"ქართული ოცნების" სიის მიღმა დარჩენილი ყოფილი პარლამენტარები ჯერ ისევ მოთმინებით, თუმცა ცოტა განაწყენებითაც ელიან კახა კალაძისა და ირაკლი კობახიძისგან შეპირებულ თანამდებობებს. ნაწილი ამბობს, რომ "ოცნების" მმართველობაში "ცოტას სცოდავენ კიდეც" მათთვის შეპირებული დასაქმების ამდენი ხნით გაწელვის გამო. ზოგიერთი კი თვლის, რომ ცოტა ხანი "კიდევ უნდა მოიცადონ" და ალბათ რაღაც იქნება. თუმცა დიდად დარწმუნებულები იმაშიც არ არიან, რომ ყველა მათგანს დაასაქმებენ.

ყოფილი პრემიერ-მინისტრის ზურაბ ჟვანიასა და რაულ უსუპოვის საქმეზე 2014 წელს დაკავებული სამედიცინო ექსპერტი ლევან ჩაჩუა უზენაესმა სასამართლომ უდანაშაულოდ ცნო. პროკურატურა მას სამსახურებრივ გულგრილობას ედავებოდა, რომ, ექსპერტმა "სრულყოფილად არ აღწერა გვამებზე არსებული დაზიანებები".

4 დეკემბერს სოხუმში გაერთიანებული ოპოზიციური ძალების ბლოკის და პარტია "ამცახარას" პოლიტსაბჭოს საგანგებო სხდომა ჩატარდა. საგანგებო შეხვედრის მიზეზი სოჭში 3 დეკემბერს ოპოზიციური პარტიის ლიდერის, ფონდ "აპრას" ხელმძღვანელის ასლან ბჟანიას დაკავება გახდა.

"საზოგადოებამ თუ ვერ დაინახა ხელისუფლების მხრიდან ქმედითი ნაბიჯები და ის, რომ "ოცნება" რეალურად ატარებს ქამრების შემოჭერის პოლიტიკას, რა თქმა უნდა, მომწიფდება სერიოზული სოციალური პროტესტი. ამიტომაც ამ კუთხით ხელისუფლების სიტყვა და საქმე ერთმანეთს უნდა ემთხვეოდეს", - ამბობს "მთელ კვირასთან" საუბრისას პოლიტოლოგი ზაალ ანჯაფარიძე, რომელსაც ქვეყანაში მიმდინარე პროცესებზე ვესაუბრეთ.

საკრებულოს ფრაქცია "დედაქალაქის" წევრი შალვა ოგბაიძე დედაქალაქის ბიუჯეტის პროექტს კრიტიკულად აფასებს და ამბობს, რომ იგი გასული წლის ბიუჯეტთან შედარებით მნიშვნელოვნადაა შემცირებული. თბილისელების საჭიროებებზე, მისი აზრით, დოკუმენტი ნაკლებადაა მორგებული და ძირითადად შარშანდელი ვერსიის გადამღერებაა.

კერძო ამერიკული სადაზვერო-ანალიტიკური ორგანიზაცია "სტრატფორის" მიერ გამოქვეყნებული კვლევის თანახმად, უახლოეს მომავალში მთელ რიგ პოსტსაბჭოთა რესპუბლიკების საგარეო პოლიტიკაში რადიკალური ცვლილებებია მოსალოდნელი. ამერიკელი ექსპერტების აზრით, ევროკავშირში და ზოგადად დასავლურ ქვეყნებში არსებული შიდა დაპირისპირებები მოსკოვს საკუთარი პოზიციების გამყარებაში ეხმარება. ეს კი, საბოლოო ჯამში, პროდასავლური ორიენტაციის პოსტსაბჭოთა ქვეყნებზე ნეგატიურად ისახება.

წინ ეკონომიკურად საკმაოდ რთული და მკაცრი ზამთარი გველის. ბოლო დღეების განმავლობაში ლარის მუდმივმა გაუფასურებამ და მთავრობის დაანონსებულმა ეკონომიკურმა გეგმამ, ფასების მატების გარდაუვალობაზე აალაპარაკა ყველა და საზოგადოებაში ერთგვარი პანიკაც შეიქმნა.

საქართველო-ევროკავშირის ასოცირების საბჭოს მესამე სხდომაზე მხარეებმა ქვეყანაში მიმდინარე მნიშვნელოვანი მოვლენები, რეფორმები და ურთიერთობის სამომავლო გეგმები განიხილეს. ბევრ მნიშვნელოვან გზავნილთან ერთად, ევროკავშირმა მზადყოფნა გამოთქვა, მჭიდროდ ითანამშრომლოს საქართველოს ახალ მთავრობასთან ევროკავშირი-საქართველოს საერთო ორმხრივი დღის წესრიგის გატარებაში. მთავრობის დამტკიცების შემდეგ, ეს ქართული დელეგაციის პირველი ვიზიტი იყო ბრიუსელში, რაც მხარეთა განცხადებით, საქართველოს ევროპისკენ მისწრაფებასა და ერთგულ პარტნიორობაზე მიუთითებს.

პარლამენტის საპროცედურო კომიტეტის თავმჯდომარის, გიორგი კახიანის თქმით, საკონსტიტუციო ცვლილებზე მომუშავე კომისია უახლოეს მომავალში ჩამოყალიბდება. მისივე თქმით, კომისიას პარლამენტი დააკომპლექტებს და ამასთან დაკავშირებით კითხვები აღარ უნდა არსებობდეს.

სოხუმში, შესაძლოა, მორიგი რევოლუცია "მომწიფდეს" - საინიციატივო ჯგუფი, რომლის შემადგენლობაშიც ოპოზიციური ძალების ნაწილია გაერთიანებული, რაულ ხაჯიმბას გადადგომისთვის 2 - კვირიან ვადას აძლევს, წინააღმდეგ შემთხვევაში ფართომასშტაბიანი საპროტესტო აქციების დაწყებას აანონსებენ.

პოლიტოლოგი სოსო ცინცაძე ლარის გაუფასურების ფონზე ხელისუფლების ხელგაშლილობით აღშფოთებულია. მისი თქმით, დაპირებული ქამრების შემოჭერის პოლიტიკის ნაცვლად, რიგ უწყებებში ადმინისტრაციული ხარჯების ზრდა ვიხილეთ.

კომუნალური ტარიფები გაძვირების ზღვარზეა. მიუხედავად იმისა, რომ ენერგოკომპანიებს მძიმე დრო უდგათ, გადასახადის გაძვირებაზე ჯერჯერობით არ საუბრობენ. მათი უმეტესობა ირწმუნება კიდეც, რომ სემეკისთვის ტარიფის გაზრდის მოთხოვნით არ მიუმართავთ. ამას სემეკშიც ადასტურებენ. მიუხედავად ამისა, ძნელად სავარაუდოა, ლარის რეკორდულ გაუფასურებას კომუნალურმა ტარიფებმა გაუძლოს. ენერგეტიკოსები ფიქრობენ, რომ მოსახლეობას დენის გადასახადი, მინიმუმ, 2 თეთრით გაუძვირდება. არ არის გამორიცხული, სატარიფო ცვლილება ზაფხულში განხორციელდეს, რათა ხალხს გამოზამთრების საშუალება მისცენ.