არაამქვეყნიური სილამაზის გალობა ქართულ, ლათინურ და ქრისტეს მშობლიურ, არამეულ ენებზე, მესაზე შეკრებილი, სხვადასხვა ქვეყნიდან ჩამოსული კათოლიკე მრევლი, საქართველოს პრეზიდენტი და მთავრობის წევრები, ნახევრად ცარიელი თბილისის მიხეილ მესხის სახელობის სტადიონი, 150-მდე სხვადასხვა ქვეყნის ჟურნალისტი, საპატრულო პოლიციის უამრავი თანამშრომელი, უსაფრთხოების გაძლიერებული ზომები და რომის პაპის საქართველოში ვიზიტით უკმაყოფილო რამდენიმე ათეული მართლმადიდებელი ქრისტიანი სასულიერო პირი და მათი მრევლი... - ასეთი იყო რომის პაპის, ფრანცისკეს მიერ თბილისში აღვლენილი კათოლიკური მესა.

ლანჩხუთსა და ჩოხატაურში საპარლამენტო მანდატისთვის 10 კანდიდატი იბრძვის, მათ შორის - მმართველი პარტიის ახალი სახე ნინო წილოსანი, რომელმაც ჯერ კიდევ მოქმედი დეპუტატი თემურ ჭკუასელი ახალხან ჩაანაცვლა. შესაბამისად, წინასაარჩევნო კამპანიაც გვიან დაიწყო. თუმცა, მისი კონკურენტების მსგავსად, გამარჯვებაში დარწმუნებულია. კატეგორიულად გამორიცხავს იმ მოსაზრებას, რომ ჭკუასელის ჩანაცვლება პარტიამ გურიაში არსებული დაბალი რეიტინგის გამო გადაწყვიტა.

"ქართული ოცნების" მაჟორიტარობის კანდიდატი ნინო წილოსანი კონკურენტად არავის მიიჩნევს. ამბობს, რომ გურიისა და გურულების სიყვარულში, მათდამი ერთგულებასა და თავდადებაში კონკურენტი არ ჰყავს. დარწმუნებულია, რომ 8 ოქტომბერს "ქართული ოცნება" გაიმარჯვებს.

გამარჯვებაში დარწმუნებულია "ნაციონალური მოძრაობის" კანდიდატი ნინო კვიტაიშვილი. მმართველი პარტიის კანდიდატს სუსტ პოლიტიკოსად მიიჩნევს და შესაბამისად, ფიქრობს, რომ 8 ოქტომბერს მისი დამარცხება არ გაუჭირდება.

წინასაარჩევნო პერიოდში პოლიტიკური პარტიები ათობით, ზოგ შემთხვევაში კი ასობით წევრმა დატოვა. პროცესი რამდენიმე თვის წინ დაიწყო და დღემდე გრძელდება. არის შემთხვევები, როდესაც პარტიას წევრები განსხვავებული მოსაზრების გამო ტოვებენ და პოლიტიკიდანაც მიდიან. თუმცა, ასევე ხშირია შემთხვევა, როდესაც ეს ადამიანები მოწინააღმდეგე პარტიის რიგებს უერთდებიან.

2 ოქტომბერს საკონსტიტუციო სასამართლოს 4 ახალი მოსამართლე ეყოლება, მანამდე კი, ამ მოსამართლეების ვადის ამოწურვის ბოლო საათებში საკონსტიტუციო სასამართლომ "რუსთავი 2"-ს ორი სარჩელი დააკმაყოფილა და არაკონსტიტუციურად გამოაცხადა კანონის ნორმა დაუყოვნებლივ აღსრულებაზე და ის ნორმა, რის საფუძველზეც მოსამართლე, თამაზ ურთმელიძემ რუსთავი 2-ში დროებითი მმართველები დანიშნა.

საკონსტიტუციო სასამართლოს პირველი კოლეგიის მოსამართლე მერაბ ტურავა, რომელიც საკონსტიტუციო სასამართლოში ამ ხელისუფლების დროს დაინიშნა და ოპოზიციის დიდი ნაწილის მიერ ხელისუფლების ინტერესების გამტარებლადაა შერაცხული, ამბობს, რომ გამოცხადებული გადაწყვეტილება არაფერს ცვლის - "რუსთავი 2"-ს არც დროებითი მმართველი ჰყავს და იქ არც დაუყოვნებლივი აღსრულება მომხდარა. ამიტომ ამ სარჩელს მხარი მანაც დაუჭირა.

სტრასბურგის სასამართლოს მოსამართლედ საქართველოს მთავრობამ შესარჩევ კომიტეტს 3 კანდიდატი წარუდგინა. გავრცელებული ინფორმაციით, მათ მხარი არც ერთ მათგანს არ დაუჭირეს. ევროსაბჭოში საქართველოს ყოფილი ელჩის მამუკა ჟღენტის შეფასებით, გასაუბრების შემდეგ სიის არდამტკიცება, რეალურად, სიის უარყოფას ნიშნავს.

ფონიჭალაში 30 სექტემბერს, გვიან ღამით, 15 წლის მოზარდი სასიკვდილოდ დაჭრეს, რომელიც საავადმყოფოში მიყვანის შემდეგ გარდაიცვალა. მე-11 კლასის მოსწავლე ავთო ბაგალიშვილი ქვემო ფონიჭალაში "ქართული ოცნების" მიერ ორგანიზებულ კონცერტზე იმყოფებოდა, სადაც მას და მის მეგობრებს თანატოლებთან შელაპარაკება მოუვიდათ, ხოლო კონფლიქტი კონცერტის დასრულების შემდეგაც გაგრძელდა.

პოლიტოლოგისა და კონსტიტუციონალისტ ვახტანგ ძაბირაძის თქმით, ხელისუფლებას შესაძლოა, თავად არ სურდეს იმის გახმაურება, რომ "ნაციონალურ მოძრაობას" თუნდაც კანონიერად უსმენს.

საპარლამენტო არჩევნებამდე ზუსტად ერთი კვირა რჩება. როგორია წინასაარჩევნო გარემო დღეს, რა კანონდარღვევებსა და მანიპულაციებს აქვს ადგილი მმართველი გუნდის მხრიდან და როგორი იქნება მომავალი პარლამენტის შემადგენლობა - ამის შესახებ "რეზონანსს" "რესპუბლიკური პარტიის" ერთ-ერთი ლიდერი, ლევან ბერძენიშვილი ესაუბრა.

რომის პაპი ფრანცისკე (რომის 266-ე პაპი 2013 წლის 13 მარტიდან) ორდღიანი ვიზიტით საქართველოს გუშინ ესტუმრა. მას თბილისის საერთაშორისო აეროპორტში საქართველოს პრეზიდენტი გიორგი მარგველაშვილი და პირველი ლედი მაკა ჩიჩუა დახვდნენ, ასევე - პარლამენტის თავმჯდომარე დავით უსუფაშვილი, სრულიად საქართველოს კათოლიკოს-პატრიარქი ილია მეორე და მთავრობის ცალკეული წევრები.