"დარღვევებზე, რომელზეც პროკურატურა დავობს, ჩემი წილი პასუხისმგებლობა ვაღიარე," - აცხადებს "ცენტრ პიონტის" აჭარის ფილიალის ყოფილი უფროსი ირაკლი მინდელი.

ვინაიდან ვიზალიბერალიზაცია საქართველოს მოქალაქეობას ორმაგად მომხიბვლელს ხდის, სპეციალისტები ვარაუდობენ, რომ ევროკავშირი მთავრობისაგან მოქალაქეობის გაცემის გართულებას მოითხოვს.

მომდევნო წლიდან საჯარო სექტორში დასაქმებულთა რაოდენობა, შესაძლოა, 30 ათასი ადამიანით შემცირდეს. როგორც სპეციალისტები ვარაუდობენ, მთავრობის მიერ დაანონსებული ოპტიმიზაცია მნიშვნელოვნად შეცვლის დასაქმების სტრუქტურას. არც ისაა გამორიცხული, კადრების გაშვება (როგორც დანიშვნა) ნეპოტიზმის პრინციპით მოხდეს და სამსახურის მიღმა დარჩნენ ადამიანები, რომელთაც საჯარო სექტორში მფარველი არ ჰყავთ.

"უმუშევარი არა ათეულობით, არამედ ათასეულობით ადამიანი გახდება," - ამის შესახებ პოლიტოლოგმა სოსო ცისკარიშვილმა კადრების ოპტიმიზაციაზე საუბრისას განაცხადა.

რელიგიის საკითხთა სახელმწიფო სააგენტოს გაუქმებას ითხოვენ. "ქართველ მუსლიმთა კავშირის" ხელმძღვანელი ტარიელ ნაკაიძე მიიჩნევს, რომ რელიგიის სააგენტო განვითარების თვალსაზრისით რელიგიური უმცირესობებისთვის და ქვეყნისთვის ერთ-ერთი სერიოზული დამაბრკოლებელია, რაზეც რელიგიის საკითხთა სახელმწიფო სააგენტოს ხელმძღვანელი "რეზონანსის" საშუალებით პასუხობს და აცხადებს, რომ ბრალდებები ყოვლად უსაფუძვლოა და სააგენტოს მიღწევებზე ამახვილებს ყურადღებას.

"ქართული ოცნება" თუ გაჯიუტდება და ისეთ საკონსტიტუციო ცვლილებებს გაატარებს, რომელიც ქვეყანას ავტოკრატიულ რეჟიმში გადაიყვანს, ეს იქნება დესტაბილიზაციის დასაწყისი", - ამბობს "რეზონანსთან" საუბრისას ადვოკატთა ასოციაციის თავმჯდომარე ზაზა ხატიაშვილი.

მე-9 მოწვევის პარლამენტს ერთი თვეც არ შესრულებია და "ქართულ ოცნებასა" და პრეზიდენტს შორის ახალი ღია კონფლიქტი და ურთიერთბრალდებები უკვე დაიწყო. პრეზიდენტის ადმინისტრაციამ "ოცნებას" ერთპიროვნული და ერთპარტიული გადაწყვეტილებების მიღებაში დასდო ბრალი, პარლამენტის თავმჯდომარემ კი შეუთვალა, რომ "ადმინისტრაციის მოხელეებმა უნდა იცოდნენ რისი თქმის უფლება აქვთ".

პრემიერ გიორგი კვირიკაშვილის მიერ დაანონსებულმა გეგმამ, რომ "ნავთობისა და გაზის კორპორაციის" აქციების 25% უნდა გაიყიდოს, სომხეთში დიდი შფოთი გამოიწვია და ორი კვირაა, ვნებათაღელვა არ ცხრება. მიზეზი კი ისაა, რომ ეს კორპორაცია ფლობს იმ მაგისტრალურ გაზსადენს, რომლითაც რუსული გაზი საქართველოს გავლით სომხეთში გადის, მისი რეალური მყიდველი კი მხოლოდ ორი კომპანიაა - რუსული "გაზპრომი" და აზერბაიჯანული "სოკარი" და სწორედ "სოკარის" ინტერესების გამოა ერევანში დიდი პანიკა ამტყდარი.

გარკვეულზე მაღალი შემოსავლის მქონე მოქალაქეებმა უახლოეს მომავალში, შესაძლოა, ვერც ჯანმრთელობის უფასო სახელმწიფო დაზღვევით ისარგებლონ და ვერც უფასო სასკოლო სახელმძღვანელოებით. სპეციალისტთა ნაწილი მოქალაქეთა ასეთ დაყოფას მათი შემოსავლების მიხედვით არასწორად მიიჩნევს და ვარაუდობს, რომ ეს გეგმა ისედაც რთულ მდგომარეობაში მყოფი საშუალო ფენის გაღარიბებასა და გაქრობას გამოიწვევს.

არალეგალი მიგრანტები, იარაღი, ნარკოტიკი, ტერორისტები - თუკი ეს არასასურველი ტვირთები და ადამიანები საქართველოს გავლით ევროპაში მასობრივად მოხვდებიან, სწორედ მაშინ ამოქმედდება სწრაფი შეჩერების მექანიზმი, რომლის მიღებასაც, როგორც ევროკავშირთან უვიზო მიმოსვლის ამოქმედების წინაპირობას, საქართველო და უკრაინა ამდენ ხანს ელოდნენ.

სახალხო დამცველი ქალთა მკვლელობის საგანგაშო სტატისტიკაზე საუბრობს და კანონში ფემიციდის განსაზღვრას ითხოვს, რაც კანონმდებლობაში ცალკე მუხლის გამოყოფას გულისხმობს, რომლითაც გენდერული ნიშნით მკვლელობა შეფასდება. იურისტების ნაწილი მიიჩნევს, რომ ამ საკითხის "კანომდებლობის ანაბარა დატოვება" არასწორია და ამას მთლიანად სახელმწიფო პოლიტიკის შეცვლა სჭირდება; ნაწილი კი აღნიშნავს, რომ ამით კანონი გენდერულად მგრძნობიარე გახდება.

"პრეზიდენტის არჩევის წესი შეიძლება საკამათო საკითხიც იყოს ამ მოდელში, მაგრამ ამ კონკრეტულ მოცემულობაში არსებულ პოლიტიკურ ვითარებაში, როდესაც ერთი პოლიტიკური ძალის ხელშია როგორც აღმასრულებელი, ისე საკანონმდებლო ხელისუფლება, კიდევ ერთი ინსტიტუტის ინტეგრაცია აბსოლუტური ძალაუფლების გამყარების კუთხით სერიოზულად დასაფიქრებელია. იმიტომ, რომ დღევანდელი მდგომარეობით უზურპაციის რისკები ისედაც მაღალია და ამით კიდევ უფრო დამძიმდება ვითარება", - ამბობს "მთელ კვირასთან" საუბრისას პოლიტოლოგი გია ხუხაშვილი.