რუსეთის პრეზიდენტის, ვლადიმირ პუტინის განცხადებით, საქართველოსა და რუსეთს შორის უვიზო რეჟიმის ამოქმედება შესაძლებელია. თუმცა საქართველოს ხელისუფლებას სანაცვლოდ უსაფრთხოების სფეროში თანამშრომლობას სთავაზობს.

"საკონსტიტუციო კომისიის მუშაობის შედეგად ვიღებთ ძალიან ცუდ რამეს - ერთპარტიულ დიქტატურას. როდესაც ინსტიტუციური მმართველობა არ ხორციელდება, ამას ერთპარტიული დიქტატურა ჰქვია. ჩვენ ასეთი სახელმწიფო უკვე გვქონდა საბჭოური წყობილების დროს და სამწუხაროდ, ვუბრუნდებით იგივეს", - ამბობს "მთელ კვირასთან" საუბრისას "თავისუფალი დემოკრატების" ერთ-ერთი ლიდერი შალვა შავგულიძე.

ნიღბიანი ახალგაზრდები, ტრანსფარანტები, ხმამაღალი შეძახილები, ადგილზე მობილიზებული საპატრულო პოლიციის ეკიპაჟები და გამვლელების ცნობისმოყვარე და გაოცებული მზერა... ახალგაზრდული მოძრაობა "ქართული ძალის" მიერ 24 დეკემბერს დაანონსებული აქცია "არა უცხოელი ლტოლვილების მიღებას საქართველოში" შედგა. მასში მონაწილეობა ათობით ახალგაზრდამ მიიღო.

გასულ კვირას, მხოლოდ 2 დღის განმავლობაში, ავტოსაგზაო შემთხვევის შედეგად ურეკსა და რუსთავში 7 ადამიანი გარდაიცვალა. რაც შეეხება საერთო სტატისტიკას, შინაგან საქმეთა სამინისტროს ინფორმაციით, საქართველოში ავარიის შედეგად, ყოველწლიურად 550-დან 600-მდე ადამიანი იღუპება. სწორედ საგანგაშო სტატიკა გახდა იმ აქციის მიზეზი, რომელიც სამოქალაქო სექტორის წარმომადგენლებმა მთავრობის ადმინისტრაციასთან გამართეს.

"მთელი მსოფლიოსათვის აღმოჩნდა გამორჩეული წარმავალი წელი: ბრიტანული ბრექსიტი, ამერიკის საპრეზიდენტო არჩევნების სკანდალურად სენსაციური შედეგი და კიდევ უფრო გაურკვეველი პერსპექტივები, ევროპის უახლეს ისტორიაში უპრეცედენტო მიგრანტული კრიზისი, პლანეტარული ხასიათის ეკონომიკური რყევები და ისლამური ტერორიზმის უპრეცედენტო გააქტიურება დროის მოკლე მონაკვეთში; ალეპოს ტრაგედია და რუსეთის როლი; ეს ალბათ არასრული ჩამონათვალია იმ ძლიერი გამოწვევებისა, რომლის ფონზეც მარტში ამინდის კაპრიზივით თუ გამოიყურება საქართველოს ეროვნული ვალუტის კრიზისი და ქვეყნის ეკონომიკური პრობლემები," - ამბობს პოლიტოლოგი სოსო ცინცაძე, რომელსაც "მთელი კვირა" ქვეყანაში და მის გარეთ მიმდინარე პოლიტიკურ ვითარებაზე ესაუბრა.

სოციოლოგი, საკვლევ-საკონსულტაციო ცენტრ "ფსიქო-პროექტის" დამფუძნებელი ზურაბ ბიგვავა ქვეყანაში არსებული ეკონომიკური პრობლემების, ლარის კურსისა და მთავრობის მიერ დაგეგმილი სოციალური პროგრამების გაუქმების მიუხედავად ხალხში მასშტაბურ პროტესტს გამორიცხავს და ამბობს, რომ საამისო მუხტი დღესდღეობით არ არსებობს.

