესებას არ გამორიცხავს, რასაც ანალიტიკოსი ზაალ ანჯაფარიძე კითხვის ნიშნის ქვეშ აყენებს. მან „რეზონანსთან" საუბრისას თქვა, რომ ჩუგოშვილი წინასაარჩევნო პერიოდში ცდილობს, რომელიმე პოლიტიკურ პარტიასთან შევიდეს ალიანსში.

„დიდი ხანია, რაც რუსები ითხოვენ ამ საკითხის მოგვარებას. თუ ქართულ მხარესთანაა ეს ნეშტი, არ მესმის რატომ არ გადასცემენ. ქართული მხარე მოგებულ პოზიციაში იქნება, თუ გადასცემს კოვენცოვის ნეშტს რუსეთს", - ასე აფასებს შერიგებისა და სამოქალაქო თანასწორობის ყოფილი მინისტრი პაატა ზაქარეიშვილი „რეზონანსთან" საუბრისას რუსეთის განცხადებას, რომლის თანახმადაც ოფიციალური თბილისი მოსკოვს 2008 წლის ომის დროს დაღუპული სამხედრო მფრინავის ალექსანდრე კოვენცოვის ნეშტს არ გადასცემს.

იმ გარემოებამ, რომ ევროკავშირი-საქართველოს საპარლამენტო თანამშრომლობის კომიტეტის ყოველწლიური შეხვედრა საბოლოო სარეკომენდაციო დოკუმენტის შემუშავების გარეშე დასრულდა, საქართველოში დიდი აჟიოტაჟი გამოიწვია. გაკეთდა განცხადებები, რომ ევროკავშირთან ურთიერთობის 20-წლიანი ისტორიაში ასეთი რამ არასდროს მომხდარა. თუმცა სინამდვილეში ეს პირველი შემთხვევა არ ყოფილა. იგივე მოხდა 2013 წლის თებერვალშიც. ოღონდ თუ ახალი სხდომა სტრასბურგში გაიმართა, 7 წლის წინ ეს ბრიუსელში მოხდა. ამასთანავე მაშინ, 2013-ში, ასოცირების შეთანხმებამდე ამ ფორმატს კოოპერაციის კომიტეტი ერქვა, ახლა კი ასოცირების კომიტეტის ჰქვია.

"ლობიზმი მაშინ არის ეფექტური, როცა ხელისუფლება თვითონაც ეფექტურად მოქმედებს ლობისტებთან ერთად. ვერ წარმომიდგენია დღეს "ოცნებას" ჰყავდეს ადამიანი, ვინც ეფექტურად ითანამშრომლებს ლობისტებთან და ასევე ეფექტურად წარმართავს ურთიერთობას დასავლეთის ხელისუფლებებთან" - ასე ხემაურება ექსპერტი პეტრე მამარაძე "ოცნების" მიერ ახალი ლობისტური კომპანიების დაქირავებას.