დაჭერების სერია გრძელდება; 20 ივნისის „გავრილოვის ღამის" გამო „ევროპული საქართველოს" ერთ-ერთი ლიდერი, გიგი უგულავა გამოკითხვაზეა დაბარებული. მასთან ერთად, შსს სასამართლოს ირაკლი ოქრუაშვილისა და გია ბარამიძის დაკითხვის მოთხოვნითაც მიმართავს.

„პოლიტიკოსი, რომელიც დებატებზე არ მიდის და ოპონენტებთან დებატებს თავს არიდებს, გამოდის, რომ გარკვეულ არასრულფასოვნების კომპლექსს განიცდის. ეს ნიშნავს იმასაც, რომ მას სადებატოდ არგუმენტები არ აქვს. 2 ივლისის დებატები ერთ-ერთი ჩვეულებრივი პოლიტიკური დებატები იყო, რომელიც განსაკუთრებული დატვირთვით არ გამოირჩეოდა, თუ არ ჩავთვლით იმას, რომ ცალკეული პოლიტიკოსების სრული სახეცვლილება ვნახეთ," - ასე აფასებს „რეზონანსთან" საუბრისას ანალიტიკოსი ზაალ ანჯაფარიძე 2 ივლისს, გადაცემა „არჩევნებში" წარმართულ პოლიტიკურ დებატებს.

ივნისის ამბებიდან 14 დღე გავიდა - დარბევაზე პასუხისმგებელი პირი, ან პირთა ჯგუფი კი დადგენილი არ არის. ასევე დღემდე პასუხ გაუცემელი რჩება კითხვა, ვინ გასცა აქციის დარბევის ბრძანება და სპეცრაზმი ვისი დავალებით მოქმედებდა. მიუხედავად დაზარალებულების ნაწილის დაკითხვისა, შს სამინისტროს ან პროკურატურას ამ დრომდე არც იმ პოლიციელების შესახებ უთქვამს რაიმე, რომლებსაც უფლებამოსილების გადაჭარბების ბრალდებით სამსახურეობრივი უფლებამოსილება შეუწყდათ. ასევე არავინ იცის, ამ ადამიანების სს პასუხისმგებლობის საკითხი დადგება თუ არა. ოფიციალური მონაცემებით, გამოძიება 10 პოლიციელზეა დაწყებული.

"რუსეთი უკანასკნელი ორი წელია ერთ-ერთი მთავარი ქვეყანაა საქართველოს ექსპორტ-იმპორტის თვალსაზრისით, მაგრამ ყველაზე ცუდი ვარიანტიც რომ წარმოვიდგინოთ, სრული ემბარგო, ეს მაინც ვერ დააქცევს ისედაც დაქცეულ ქართულ ეკონომიკას. ცხადია, იქნება დანაკარგები, მაგრამ უნდა მოიძებნოს გზები პრობლემის დასაძლევად" - ასე ეხმაურება ექსპერტი და ანალიტსიკოსი დემურ გიორხელიძე რუსეთის მხრიდან არსებულ და მოსალოდნელ სანქციებს.

რუსეთის ფედერაციის საბჭოს საგარეო საკითხთა კომიტეტის თავმჯდომარის მოადგილე ვლადიმირ ჯაფაროვმა განაცხადა, რომ საქართველომ რუსეთს ბოდიში უნდა მოუხადოს, და დაამატა, რომ თუ საქართველოს ხელისუფლება ვერ დაამყარებს კონტროლს ქვეყანაში მიმდინარე პროცესებზე, მასაც ისეთივე ძვრები ელოდება, როგორიც უკრაინაში იყო.

იუსტიციის უმაღლესი საბჭოს მიერ შედგენილი უზენაესი სასამართლოს მოსამართლეობის სია სასამართლოს შიგნით „კლანის“ არსებობას ადასტურებს,  აცხადებენ იუსტიციის უმაღლესი საბჭოს არამოსამართლე წევრები. 

ნაზი ჯანეზაშვილი და ანა დოლიძე „რეზონანსთან“ ამბობენ, რომ იუსტიციის საბჭოს წევრთა უმრავლესობამ „გავრილოვის ღამეს“ იხელთა მომენტი და უზენაესი სასამართლოს მოსამართლეთა კანდიდატების კონკურსანტთა სია შეავიწროვა.

20 ივნისის „გავრილოვის ღამის" შემდეგ პარტია „კანონი და სამართალის" ლიდერი თაკო ჩარკვიანი პოლიტიკურ ვაჭრობაზე ბოლო დღეების განმავლობაში აქტიურად საუბრობს, თანაც „ევროპული საქართველოს" ერთ-ერთი ლიდერის, გიგა ბოკერიას მეუღლის, თამარ ჩერგოლეიშვილის შესახებ მიუთითებს.

"დღეს მთავარია პროპორიცულ საარჩევნო სისტემაზე გადასვლა და არანიარი საბაბით ამაზე უარი არ უნდა ითქვას, რათა ხელისუფლებას არ ჰქონდეს სათქმელი, რომ არ გინდათ, დარჩეს ისე, როგორც არის. სასურველია, რომ მიღწეული იქნას შეთანხმება და გავიდეს შეჯერებული ვარიანტი, რომელიც ორივესთვის იქნება მისაღები" - ასე ეხმიანება კონსტიტუციონალისტი ვახტანგ ხმალაძე ხელისუფლებისა და ოპოზიციის განსხვავებულ პოზიციებს, რომელიც 2020 წელს პროპორციული სისტმითა და ნულოვანი ბარიერით არჩევნების ჩატარებას ეხება.

20 ივნისის შემდეგ, რაც საქართველოს პარლამენტის თავმჯდომარის სკამზე რუსეთის დუმის კომუნისტი დეპუტატის, სერგეი გავრილოვის გამოჩენამ საზოგადოების მძლავრი პროტესტი გამოიწვია, რუსეთმა ისტერიული ანტიქართული  პროპაგანდა დაიწყო. 

2020 წლის საპარლამენტო არჩევნები პროპორციული წესით ჩატარდება. 20-21 ივნისის აქციების დარბევის და საპროტესტო აქციების შემდეგ მმართველმა გუნდმა დამთმობი ნაბიჯი გადადგა. თუმცა ოპოზიციის ნაწილი აცხადებს, რომ არსებობს საფრთხე გარკვეული დესტრუქციული ძალებისგან, რომ ხელისუფლებას ეს ნაძალადევად გადამდგარი ნაბიჯი, თავისი არასწორი განცხადებების შედეგად შეცვლევინონ. 

„სამუშაოები მიმდინარეობს, აზერბაიჯანულ მხარეს დაუკითხვად გაჰყავს ბილიკი და სადელიმიტაციო კომისიის მუშაობის დასრულებას არ ელოდება," - აცხადებს ანტისაოკუპაციო მოძრაობის „ძალა ერთობაშია" ლიდერი დავით ქაცარავა.

18 ივლისს გამოქვეყნდება სტრასბურგის სასამართლოს გადაწყვეტილებები საქართველოს წინააღმდეგ შეტანილ სამ სხვადასხვა საქმეზე, მათ შორის ტელეკომპანია „რუსთავი 2"-ის საქმეზეც. ამის შესახებ იუსტიციის სამინისტროს, როგორც საქართველოს მთავრობის წარმომადგენელს ადამიანის უფლებათა ევროპულ სასამართლოში, 28 ივნისს ოფიციალური შეტყობინება მიუვიდა.