"საზოგადოება გამოვა შინაგანი ძილის მდგომარეობიდან და ამის მთავარი მიზეზი იქნება ის სერიოზული შეცდომები, რომელსაც მთავრობა პირველი ოთხი თვის განმავლობაში დაუშვებს," - ასე აფასებს მოსალოდნელ მამლის წელიწადს ასტროლოგი მიხელ ცაგარელი "მთელ კვირასთან" საუბრისას. როგორც ის აღნიშნავს, ეს იქნება სერიოზული ცვლილებების წელი, რომელიც, ერთი მხრივ, მტკივნეულია, მეორე მხრივ კი, ქვეყნისთვის აუცილებელი.

"ნაციონალურ მოძრაობაში" დაპირისპირებამ პიკს მიაღწია - პარტიის დაშლის შესახებ თავად წევრები ალაპარაკდნენ. ყველაფერი 20 იანვრის ყრილობაზე გაირკვევა, თუკი, რა თქმა უნდა, იგი საერთოდ შედგა, რადგან პარტიის წევრების მნიშვნელოვანი ნაწილი კატეგოორიულად არ ეთანხმება ყრილობის იმ ფორმით ჩატარებას, რა ფორმითაც ამას წევრების მეორე ნაწილი გეგმავს.

საპატრიარქოში დიდი შიდა დაპირისპირებებია და ამაზე საუბარი მღვდელმთავრებმა უკვე ღიად დაიწყეს. მტყუან-მართლის გასარკვევად კი ჭყონდიდის ეპისკოპოსმა პეტრე ცაავამ განაცხადა, რომ საეკლესიო სასამართლო უნდა შეიქმნას და უფრო მეტიც, რუის-ურბნისის მსგავსი მამხილებელი საეკლესიო კრება უნდა ჩატარდეს.

ხანგრძლივი მსჯელობისა და დაპირისპირების შემდგომ, საკონსტიტუციო კომისიის შემადგენლობა უკვე ცნობილია. აღნიშნულის შესახებ ბრძანება პარლამენტის თავმჯდომარემ ირაკლი კობახიძემ გუშინ გამოსცა. გარდა პოლიტიკოსებისა, საკონსტიტუციო კომისიის მუშაობაში მონაწილეობას არასაპარლამენტო ოპოზიციისა და აღმასრულებელი ხელისუფლების ნაწილი, ექსპრეტები, სამოქალაქო სექტორის, სასამართლოს წარმომადგენლები და სხვები მიიღებენ, ხოლო კომისია მუშაობას, სავარაუდოდ, ორშაბათიდან შეუდგება.

საკონსტიტუციო სასამართლოში ერთი მოსამართლის ადგილი კვლავ ვაკანტურია. პრეზიდენტმა და უზენაესმა სასამართლომ საკუთარი კანდიდატურები კანონის შესაბამისად, ჯერ კიდევ 3 თვის წინ წარადგინეს, პარლმენტს კი ამასთან დაკავშირებით კონსულტაციებიც არ დაუწყია. არადა მოსამართლე ქეთევან ერემაძეს უფლებამოსილების ვადა 30 სექტმებერს ამოეწურა.

"ექსპერტებიც ჩართულები არიან, მაგრამ იქ ბევრი ისეთი ექსპერტია, ვინც დღევანდელ მთავრობასთან დაახლოებულია. არიან საკმაოდ კვალიფიცურები, მაგრამ ისინი მმართველი გუნდის სასარგებლოდ იმუშავებენ, რომ კონსტიტუცია მოერგოს ხელისუფლების და არა სახელმწიფოს ინტერესებს", - ასე აფასებს პოლიტოლოგი ნიკა ჩიტაძე საკონსტიტუციო კომისიის შემადგენლობას და მისი მუშაობის მოსალოდნელ შედეგებს.